2.Timoteo 1:4 - Te B'aib'ara

⁴ I uringa arom ngke ko tang, ao I rangi ni kan noriko b'a I aonga ni kaonaki n te kim'areirei.

2.Timoteo 1:4 Iomraidhean Croise

Taian Areru 126:5

A na tai ma te kakatonga te koraki ake, a ununiki ma te tang!

Itaia 61:3

mai ai moaraara riki i Ierutarem. E kanakoai b'a N na anganiia taiani uee n onea mwiin nanokawakiia, b'aan te oriwa n onea mwiin taian rannimata, ao te kukurei n onea mwiin te uruakinnano. A na aranaki b'a “Arokan te Motiraoi,” are e unikaki iroun te UEA i bukin neboan arana.

Ieremia 31:13

A na bootaki ni kukurei ma n ruruoia, ateiaine ao rorobuaka, n ikotaki naba ma ami kara, i bukina b'a N na anganiia te raunnano ao N na onika rawawataia nakon te kukurei.

Ioane 16:22

Ao ai aromi naba: b'a kam nanokawaki ngkai, ma N na manga noringkami, ao ane a na kaonaki nanomi n te kim'areirei, ao akea temanna ae na anaa kim'areireimi mai roumi.

Ioane 16:24

Kam tuai ni bubuti te b'ai teuana n arau ni karokoa ngkai: kam na bubuti, ao ane kam na anganaki, b'a e aonga ni koro raoi kim'areireimi.

M'akuri 20:19

Ao I beku i bukin te UEA ma te nanorinano ni kabanea, ma rannimatau, ri buakoni kataaki ake a b'akarai n aia m'akuri ni kam'am'ane I-Iutaia.

M'akuri 20:31

Ma ngaia ae tai ni matutu, ao ururingai b'a I aki toki n reireingkami ni kabaneingkami ni bong ao ni ngaina ma rannimatau i nanon tenua te ririki.

I-Rom 1:11

B'a I rangi ni kan noringkami, b'a N na anganingkami b'aai n tituaraoi tabeua ake mairoun te Tamnei, b'a kam aonga ni kateimatoaki iai.

I-Biribi 1:8

B'a au tia kakoaua te Atua, b'a I tangiringkami ni kabaneingkami n ai aron tangirami irouni Kristo Iesu.

I-Biribi 2:26

E rangi ni kan noringkami ni kabane, ao e aki rau nanona ngke kam ongo b'a e aoraki.

1.I-Tetaronike 2:17

Ma ngaira, taari, ngkai ti raure ma ngkami n rab'atara, ma tiaki n nanora, n te tai ae aki maan, ao a rangi ni korakora nanora ma n ingainga ni kan nori matami, ngkai ti rangi n tangiringkami.

2.Timoteo 4:21

Ko na bareiko n nako mai i m'ain tain te aumeaang. E kamauriko Euburo, ma Boute, ma Rino, ma Kirauria, ma taari ni kabaneia.

2.Timoteo 4:9

Ko na bareiko n nako mai nako iu n aki waeremwe.

1.Ioane 1:4

Ao ti koroi baikai b'a a aonga ni kororaoi ara kim'areirei.

Te Kaotioti 21:4

E na kabane rannimataia te Atua ni kaoi mai mataia; ao akea te mate ae na riki, ao e na akea naba te nanokawaki, ma te tang, ma te maraki: b'a a mauna nako b'aai nikawai.”

Te Kaotioti 7:17

ao te Tiibuteteei are i nanoaan te kaintokanuea, E na kawakinia n ai aron te tia kawakin-tiibu, ao E na kairiia nakoni koburaken raan aika kamaiu; ao te Atua E na kaoi rannimataia ni kabane mai mataia.”