2.Timoteo 2:21 - Te B'aib'ara

²¹ Ma ngaia aei, b'a te aomata ane kaitiakia mani baike a buakaka, ao e na riki b'a ai aron te m'angko are b'ain te botaki ae kakannato. E na katabuaki maiuna b'a ana b'ai ana Toka, ao e na kakukureia nanon ana Toka. E a tauraoi ni kabonganaki i bukini m'akuri nako aika raraoi.

2.Timoteo 2:21 Iomraidhean Croise

Taian Areru 119:9

E kanga n reke te maiu ae itiaki iroun te aomata ae e a ikawai? Tii ngkana e ongeaba nakon am Taeka.

Itaia 1:25

N na katuaaingkami n ae e korakora mani kabuoki b'aai ni kabane aika kam riki n aki raoiroi iai nakon taromauriau.

Itaia 52:11

Kam na kiitana te kaawa ae e buubura ae B'aburon! Kam na tai riinga te b'ai teuana ae e buakaka. Teboki baimi. Tauraoi ni uoti rikaaki b'aai aika a tabu ake bon ana B'ai te UEA.

Ieremia 15:19

Ao E taku te UEA nako iu: Ko na aki katoka taetaem kaanga te baba! N na karikiko riki b'a Au burabeti ngkana ko okirai ma n taetaekina au rongorongo. I taku b'a a na kariaia te b'ai ae ko taekinna kaain Iuta. Ma ko konaa ni kaaitarai aia m'akuri nako aika a kamaraki,

Maraki 3:3

E na kaitiakia ana kariki Rewi, te UEA kaanga ai aron te tirewa. Ao ane a na uota te angab'ai ae e kaantaningaaki nakon te UEA.

M'akuri 9:15

Ma E taku te UEA nakoina, “Ko na nako, b'a I a tia n rinea teuarei b'a e na m'akuri i buku: b'a e na tataekina arau ni kaotiotai nakoia aomata aika tuai n onimakina te Atua, ao nakoia uea ma te botannaomata ae Iteraera.

1.I-Korinto 5:7

Kam na kaki te iiti nikawai, b'a kam aonga n riki n ai aron te kariki ni buraawa ae boou are akea te iiti iai: b'a bon anne aromi. B'a b'ain te Toa are te Riao bon te karea ae te tiibuteteei are Iesu Kristo, are E a tia ni kamateaki.

2.I-Korinto 7:1

Raou aika kam tangiraki, ngkai ara b'ai ma ngkami taeka n akoi aikai, ao ti na kaitiakiira mani kam'araan nako te rab'ata ma te tamnei, ao ti na kakororaoa aroni maiura n reitaki ma te Atua n arora ni maka te Atua.

2.I-Korinto 9:8

Ao E kona te Atua ni kabati b'aai n akoi ni kabane nako imi, b'a e aonga n reke i roumi n tai nako te toronib'ai ni b'aai ni kabane, b'a kam aonga ni kabati m'akuri nako aika raraoi;

I-Ebeto 2:10

B'a kanoan ana m'akuri ngaira, aika ti karikaki i nanoni Kristo Iesu i bukini m'akuri aika raraoi, ake E a kamani katauraoi b'a ti na karaoi.

1.Timoteo 6:11

Ao ngkoe, ae ana aomata te Atua, ko na kararoako mani baikai, ao ko na kataa ae ko kona, ni karaoa nanon te Atua, ni maiu n reitaki ma Ngaia, ni b'aina te kakaonimaki ma te maiu n tangira, ma te taotaonaki n nano, ma te nimamannei.

2.Timoteo 2:16

Ko na kararoako mani b'arantiko aika akea nanoia aika aki itiaki, b'a ane a na kairiia aomata ni kararoaia ma te Atua;

2.Timoteo 2:20

A mena i nanon te auti ae ab'ab'aki tiaki ti m'angko aika karaoaki mani koora ao tirewa, ma iai naba aika karaoaki mani kaai ma taano; iai tabeua i buakoia aika b'aini botaki aika kakannato, ao tabeua a kabonganaki n taai n aki akaaka.

2.Timoteo 3:17

b'a e aonga ni konab'ai ma ni bobonga raoi nakoni karaoani baika raraoi ni kabane ana aomata te Atua.

2.Timoteo 4:11

Ai ti Ruka ae mena i rou ngkai. Ko na wetea Mareko, ao kairiia mai b'a raom: b'a e manena i bukini buokau n te m'akuri.

Tito 3:1

Ko na kauringiia am aomata b'a a na aantaeka irouia uea ma taan tautaeka, ao a na ongeaba ma n tauraoi nakoni karaoani m'akuri aika raraoi ni kabane;

Tito 3:14

A reireiaki ara aomata b'a a na kakaraoi m'akuri aika raraoi, b'a a aonga ni buoki kainnano aika riai, ao n te aro aei a bongana iai aia tai.

Tito 3:8

E koaua te taeka aei. I tangiriko b'a ko na karokoraoa aron taekinani baikai, b'a a aonga akana onimakina te Atua n tarataraia b'a a na kakaraoi m'akuri aika raraoi, aika raoiroi ma ni bongana i bukiia aomata.

1.Betero 1:22

Ngkai kam a tia ni kaitiaki maiumi n ami ongeaba nakon te koaua, ao kam a tia ni b'aina te tangira ni koaua i bukiia raomi ni Kristian, ao kam na kakorakoraingkami n i tangitangiri ma nanomi ni koaua.

1.Betero 1:7

b'a e aonga n riki kataan ami onimaki, ae kakawaki riki nakon te koora ae kai mauna are e boni kataaki naba n te ai b'a ua ra, b'a kamoamoami ma neboami ma karineami ngkana E a manga oki Iesu Kristo,

1.Ioane 3:3

Ao aomata nako aika iai i rouia te kaantaninga aei, ae kaantaningan Teuarei, a kawakinia b'a a na itiaki ni maiuia, n ai aroni Kristo ngkae E itiaki ni maiuna.