2.Timoteo 4:18 - Te B'aib'ara

¹⁸ E na boni kainaomataai te Uea man aaro nako aika bubuaka, ao E na kamaiuai ma ni karinai i nanoni ueana are i karawa. Bon ana b'ai te neboaki n aki totoki. Amen.

2.Timoteo 4:18 Iomraidhean Croise

Karikani B'aai 48:16

E bia kakab'aiaia te anera are e kamaiuai man taian kangaanga ni kabane. E bia maiu arau ma aran Aberaam, ao Itaaka i nanoia ataei ni mm'aane aikai. A bia m'aiti natiia, ma aia kariki.”

1.Rongorongo 4:10

E tataro n te tai teuana nakon Atuan Iteraera ni kaangai, “Taiaoka kakab'aiaai ao anganai abau aika a m'aiti. Ko na aki kikiitanai b'a I aonga n aki reke n te kabuanib'ai.” Ao E karaoi b'aai ake e a tia ni bubuti iai Iabeti te Atua.

Taian Areru 121:7

E na kakawakiniko te UEA man taiani kabuanib'ai nako; E na kakawakiniko raoi.

Taian Areru 37:28

E tangira te kaetitaeka ae eti te UEA, ao E aki kitaniia ana Aomata aika kakaonimaki: E kakawakiniia n aki toki, ma a na kakioaki nako aia kariki aomata aika buakaka.

Taian Areru 73:24

Ko kairiirai n am Taeka n Reirei, Ao Ko na m'aneai rimwi nakon te neboaki.

Taian Areru 92:10

Ko a tia ni kakorakoraai b'a kanga ai aroni korakoran te kaom'aane ae aki manana; Ko a tia ni kakab'aiaai ngke Ko kakukureiai.

Taeka n Rabakau 14:32

A uruanaki aroia aomata aika a buakaka n tain te kangaanga; ma e bon teimatoa naba n onimaki ane akea ana bure n tain te mate.

Mataio 13:43

Ao ane a na raneanea akana raoiroi n ai aron taai n uean Tamaia. Ane iai taningana, ao ke e ongo.

Mataio 25:34

Ao ane E na kangai te Uea nakoia ake i angaataina, “Nako mai ngkami akana kam kakab'aiaki iroun Tamau; kam na b'aina Uean te Atua are a tia ni katauraoaki i bukimi mani moani karikan aonnaba:

Mataio 6:13

Ao tai kairira nakon te kaririaki, ma Ko na kamaiura man te buakaka; b'a am b'ai te uea, te m'aaka, ao te neboaki n aki toki. Amen.

Ruka 11:4

Ao kab'arai ara bure, b'a ti kab'arai naba aia bure akana bure nako ira; ao tai kairira nakon te kaririaki.

Ruka 12:32

Tai maaku, ngkami aika karako m'aitimi b'a E kukurei Tamami n anganingkami ueana.

Ruka 22:29

ao n aron Tamau ngkae E a tia n anganai te kona n tautaeka, ao Ngai N na anganingkami naba te kona anne;

Ioane 17:15

I aki tataro b'a Ko na uotiia nako mai aon te aba, ma I tataro b'a Ko na kawakinia mairoun teuare buakaka.

I-Rom 11:36

B'a mairoun te Atua b'aai ni kabane; a bane ni karikaki i bukina, ao a na bane ni manga oki nakoina. Ana b'ai te neboaki n aki toki. Amen.

I-Rom 16:27

Ao ngkai, i bukin Iesu Kristo, ti a kona n angan te Atua, are ti Ngaia ae rabakau, te neboaki n aki toki. Amen “E na mena iroumi ana akoi ara UEA are Iesu Kristo.” Ao B'aib'ara tabeua a kaaki te kibu 25, 26 ao 27 ni kabanean te m'akoro 14; ao te B'aib'ara teuana e kaaki kiibu aikai ni kabanean te m'akoro 15; ao iai B'aib'ara tabeua ake akea i rouia kiibu aikai.

1.I-Korinto 1:21

B'a te Atua, n rabakauna, ao E a tia ni karaoa ae a na aki kona n ataia aomata n oin rabakauia. Ma e ngae n aei, ao E a bon tia ni baireia b'a E na kamaiuia aika onimaki n te rongorongo n nanobaba ae ti tataekinna.

1.I-Korinto 10:13

Te kataaki ae e a tia n roko i roumi boni ngaia naba are e roko irouia aomata nako. Ma E kakaonimaki te Atua, ao E na bon aki kariaingkami b'a kam na kataaki i aon ami kona; ma n te tai are kam kataaki iai, ao E na karekea naba te anga are kam na butaki nako maiai, b'a kam aonga ni kona n taon nanomi.

1.I-Korinto 15:50

Ao aio au taeka, taari: e aki kona ni karekea uean te Atua te iriko ma te raraa, ao e aki kona naba ni karekea te aki mka te mka.

