2.Timoteo 4:12 - Te B'aib'ara

¹² I kanakoa Tukiko nako Ebeto.

2.Timoteo 4:12 Iomraidhean Croise

M'akuri 18:19

A roko i Ebeto, n te tabo are a kitanaki iai Beritikira ma Akura irouni B'auro. E nako B'auro n rin ni m'aneabaia I-Iutaia, ao e reireiia I-Iutaia.

M'akuri 18:21

ma ngke e kabo ma ngaiia, ao e taku, “Ngkana nanon te Atua ao N na manga okiringkami.” Ao e borau mai Ebeto.

M'akuri 19:1

Ngke e mena Aboro i Korinto, ao B'auro e ri nukan aaba ake i eta, ao e roko i Ebeto; ao e kuneia Kristian tabem'aang iai.

M'akuri 20:25

Ao noria, I ataia b'a kam nang aki manga noori matau, ngkami ni kabaneingkami aika I nakonako i buakomi n tataekina Uean te Atua.

M'akuri 20:4

Ao e iria Tobatero are natini Buro, are te I-Beroia; a iri naba Arititareko ma Tekunro ake I-Tetaronike, ma Kaio are te I-Rerebe, ma Timoteo, ao Tukiko ma Terobimo ake I-Atia.

I-Ebeto 6:21

Tukiko, ae te tari ae tangiraki, ae te tia m'akuri ae kakaonimaki i bukin te UEA, e na kaongoraingkami b'aai ni kabane, b'a kam aonga naba n atai taekau ma arou b'a I uara:

I-Ebeto 6:22

b'a anne bukin ae I kanakoa iai nakoimi, b'a kam na atai arora, ao e na karau nanomi.

I-Korote 4:7

E na kaongoraingkami n arou nako Tukiko, ae te tari ae tangiraki, ae te tia m'akuri ae kakaonimaki, ae raou naba n toro iroun te UEA.

1.Timoteo 1:3

Ko na tiku i Ebeto, n ai aron are I tuangko ngkoa ngke I nako M'aketonia; ao tuangiia aomata tabem'aang ikekei b'a a na tai reireia te aba te koaua ae kaokoro,

Tito 3:12

Ngkana I kanakoa Aretema nako im, ke tao Tukiko, ao ko na bareiko ni kawarai i Nikobori; b'a I a tia ni baireia b'a N na kabanea bongin te aumeaang iai.