2.Timoteo 3:11 - Te B'aib'ara

¹¹ ma b'ainikirinau nako, ma marakiu nako, ake a ituai i Antioka, i Ikonio, ao i Rutetera; ake b'ainikirinau ake I taona nanou nako iai; ao E kamaiuai te Uea mani baikai ni kabane.

2.Timoteo 3:11 Iomraidhean Croise

Karikani B'aai 48:16

E bia kakab'aiaia te anera are e kamaiuai man taian kangaanga ni kabane. E bia maiu arau ma aran Aberaam, ao Itaaka i nanoia ataei ni mm'aane aikai. A bia m'aiti natiia, ma aia kariki.”

2.Tamuera 22:1

Ao e anene Tawita nakon te UEA i mwiin kamaiuana mairouia ana kairiribai, ai moara ra riki Tauro. Aikai taekan ana anene:

2.Tamuera 22:49

Ko kaawakinai man aia tiritiri au kairiribai, ao Ko karaoai b'a N na korakora riki nakoia ni kabane.

Taian Areru 34:19

A bati baika e karawaawataaki iai te aomata ae e raoiroi; Ma E kamaiua te UEA mani baikanne ni kabane.

Taian Areru 37:40

E buokiia ao E kamaiuia; E kamaiuia mairouia akana buakaka, b'a kioina ngkai a karabaia i rouna.

Taian Areru 91:14

E taku te Atua, “N na kamaiua akana tangirai, Ao N na kakawakiniia akana ataai b'a te UEA ngai.

Itaia 41:10

Ko na aki maaku. Bon raou ngkoe. Ko na aki ruru ni maaku. Bon Atuam Ngai. N na kakorakorako, ngkana I kamanoko ni baiu ma n anganiko taian tokanikai.

Itaia 41:14

Kaain Iteraera kam na aki raraoma, ngkana a kaangai tem'angina, Bon ti te m'ata Iteraera!” Bon Atuan Iteraera ae e tabu Ngai, ae E kamaiuko ma ni kaawakiniko.

Itaia 43:2

Ngkana ko ri nanon te iabuti, ao I memena iroum, ao ko na aki b'ab'a. Ngkana ko ri buakon te ai, ko na aki bue ke ni maraki ni kabuebuena.

Ieremia 1:19

Ane a na buakaniko ma a na aki tokanikai. Bon aei au taeka Ngai ae te UEA A na bon aki konaa n tiringko.

Taniera 6:27

E kakamaiu ao e i buobuoki; E karaoi kamimii ma kakai i karawa ao i aonnaba. E kamaiua Taniera mairouia raian.”

M'akuri 13:14

Ngke a nako uakekei mai Bereke, ao a roko i Antioka are i Bitiria; ao a nako ni m'aneabaia I-Iutaia n te bong ae te Taabati, ao a tekateka iai.

M'akuri 13:45

Ma ngke a nooriia aomata aika bati I-Iutaia, ao a rangi ni bakantang; a kakewei taeka ake a atongaki irouni B'auro, ao a kabuakaka B'auro.

M'akuri 14:8

E tekateka te aomata temanna i Rutetera, ae a mamara waena; e m'auku mai nanoni biroton tinana, ao e tuai man nakonako.

M'akuri 20:19

Ao I beku i bukin te UEA ma te nanorinano ni kabanea, ma rannimatau, ri buakoni kataaki ake a b'akarai n aia m'akuri ni kam'am'ane I-Iutaia.

M'akuri 23:10

Ngke e riki te kauntaeka ae korakora, ao e makuia aomata aia mataniwi tautia b'a a kaawa n raebitia B'auro; ma ngaia are e tuangiia tautia b'a a na ruo n anaa B'auro mai buakoia, ao a na kairiia nako nanoni neia tautia are matoatoa.

M'akuri 26:17

N na kamaiuko mairouia te botannaomata ae Iteraera ao mairouia aomata aika tiaki I-Iutaia, ake I kanakoko nakoia,

M'akuri 26:22

Ma E a tia te Atua ni buobuokai ni karokoa te bong aei, ao ngaia ae I a tei iai ngkai n taetae nakoia akana mangori ma akana kakannato, n akea te bae I karakaa n taekinna i rarikin ti aia taeka burabeti ma Mote i bukini baika na roko:

M'akuri 9:16

Ao N na kaoti nakoina baika bati aika e riai ni karawaawataaki iai i bukin arau.”

I-Rom 15:31

b'a N na kamaiuaki mairouia ake a rawa n onimaki i Iutaia, ao a na kukurei n au m'akuri ana aomata te Atua ake a mena i Ierutarem.

2.I-Korinto 1:5

B'a ngkai a bati kamarakara aika kamarakani Kristo, ao ai arona naba b'a a bati karauan nanora irouni Kristo.

2.I-Korinto 1:7

E teimatoa ara kaantaninga i bukimi; b'a ti ataingkami b'a ngkai raora ni kamarakaki ngkami, ao bon raora naba ngkami ni karauaki nanora.

2.I-Korinto 12:10

Ma ngaia ae I kukurei n taiani mamara, ma taetae n iowawa, ma kainano, ma b'ainikirinaki, ma kanganga i bukini Kristo; b'a ngkana I mamara, ao I a korakora iai.

2.Timoteo 4:7

I a tia n rangi ni kekeiaki m'aaka, n te kekeiaki m'aaka ae e raoiroi; I a tia ni kabo biri m'aaka, ao I a tia n teimatoa i nanon te onimaki.

2.Betero 2:9

Ma ngaia ae te Uea E ata aroni kamaiuaia man te kaririaki, aomata aika reitaki ma Ngaia, ao te aro ae E na tauia iai akana buakaka i aan te karawaawataaki i m'ain te bongi ni motiki-taeka;