2.I-Korinto 1:10

are ti kamaiuaki i Rouna man te mate are moan te kakamaaku, ao E na boni manga kamaiura naba maiai; ti a tia ni kawenea ara kaantaninga i Rouna b'a E na boni manga kamaiura naba,

I-Karatia 1:5

are ana b'ai te neboaki n aki totoki; Amen.

1.I-Tetaronike 5:23

Ao Atuan te raoiroi E na karaoingkami b'a kam na riki n ai arona n aromi nako; ao a na kawakinaki tamneimi, ma maiumi, ma rab'atami, b'a a na aki konaki ni kabuakakaki i matan ara Uea are Iesu Kristo.

2.I-Tetaronike 3:3

Ma E kakaonimaki te Uea; E na kateimatoaingkami ma ni kawakiningkami mairoun teuare buakaka.

1.Timoteo 1:17

Ana b'ai te Uea ae akea tokina, ae aki mamate, ae aki nonoraki, ae te Atua ae ti temanna, te karineaki ma te neboaki n aki totoki. Amen.

1.Timoteo 6:16

ae ti Ngaia ae aki mamate, ae maeka n te oota are aki konaaki ni kawaraki; akea te aomata ae e a tia n noria, ao akea ae kona n noria. Ana b'ai te karineaki ma te m'aaka ae aki totoki. Amen.

2.Timoteo 1:12

ao aei bukin ae I maraki iai i bukini baikai. Ma I aki mamaa, b'a I ata Teuare I onimakinna, ao I aki nanokokoraki b'a E boni kona ni kawakina te baere E a tia ni mwiokoai iai ni karokoa te bong arei.

2.Timoteo 4:1

I tuangko i matan te Atua, ma Kristo Iesu, are nangi motiki taekaia akana maiu ma akana mate, ao i bukin ae E nangi roko n tautaeka b'a te Uea Ngaia:

Ebera 11:16

Ma a bon tangira te tabo ae raoiroi riki, are i karawa. Ma ngaia are E aki mamaa te Atua n atongaki i rouia b'a Atuaia, b'a E a tia ni katauraoa aia kawa i bukiia.

Ebera 12:22

Ma kam kaania te maunga are Tion ma ana kawa te Atua ae maiu, are Ierutarem are i karawa, ma anera aika ngaa ma ngaa,

Ebera 13:21

E na katauraoingkami nakoni m'akuri aika raraoi ni kabane b'a kam aonga ni karaoa nanona, ao b'a kam aonga iroun Iesu Kristo ni karaoa are E na kukurei iai te Atua. Ao ana b'ai Kristo te neboaki n aki totoki. Amen.

Iakobo 2:5

Tariu aika kam tangiraki, kam na ongora: tiaki E rineia akana aki kaub'ai ni b'ain aon te aba te Atua b'a a na kau-onimaki, ao a na riki b'a taan abaaba n ueana are E atongnga n te taeka n akoi nakoia ake a tangiria?

1.Betero 1:5

ngkami aika kam kawakinaki ni m'aakan te Atua n te onimaki, i bukin te kamaiuaki ae e tauraoi ni kaotaki n te kabanea n tai.

1.Betero 5:11

Ana b'ai te tautaeka n aki totoki. Amen.

2.Betero 1:11

N te aro aei, ao kam na anganaki ni kabatiaki te kona n rin n uean ara Uea ao ara Tia Kamaiu are Iesu Kristo, are ueana are aki toki.

2.Betero 3:18

Ma kam na rikirake n te akoi ao n ataakin ara Uea ao ara Tia Kamaiu are Iesu Kristo. Ana b'ai te neboaki ngkai, ao n aki toki. Amen.

Iuta 1:1

Mairoun Iuta, ae ana toro Iesu Kristo, ae tarin Iakobo, nakoia akana weteaki, akana tangiraki iroun te Atua ae te Tama, akana kawakinaki i bukin Iesu Kristo:

1.Tamuera 17:37

E a tia te UEA ni kamaiuai man ukinibain te raian ma te bea, ao E na bon kawakinai mani bain te I-Biritia aei. Ao e taku Tauro, “E raoiroi, ko na nako ni bo ma ngaia. Ao bon au kantaninga b'a E na kaawakiniko te UEA.”

1.Tamuera 25:39

Ao ngke e ongo Tawita taekan Nab'ara b'a e a tia ni mate, ao e taku, “E na neboaki te UEA! E a tia n irantangaai mairoun Nab'ara i bukina ngke e kamamaaeai ao E kaawakinai b'a N na aki karaoa ae e buakaka. E a tia te UEA ni katuaaea Nab'ara i bukin ana m'akuri ae e buakaka.” Ao i mwiin arei, e karaoa ana kabutiman Tawita b'a e kan mare ma Nei Abikaira.