2.Tamuera 5:2 - Te B'aib'ara

² Ngke e bon uea naba ngkoa Tauro, ao ko bon kairiia naba ara botannaomata nakon te buaka. E a tia ni berita te UEA b'a ko na riki b'a te tia tautaekana Iteraera ma ni kaawakinna kaanga te tia kaawakintiibu.”

2.Tamuera 5:2 Iomraidhean Croise

Karikani B'aai 49:24

Ma e bon tiku n ariraki ana kainikatebe ma ana kanoanikatebe. Ao a kakorakoraaki angan baina Ni m'aakan te Atua ae Moan te M'aaka, ae Atuan Iakob'a, Ae te Tia kawakin tiibu, ae te Tia kawakina Iteraera.

2.Tamuera 6:21

E taetae Tawita ni kaangai, “E aki rinea tamam te UEA ke temanna riki man ami utu b'a e na riki b'a te tia kairiiri irouia ana aomata. E rineai te UEA, ao I bukamaruia ni karinea.

2.Tamuera 7:7

I rineia taani kairiiri ao I tuangiia b'a a na riki b'a taani kaawakintiibu i bukiia au aomata aika Iteraera. Iai te tai ae I tia iai n tuanga temanna mai buakoia b'a e na karaoa te tembora man te tiira ibuku?

2.Tamuera 7:8

Tawita, aei au taeka Ngai ae te UEA ae Moan te M'aaka nakoim. I uotiko n nako mai man te tawaana are ko tararuaia am nanai n tiibu iai, ao I karikiko b'a te tia kairiiri irouia au aomata.

2.Uea 20:5

ao E kaokia te UEA nakon Etekia ma te rongorongo ae kaangai: Etekia, bon Au tia tautaeka ngkoe i aoia au Aomata, ao boni Ngai te UEA ae te Atua, are E taromauriaki iroun am bakatibu are Tawita. I ongo am tataro, ao I nooriko ngke ko tang. N na boni kamarurungko, b'a ko aonga ni konaa ni manga taromauriai n au Tembora i mwiin tenibong mangkai.

1.Rongorongo 11:2

ao ti ataia b'a ko a tia ni kaira ara taanga ni buaka nakon te buaka, ngke e boni uea naba ngkoa Tauro. E a tia ni berita te UEA b'a ko na tautaekana abara ao ko na kaawakiniira n ai aroia tiibu.

2.Rongorongo 1:10

tamau, ao ko na anganai te wanawana. Anganai te rabakau ae I kainanoia i bukin nakoau ni uea i aon am botannaomata ae korakora aei.

Itaia 40:11

E tararuaia ana Botannaomata te UEA, kaanga te tia kaawakintiibu ni kaawakiniia ana Nanai n tiibu. E uouotia tiibu ataei i aoni baina ao ngke e tabe ni kaira raoi te tina n tiibu.

Itaia 55:4

I karikia b'a te tia kairiiri ao te tia tautaeka i aoia botannaomata nako; ao bon ngaia au tia kakoaua nakoia.

Etekiera 34:23

I mwiin anne, N na karekea ami tia kaawakin tiibu man te utu are ana toro te Uea are Tawita. A na kaai n reke ami tia kaawakin tiibu ae ti temanna ngkami aika kam korakora ma aika kam mamaara, ao e na kaawakiningkami raoi.

Mika 5:4

Ngkana e roko, ao E na bon taua taekaia ana aomata ma te korakora are e anganna te UEA, ao ma ni kaotiota naba mimitongin te UEA n ti Ngaia. A na boni maeka ana aomata ma te rau, i bukina b'a e bon namakinaki kakannaton ana tautaeka ni kabutaa te aonnaba,

Warekaia Iteraera 27:17

A kainanoa te aomata temanna Iteraera are e na kairiia nakon te buaka, b'a a kaawa n riki b'a tiibu aika m'aninga nako b'a akea te tia kaawakiniia.”

Mataio 2:6

‘Ao ngkoe ae Betereem ae kawan Iuta, ko ataaki irouia ake a tautaeka i Iuta; b'a te kawa teuana i buakoni kawana ake a rangi ni kakannato, b'a E na nako mai roum te Uea are na kawakinia au aomata ake Iteraera.’ ”

Ioane 10:11

Ngai te tia kawakin tiibu ae e raoiroi. E anga maiuna te tia kawakin tiibu ae e raoiroi i bukiia tiibu.

Ebera 2:10

Bon te b'ai ae riai iroun te Atua, are Ngaia ae kariki b'aai ma ni kateimatoai aroia, b'a E na karaoa Iesu b'a E na bobonga raoi arona n te maraki, b'a a aonga natin te Atua aika bati ni buokanib'ai ma Iesu ni mimitongin te Atua. B'a Iesu boni Ngaia ae kairiia nakon te kamaiuaki.

1.Tamuera 13:14

Ma e na aki reke anne nako im, b'a ko a aki ongotaeka, ma ngaia are, e na aki manga rinea temanna man am utu b'a te uea. Ao ngkai, E a tia n rinea te tia kairiiri temanna i bukiia Ana aomata.”

1.Tamuera 16:1

Ao E taku n te bong teuana, “Tamuera, I a tia n ribaa Tauro, ao I aki tangiria b'a e na riki b'a te uea. Ko na aki nanoangaia. Uota b'aan te oriwa teutana n te kaonteina ae uarereke ao naako kawara te aomata ae arana Iete, ae maeka i Betereem. I a tia n rinea natina te m'aane temanna b'a e na uea.”

1.Tamuera 18:13

Ao Tauro, e karika Tawita b'a mataniwiin te taanga ni buaka ae teuana te ngaa kaaina ao e kanakoa b'a a na buaka.

1.Tamuera 18:16

Ma a bane aomata nako i aon Iuta ma Iteraera ni kakaonimaki nakon Tawita, i bukina ngke e kaira te taanga ni buaka nakon te buaka.

1.Tamuera 18:5

Ao e kokoro bukin b'aai ni kabane ake e kanakoaki b'a e na karaoi i roun Tauro, ma ngaia are, e karikia Tauro b'a te aobitia ae rietaata n te taanga ni buaka. Ao a bane ni kukurei aomata ni kabane, n reitaki ma ana aobitia Tauro ake tekorakina.

1.Tamuera 25:28

I butiiko b'a ko na kab'araa au bure n te b'ai ae I a tia ni karaoia. E na kaueako te UEA, ma am kariki naba, i bukina b'a ko buaka i bukina; ao ko na aki karaoa te b'ai teuana ae e buakaka i nanon am tai ni maiu.

1.Tamuera 25:30

Ao ngkana E tia te UEA ni karaoi baika a raraoi aikai ni kabane n aron are E berita iai nakoim ngkoe ae uean Iteraera,

1.Tamuera 9:16

“I a tia n noora rawawataia Au aomata, ao I ongo aia wewete ni kani buokaki. Nakon te ingabong, ao N na kanakoa te m'aane man te baronga are Beniamin, ae na kamaiuia aomata mairouia kaain Biritia. I tangiriko b'a ko na kab'aroa b'aan te oriwa i aon atuuna ni kaotia b'a e na riki b'a aia tia kairiiri.”