2.Timoteo 2:4 - Te B'aib'ara

⁴ Akea te tautia ae katabeianga ni m'akuri riki tabeua ngkai e tabe ma ana m'akuri n tautia, b'a e aonga ni kakukureia ana mataniwi are korea arana b'a e na tautia.

2.Timoteo 2:4 Iomraidhean Croise

Ruka 8:14

Ao i bukiia ake a b'aka i buakoni kaai ake a kateketeke, akanne bon te koraki ake a ongo ma a karib'aki n iango n raraoma i bukini b'ain te maiu aei, ma kaub'aina ao kakukureina, ao a aki kaoti uaaia aika raraoi.

2.I-Korinto 5:9

Ma ngaia aei, b'a ti mena ni mwengara aei ke ti kitanna, ma nanora bon ti te kani kakukureia te Atua.

I-Karatia 5:1

B'a E kainaomataira Kristo i bukin te aro n inaomata; ma ngaia ae kam na teimatoa, ao kam na tai manga bae i aan te amo n toronaki.

1.I-Tetaronike 2:4

ma ngkai ti a tia ni kakoauaki iroun te Atua i mwini kataakira i Rouna b'a ti riai ni mwiokoaki i bukin tataekinan te euangkerio, ao ti bon riai n taetae, n aki kakukureia aomata, ma ti na kakukureia te Atua are Ngaia ae katai nanora b'a ua ra.

2.Timoteo 4:10

B'a e kitanai Tema, i bukin tangirani b'ain te maiu aei, ao e nako Tetaronike; ao Kiretike e nako Karatia, ao Tito e nako Tarematia.

2.Betero 2:20

B'a ngkana a a tia ni butaki nako mani kam'arani b'ain te maiu aei, n ataakin te Uea are te Tia Kamaiu are Iesu Kristo, ao ngkana a manga mangao i buakoia ma n tae aia kai iai, ao n tokiia a buakaka riki aroia nakon are rimoa.