2.Tamuera 8:3 - Te B'aib'ara

³ Ao e waaki nakon Tawita nakon te Karaanga are Iuberetiti ao e katea te kanuringa iai. E a manga kataenikaia uean Tob'a, are arana Atatetera are natin Reoba te m'aane.

2.Tamuera 8:3 Iomraidhean Croise

Karikani B'aai 15:18

Ao E a karaoa ana berita te UEA n te tabo aei ma Aberam, ao E taku, “I berita b'a N na anganiia kanoam te aba aei ni kabane ni moa man tian Aikubita nakon te karaanga are Iuberetiti,

2.Tamuera 10:15

Ao a ataia kaain Aram ae a konaaki n te buaka, ma ngaia are, a bootia aia taanga ni buaka n ti teuana.

2.Tamuera 10:16

E kanakoa ana rongorongo Atatetera ni kawaekoaia kaain Aram ake n iteran te Karaanga are Iuberetiti are teuana. Ao i mwiina, e kairiia Tiobaka are ana mataniwi n taanga ni buaka Atatetera, nakon te kawa are Eram.

2.Tamuera 10:19

Ao ngke a nooria taian uea ake a mena ngkoa i aan ana tautaeka Atatetera b'a a konaaki irouia Iteraera, ao a kariaia Tawita b'a e na riki b'a aia tia tautaeka. Ao a maaku kaain Aram ni manga buokiia riki kaain Ammon.

2.Tamuera 10:6

Ao a tib'a ataia kaain Ammon ae a rangi ni kauna Tawita, ma ngaia are, a manga kabooia riki tautia mairouia ianena. Uabwi ma uoua te ngaa mai buakoia aika taan nakonako man kaawan Aramean ake Beta Reoba ao Tob'a, teuana tengaa mairoun te uea are Maaka, ao tebwi ma uoua tengaa man te aono are Toba.

2.Tamuera 23:36

Ikara are natin Natan te m'aane mai Tib'a, Bani are kanoan Kata ao Tereka mai Ammon

1.Uea 4:21

E bane n tautaekan aaba nako Toromon ake a mena i marenan te karaanga are Iuberetiti ao abaia kaain Biritia rikaaki ni karokoa Aikubita. A bane abanuea aikai ni kaakab'aka te taekiti ni kabane i nanon ana bongi ni maiu Toromon.

1.Rongorongo 18:3

Ngke e kataia uean Tob'a are Ataretera n taua taekan te aba are i rarikin te Karaanga are Iuberetiti, ao e kawaria Tawita ni buakanna i Amata ao e kataenikaia.

2.Rongorongo 8:3

Ao e buakana te kaawa are Amata-Tob'a teuare Toromon ao e taua.

Taian Areru 60:1

Te Atua, Ko a tia n ribaira, ao Ko uruira; Ko a tia n un iroura-ma an rairaki nakoira ngkai.

Taian Areru 72:8

E na raababa nako ueana nakon tokin tiani marawa, ao man te karaanga are te Iuberetiti nakon tokin tabon aonnaba.

Te Otinako 23:31

N na nooria raoi b'a e roko tian abami n Taari are Uraura nakon te Karaanga are Iuberetiti nakon Taari are te Mereterenian n toki n te rereua. N na karaoiko b'a ko na konaiia aomata ake a maekana ikekei, ao ko na kakioia nako.

Te Tua-Kaua 11:24

Kam na taui aaba n taabo nako ike kam nako iai, ni moa man Rereuan Maiaki, ni karokoa Maungan Reb'anon, ao man te Karaanga are Iuberetiti ni karokoa Taari are te Mereterenian.

1.Tamuera 14:47

Ao ngke e a uea Tauro i aoia Iteraera, ao kaain Moaba, kaain Ammon, kaain Etom, taian uea mai Tob'a, kaain Biritia, ao kaain Amareka, a tia ni kabane n iraeia Iteraera.