Biblia Todo Logo
Bìoball air-loidhne

- Sanasan -




2.Tamuera 5:3 - Te B'aib'ara

3 Ao e karaoa ana boraraoi ma taani kairiiri Tawita i nanon tain te boowi, ao e butiia te UEA b'a e na riki b'a aia tia kakoaua. Ao i mwiina, a kab'aroa b'aan te oriwa taani kairiiri i aon atuun Tawita ni kaotia b'a e a uea man te tai aei i aon Iteraera.

Faic an caibideil Dèan lethbhreac




2.Tamuera 5:3
16 Iomraidhean Croise  

Ao a kaaitibo kaain Iuta ma Tawita i Eberon ao a kab'aroa b'aan te oriwa i aon atuuna ni kaotia b'a aia uea ae e boou. Ao i mwiina, e tuangiia Tawita ni kaangai, “Kaain Iabeti i aon Kireata, kam na tauna rab'atan Tauro.”


E a mate Tauro, ma a tia barongan Iuta ni karikai b'a aia uea. Ma ngaia are, kam na korakora ao kam na ninikoria.


Ao e taku Abenera i mwiin te baka n am'arake, “Ko kariaia b'a N na nako ngkai, ao N na kaoka Iteraera nako ikai i bukin karaoan te boraraoi ma ngkoe. Ko na riki b'a te uea i bukin te botannaomata ae e b'anin, n aron are ko tangiria.” Ao Tawita, e tuanga Abenera b'a e nang nako, ao e nako, ao akea te kiriwe ae e karaoia.


Ngkana kam roko ikekei, ao a na karaoa kaueaan Toromon b'a uean Iteraera ae boou Tatoka ma Natan. Ao i mwiin te kauea, ngkana e a b'ara ao kam na karekea temanna ae e na katanga te bu ma n tuangiia aomata b'a a na takaarua ni kaangai, ‘E na teimatoa maiun te uea ae Toromon.!’


Ao Ieoiata are te ibonga, e bubutiia Ioati, ao aomata b'a a na berita b'a a na kakaonimaki bon nakoia n tatabemaniia, ao nakon te UEA.


A kaaitibo taani kairiiri mai Iteraera ma Tawita i Eberon, “Bon am koraki ngaira,


Ma ngaia are, ti a roko ngkai b'a ti na katokaa am baunuea b'a ko na riki b'a uean Iteraera.” Ao e karaoa ana boraraoi Tawita ma taani kairiiri ao e bubutiia te UEA b'a E na riki b'a aia tia kakoaua. Ao i mwiina, a kab'aroa te b'aa i aon atuun Tawita ni kaotia b'a e a riki ngkai b'a uean Iteraera. E riki aei n aron are e a tia n taekinna ana burabeti te UEA are Tamuera.


Ao te UEA ae te Atua, e rinea Iuta b'a te baronga ni kairiiri i aon Iteraera. Ao man te baronga ane Iuta E a manga rinea ana utu tamau, ao man ana utu tamau, E rineai b'a n na riki b'a te uea i aon Iteraera, ao E berita b'a a na tautaeka man uea naba au kariki.


E buubuti Ieoiata nakon te uea are Ioati ao aomata b'a a na iria ni kakaonimaki nakon te UEA. Ao a kariaia,


Ma ngaia are, e a karaoaki te berita ae e kab'aataki irouia taani kairiiri, kanoan Rewi, ao taiani ibonga.


Weteia ni kabane taani kairiiri i aon Iteraera ao tuangiia b'a E a tia ni kaoti nako im te Atua are E taromauriaki irouia Aberaam, Itaaka, ao Iakob'a. Tuangiia b'a I a tia n noora buakakan kairaia i Aikubita,


I mwiin anne ao e manga m'ananga naba Iotua mai Ekeron ma ana taanga ni buaka ri aon tabuki nako Eberon, ao a buakanna,


Ao e nako Iebeta nako Mitib'a ma taani kairiiri mai Kireata. A bootaki kaain Kireata n tabo n taromauri ao a karika Iebeta b'a aia tia tautaeka. Ao e anga naba ana berita Iebeta nakoia.


Ao a bane n nako aomata nakon te tabo n taromauri i Kirekara, ike a kabooi iai nanoia b'a e na riki Tauro b'a aia uea. Ao Tauro ma aomata a anga taiani man b'a aia karea ni bubutiia te UEA Ana kakab'aia, ao a karaoa te bootakin ni kukurei ae korakora.


Ao e atoa te b'a Tamuera i aon atuun Tawita ngke a bon tabe ni mataku tarina nako. Ao n te tai anne, E niniia Tawita Tamnein te UEA ao E moana tikuna i rouna man te tai anne. Ao e oki Tamuera nakon ana auti i Ram'a.


Ao a kaai ni karaoa aia berita n iraorao imarenaia ni kauoman, E tiku Tawita i Oreti, ao e okira mwengana Ionatan.


Lean sinn:

Sanasan


Sanasan