2.Timoteo 1:7 - Te B'aib'ara

⁷ B'a E aki anganira te Atua te Tamnei ae karikira b'a ti na mamaku; ma E anganira te Tamnei ae kaoniira n te korakora, te tangira, ma te kona n taon nanora nakoni baika e tangiri te rab'ata.

2.Timoteo 1:7 Iomraidhean Croise

Taian Areru 119:80

E bia moan te kororaoi ongeabau nakon am Tua, B'a I aonga n aki mamaa.

Taeka n Rabakau 2:7

E anga te Atua taian reirei aika a i buobuoki nakoia aomata ni kabane aika ongotaeka i rouna ao ni kaawakiniia ni kabane aika a maiu n aron are a kaantaningaaki iai.

Taeka n Rabakau 8:14

I korakora ao I anga te taeka n reirei ao te motiraoi.

Itaia 11:2

E na meemena taamnein te UEA i rouna n anganna te ataib'ai, te rabakau, ao te wanawana. E na korakora, ao e na ataa te UEA ma ni karinea.

Mika 3:8

Ma ngai bon irou, E a tia ni karina tamneina ao korakorana te UEA irou, ao E anganai ataakin te eti ao te ninikoria ni kan tuangiia Iteraera aroia aika a bure.

Tekaria 4:6

Ma ngaia are, e kab'arab'araa te anera b'a bon reitan taian rongorongo mairoun te UEA nakon Terub'abera. Bon te UEA Ngai ae Moan te M'aaka. Ma ngaia are, kam na aki onimakina korakorami ma marurungimi, ma kam na onimakina Tamneiu.

Ruka 10:19

Noria, I a tia n anganingkami te m'aaka b'a kam na kona n tou aoia naeta ma tikaobian, ao n tokanikai i aoni m'aakan nako te Kairiribai, ao akea te b'ai ae kam na kabuanib'ai iai.

Ruka 15:17

Ma ngke e a manga reke nanona ae wanawana, ao e taku, “Ai m'aiti ra ana toro tamau ake a kabooaki aia m'akuri aika kau am'arake ao ngai I a mate ni baki ikai!

Ruka 24:49

Ao noria, N na kanakoa nako aomi te baere E a tia ni kab'aka iai ana taeka Tamau b'a E na karaoia; ma kam na tiku i Ierutarem, ni karokoa anganakimi te m'aaka mai karawa.”

Ruka 8:35

A nako aomata b'a a na nora te baere e a tia n riki, ao a roko iroun Iesu, ao a nora te aomata are a tia n oti nako mai rouna taimonio, b'a e tekateka i rarikini waen Iesu: e kunnikainna ao e a eti ana iango; ao a maaku aomata.

Ioane 14:27

“I katuka te rau iroumi; I anganingkami au rau: I aki anganingkami n ai aron te aba, ngkana e anga. A na tai rawawata nanomi, ao a na tai maku.

M'akuri 1:8

Ma ane kam na anganaki te m'aaka, ngkana E roko te Tamnei are Raoiroi i aomi; ao ane kam na riki b'a taan tataekinai nakoia aomata i Ierutarem ao n taabo nako i Iuta, ao i Taamaria, ao i aonnaba ni kabuta.”

M'akuri 10:38

Bon taekan aron te Atua ngke E rinea Iesu are te I-Natareta, ao E kaonna n te Tamnei are Raoiroi ma te m'aaka; are E nakonako ni kakaraoa ae e raoiroi, ma ni kamaiuia akana b'ainikirinaki iroun te riaboro, b'a E memena te Atua i rouna.

M'akuri 20:24

Ma I kakeaa kakawakini maiu nako iu, b'a I aonga ni katia te baere I waaki iai, ma nakoau are E anganai te UEA are Iesu, are te tataekina te euangkerio are taekan ana akoi te Atua.

M'akuri 21:13

E taku ngkanne B'auro nakoia, “Tera ae kam karaoia ngkai kam katumaua te tang, ma n urua nanou? B'a I a tauraoi nakon tiaki ti te kabaeaki, ma nakon naba te mate i Ierutarem i bukin aran te UEA are Iesu.”

M'akuri 26:11

Ao I aki toki ni karaoi m'akuri n iowawa nakoia i nanoni m'aneabaia I-Iutaia ni kabane, ao I kairoroia b'a a na kakeaa onimakinan Iesu. E korakora ribakiia i rou, n te aro are I bon nako naba ni kaawa ake a raroa riki ni b'ainikiriniia iai.

M'akuri 26:25

Ma e kaeka B'auro ao e taku, “Beteto ae ko moani kakannato, I aki rangirang, ma I atongi taeka aika koaua aika eti.

M'akuri 6:8

E rangi ni kakab'aiaki Tetebano iroun te Atua, ao e on n te m'aaka: e karaoi m'akuri ni kamimii aika ab'ab'aki ma kanikina i buakoia aomata.

M'akuri 9:22

Ao e riki ni korakora riki aron Tauro ni kab'arab'ara; ao e kaminoi aia iango I-Iutaia ake a maeka i Tamateko n ana koaua ake e taekin i bukin Iesu b'a bon te Kristo Ngaia.

I-Rom 5:5

ao te kaantaninga e aki kamaamaea te aba, i bukina b'a e a tia ana tangira te Atua n nurakinaki nako nanora iroun te Tamnei are Raoiroi, are ti a tia n anganaki.

I-Rom 8:15

B'a te Tamnei are kam anganaki E aki karikingkami b'a tooro, ao E aki karika te maku i nanomi; ma kam anganaki te Tamnei ae e natinaki te aba i rouna, ao ae ti a kona i rouna ni kaangai iai: “Aaba Tamara!”

1.I-Korinto 2:4

Ngke I taetae ma ngkami, ao ngke I taekina te euangkerio, ao I aki kani kaotai b'a aongkoa I rabakau n taetae; ma I angan Tamnein te Atua b'a E na kaota m'aakana.

I-Karatia 5:22

Ma uaan te Tamnei te tangira, te kim'areirei, te raoi, te taotaonaki n nano, te ataataiaomata, te raoiroi, te kakaonimaki,

I-Korote 1:8

Boni ngaia naba are kaota nako ira aron ami tangira are kam anganaki iroun te Tamnei.

Ebera 2:15

ao n te aro aei E a kainaomataia iai aomata ni kabaneia aika a toronaki n aia bongi ni maiu ni kabane ni makan te mate.

1.Betero 1:22

Ngkai kam a tia ni kaitiaki maiumi n ami ongeaba nakon te koaua, ao kam a tia ni b'aina te tangira ni koaua i bukiia raomi ni Kristian, ao kam na kakorakoraingkami n i tangitangiri ma nanomi ni koaua.

1.Ioane 4:18

Akea te maaku i nanon te tangira; ma te tangira ae kororaoi e kaki te maaku. B'a iai rekereken te maaku ma te motikitaeka ni karawawata; ao ane mamaku ao e tuai ni kakoroaki raoi n te tangira.