2.Timoteo 1:2 - Te B'aib'ara

² nakon Timoteo, ae natiu ae tangiraki: am b'ai te akoaki, ma te nanoangaaki ma te raoi, mairoun te Atua ae te Tama ma Kristo Iesu are ara Uea.

2.Timoteo 1:2 Iomraidhean Croise

M'akuri 16:1

E roko naba B'auro i Rerebe ao i Rutetera; ao noria, e mena iai te aomata ae onimakina Iesu, ae arana Timoteo; tinana bon te I-Iutaia ae onimakina naba Iesu, ao tamana te I-Erene.

I-Rom 1:7

nakoia ake a mena i Rom ni kabaneia, ake a tangiraki iroun te Atua, ake a weteaki b'a ana aomata: ami b'ai te akoaki ma te rau mairoun te Atua are Tamara ma te UEA are Iesu Kristo.

I-Rom 12:19

Ngkami aika kam tangiraki, tai iri taangami; E na karaoia te Atua; b'a e koreaki ae kaangai: E taku te UEA, “Au b'ai te irantaanga, N na kabobo Ngai.”

1.I-Korinto 4:17

Anne bukin ae I kanakoa iai Timoteo nako imi, ae natiu ae tangiraki ae kakaonimaki, i nanon te UEA, b'a e na kauringngkami taiani koaua aika I nakonako iai n onimakinan Kristo Iesu; ao boni ngaai naba aika I reireiniia iai kaain te ekaretia n taabo ni kabane.

I-Biribi 4:1

Ma ngaia aei, tariu aika kam tangiraki, aika kam kan noraki i rou, ae kakim'areireiau, ao au baunuea, kam na teimatoa i nanon te UEA, ngkami aika kam tangiraki.

1.Timoteo 1:2

nakon Timoteo, ae natiu ni koaua i nanon te onimaki: am b'ai te akoaki, ma te nanoangaki, ma te raoi, mairoun te Atua ae te Tama ma Kristo Iesu are ara Uea.

2.Timoteo 2:1

Ma ngaia aei, natiu, ko na korakora, n te akoi are reke ngkai ti reitaki ma Kristo Iesu;

Tito 1:4

nakon Tito, ae natiu ni koaua n te onimaki are ti buokanib'ai iai: am b'ai te akoaki ma te raoiroi mairoun te Atua ae te Tama ma Kristo Iesu are ara Tia Kamaiu.

Tito 2:13

ngkai ti tataninga te bongi ni kab'aia are ti kaantaningaia b'a e na roko ngkana e kaoti mimitongin Atuara ae kakannato ma te Tia Kamaiu are Iesu Kristo.

3.Ioane 1:4

Akea au kim'areirei ae bati riki nakon aei, ae te ongo b'a te koraki ake kanga natiu a b'ab'aina te koaua.