2.Tamuera 3:3 - Te B'aib'ara

³ Natina te m'aane are te karimoa bon Ammon, are tinana bon Nei Ainoam man te kaawa are Ietireera. Natin Tawita te m'aane are te kauoman bon Kireaba, are tinana bon Nei Abikaira, are e a tia ni mare ma Naab'ara are kaain Karemera.

2.Tamuera 3:3 Iomraidhean Croise

2.Tamuera 13:1

Iai natin Tawita te aine ae arana Nei Tam'aa, ae m'anen Abetarom. Bon ai m'anen naba Amnon, are e a manga tataana neierei.

2.Tamuera 14:23

Ma ngaia are, e a nako Ioaba nako Keturi n anaa Abetarom. Ma ngke a okira Ierutarem,

2.Tamuera 14:24

ao e taku Tawita nakon Ioaba, “I aki tangiria n taraa matan natiu ae Abetarom. Tuangnga b'a e na aki kaakawarai.” Ma ngaia are, e nako Abetarom nakon oin ana auti n aki manga kaokaoti nakon tamana.

2.Tamuera 14:32

Ao e kaeka Abetarom ni kaangai, “B'a ko aki kan ongo ngke I kawaekoako. I tangiriko b'a ko na tuanga tamau b'a e aera ngkai e tangirai b'a N na oki mai Keturi. E raoiroi riki ngke I bon tiku ikekei. I tangiria ngkai n noora tamau! E na bon tiringai ngkana arona b'a I bon bure.”

2.Tamuera 15:7

Aua te ririki i mwiina, e a taku Abetarom nakon Tawita, “I butiiko b'a ko na kanakoai nako Eberon. N na kakoroa bukin au berita nakon te UEA,

2.Tamuera 15:8

ngke I maeka ngkoa ma kaain Aram i Keturi. I berita b'a N na taromauria te UEA i Eberon ngkana E kaokai nako Ierutarem.”

2.Tamuera 18:33

Ao e a ruru Tawita. Ao i mwiina, e waerake nakon te ru are i etan mataroan te kaawa n tang iai. Ao e b'aeb'aeti ngke e tabe ni m'ananga ao e taku, “Natiu ae Abetarom! Natiu ae Abetarom! Natiu, natiu ae Abetarom! Tera ngke I mate n onea mwiim! Abetarom, natiu, natiu!”

2.Tamuera 2:2

Ao e nako Eberon Tawita ma buuna ake uoman, ake Nei Ainoam ao Nei Abikaira. Ainoam boni kaain Ietireera, ao Nei Abikaira bon kaain Karemera.

1.Uea 1:6

Ma ngaia are, e a karekei ana kaanibuaka ma ana aoti, ao e kabooia nimangaun te m'aane b'a taani kaawakinna. Ao e aki kan takuia Tawita n ana waaki arei. Ma ngaia are, e aki roko n te taetae nakon Atoniia n te b'ai are e karaoia.

1.Uea 2:15

Ao e taku Atoniia, “Ko bon ataia b'a I uea ngkoa i nanon ti tabeua te tai, ao a bane Iteraera ni kariaia b'a N na uea, ma E tangira tariu te Atua b'a e na uea, ao ngkai a bane n tia ni bitaki b'aai ni kabane.

1.Rongorongo 3:1

E tautaeka te uea are Tawita mai Eberon i nanon itiua te ririki, ao onoua nam'akaina,

1.Rongorongo 3:2

ao i nanon te tai anne ao bon iai natina m'aane aika itiman aika a bungiaki n aron aei:

Te Tua-Kaua 3:14

Iaira, boni kaain te baronga are Manate, ao e abana te aono are Arekoba, ae boni Batian, ao e toki i Keturi ma Maaka. E ingoani kaawa aikai n arana, ao a ataaki naba n araia ae Ana Kaawa Iaira.

Iotua 13:13

Ma e ngae n anne, ao a aki kona ni kakioia nako aomatan Keturi ma Maakata aomatan Iteraera ngaia are a kaai ni maeka ma ngaia ni karokoa boong aikai.

1.Tamuera 25:3

E bon rangi ni kaub'ai, b'a iai ana tiibu ae 3,000 ao 1,000 ana kooti. E rangi ni baraaoi buuna are Nei Abikaira ao e wanawana, ma bon te aomata ae e buretireti, ao e kakaiun. E tabe ni koroburaei ana tiibu Nab'ara i Karemera,

1.Tamuera 25:42

E kawaekoaa n teirake ao e tokara ana aati. Ao e iraki neierei irouia ana aine aika niiman, ao e ira ana toro Tawita ao e riki b'a buuna.

1.Tamuera 27:8

I nanon te tai anne, Tawita ma ana rorobuaka a buakaniia kaain Keturaite, Kiritaite, ao Amareka, ake a maeka n te aono anne n te tai ae rangini maan. E na kurib'aia abaia ni karokoa Tiura, ni manga ruorikaaki ni karokoa Aikubita,