2.Timoteo 2:9 - Te B'aib'ara

⁹ ae I kamarakaki i bukina ao I kabaeaki n taurekereke i bukina b'a kanga ai aron te kam'arua ngai. Ma e bon aki kabaeaki n taurekereke ana taeka te Atua.

2.Timoteo 2:9 Iomraidhean Croise

Ruka 23:32

Iai naba uoman, aika taani kam'arua, ake a kairaki nako b'a a na kamateaki ma Ngaia.

M'akuri 21:33

E kaniia B'auro ngkanne teuare aia mataniwi tautia n taua, ao e tua b'a e na kabaeaki n taurekereke aika uaai. E titiraki ngkanne ao e taku, “Antai teuaei, ao tera ae e karaoia?”

M'akuri 28:31

E tataekina Uean te Atua, ao e reirei taekan te UEA are Iesu Kristo n aki mamaku, ma n aki tutukaki.

M'akuri 9:16

Ao N na kaoti nakoina baika bati aika e riai ni karawaawataaki iai i bukin arau.”

I-Ebeto 3:1

Ma ngaia ae ngai ae B'auro, ae ana aomata Kristo Iesu ae kabureaki i bukimi ngkami aika tiaki I-Iutaia,

I-Biribi 1:17

ao te koraki ake a kani kauntaeka a tataekina Kristo ma te nano ae aki itiaki; ao a iangoia b'a a na kariki riki kangaanga nako iu ngkai I kabaeaki.

I-Biribi 1:7

E bon riai reken te namakin aei i rou i bukimi ni kabaneingkami, b'a kioina ngkai kam memena i nanou. B'a kam a tia ni bane ni buokanib'ai ma ngai n te m'akuri are I anganaki iroun te Atua, n arou ngkai I kabaeaki ao ngke I kakaitarai taeka aika eekaanako te euangkerio, ma ni karina te euangkerio i nanoia aomata b'a e na tiku ni matoatoa.

I-Korote 4:18

I a koroi taeka aikai n oin tabonibaiu: Kam na mauri mairouni B'auro. Kam na ururing kabaeau! E na mena te akoaki i roumi.

I-Korote 4:3

ao kam na tataro naba i bukira, b'a E na karekea nako ira te anga are ti na kona iai n taekina te rongorongo are taekan te baere raba are taekani Kristo, are ngaia, are I kabaeaki iai i bukina;

1.I-Tetaronike 1:8

B'a e aki ti katanoataki n aromi ana taeka te Uea i M'aketonia ma Akaia, ma e a tia naba n tanoata taekan onimakinan te Atua i roumi n taabo ni kabane; ma ngaia ae akea te bae kainanoaki b'a ti na taekinna.

2.I-Tetaronike 3:1

Te kabanea ngkanne: taari, kam na tataro i bukira b'a e na waekoa ni buta nako ana taeka te Uea, ao e na butim'aeaki ni karineaki, n ai aroarona naba i roumi.

2.Timoteo 1:12

ao aei bukin ae I maraki iai i bukini baikai. Ma I aki mamaa, b'a I ata Teuare I onimakinna, ao I aki nanokokoraki b'a E boni kona ni kawakina te baere E a tia ni mwiokoai iai ni karokoa te bong arei.

2.Timoteo 1:16

E na nanoangaki ana utu Onetiboro iroun te Uea, i bukina b'a e aki toki Onetiboro ni kaungaa nanou, ao e aki mamaa ngkai I kabaeaki:

2.Timoteo 1:8

Ko na tai mamaa n taekina taekan ara Uea, ao ko na tai mamaa naba i rou, ngai ae I kabureaki i bukini Kristo; ma ko na buokanib'ai ma ngai ni maraki i bukin te euangkerio, ni m'aakan te Atua;

2.Timoteo 2:3

Ko na buokanib'ai ma ngai n te maraki, n ai aron ana tautia ae e raoiroi Kristo Iesu.

2.Timoteo 4:17

Ma E tei te Uea i rarikiu ao E kakorakoraai b'a N na taekina te euangkerio ae b'anin b'a a na ongo aomata aika tiaki I-Iutaia; ao I kamaiuaki man te mate.

1.Betero 2:12

A na raoiroi aroaromi i buakoia aomata aika tiaki I-Iutaia; b'a ngkana a bukiningkami b'a kam karaoa ae buakaka, ao a noori ami m'akuri b'a a raraoi, ao a na neboa te Atua iai n te bong are E na roko iai.

1.Betero 2:14

ke nakoia akana iai nakoaia ni kairiri n te tautaeka, aika a kanakoaki iroun te king b'a a na kareke kaiia akana kakaraoa ae buakaka, ao a na kamoamoaia akana karaoa ae e raoiroi.

1.Betero 3:16

ma kam na kaeka ma te nimamannei ao te maku; kawakini mataniwin nanomi b'a a na itiaki; ao n te aro aei a na mamaa iai te koraki ake a taetae ni kabuakakai aroaromi aika raraoi ngkai kam reitaki ma Kristo.

1.Betero 4:15

Ngkana e maraki temanna i buakomi, ao e na tai atongaki iai b'a te tia tiritiri, ke te tia iraa, ke te tia karaoa ae buakaka, ke te tia kanrabakauakin aia b'ai aomata tabem'aang n te aro ae aki riai.