2.Tamuera 2:4 - Te B'aib'ara

⁴ Ao a kaaitibo kaain Iuta ma Tawita i Eberon ao a kab'aroa b'aan te oriwa i aon atuuna ni kaotia b'a aia uea ae e boou. Ao i mwiina, e tuangiia Tawita ni kaangai, “Kaain Iabeti i aon Kireata, kam na tauna rab'atan Tauro.”

2.Tamuera 2:4 Iomraidhean Croise

2.Tamuera 19:11

Ao ngke e ataa te b'ai are a tataekinna Tawita, e a kanakoa te rongorongo nakon Tatoka ao Abiata ake taiani ibonga. E taku: Taetae nakoia taani kairiiri i Iuta ni kaangai, “E aera ngkai ai ti ngkami te nikira ni baronga ae e tuai kaoka Tawita nakon mwengana?

2.Tamuera 19:42

Ao a kaeka kaain Iuta ni kaangai, “E aera ngkai kam rangi n un? Bon ana koraki te uea ngaira. E aki anganiira te am'arake, ao akea naba te b'ai ae e anaia mairoura!”

2.Tamuera 2:11

ao e tautaeka mai Eberon i nanon itiua ma te iterana ana ririki.

2.Tamuera 2:7

E a mate Tauro, ma a tia barongan Iuta ni karikai b'a aia uea. Ma ngaia are, kam na korakora ao kam na ninikoria.

2.Tamuera 21:11

A tiringa Tauro kaain Biritia ngkoa ma natina are Ionatan n te Maunga are Kireboa ao a kabaei roroaia i nuukan te kaawa are Beta Tian.

2.Tamuera 21:12

A tia kaain te kaawa are Iabeti i Kireata ni karabaa ni uota nako rab'ataia, ma e ongo Tawita te b'ai are e tia ni karaoia buun Tauro, ao e nako ni kawariia taan kairiiri i Iabeti b'a a na anaa riin Tauro ma natina are Ionatan.

2.Tamuera 5:17

Ao a ongo kaain Biritia ae e a uea ngkai Tawita i aon Iteraera, ao a roko nakon aaba ake a tabukibuki ni kataia ni taua. Ma e ataia Tawita ao e nako n rin n ana nono.

2.Tamuera 5:3

Ao e karaoa ana boraraoi ma taani kairiiri Tawita i nanon tain te boowi, ao e butiia te UEA b'a e na riki b'a aia tia kakoaua. Ao i mwiina, a kab'aroa b'aan te oriwa taani kairiiri i aon atuun Tawita ni kaotia b'a e a uea man te tai aei i aon Iteraera.

2.Tamuera 5:5

E maeka i Eberon i nanon ana moan ririki ake itiua ma te iterana te ririki ao n tautaekana ti Iuta. Ao i mwiina, e a manga m'aing nako Ierutarem, ike e a tautaekani iai Iteraera ma Iuta i nanon tenibwi ma tenua te ririki.

2.Uea 11:12

E kairaki Ioati iroun Ieoiata nako tinaniku, ike e a katokaa te baunuea i aon atuuna, ao e anganna katotongan te kaetieti i bukin kairan te botannaomata. E kab'aroaki b'aan te oriwa i aon atuuna ni kaotia b'a ngaia ngkai te uea, ao a uboubo aomata ma n takaarua ni kaangai, “E na teimatoa maiun te uea.”

1.Rongorongo 10:11

Ao ngke a ongo aomata ake a maeka i Iabeti Kireata te b'ai are a karaoia kaain Biritia nakon Tauro,

1.Rongorongo 11:3

Ma ngaia are, ti a roko ngkai b'a ti na katokaa am baunuea b'a ko na riki b'a uean Iteraera.” Ao e karaoa ana boraraoi Tawita ma taani kairiiri ao e bubutiia te UEA b'a E na riki b'a aia tia kakoaua. Ao i mwiina, a kab'aroa te b'aa i aon atuun Tawita ni kaotia b'a e a riki ngkai b'a uean Iteraera. E riki aei n aron are e a tia n taekinna ana burabeti te UEA are Tamuera.

1.Rongorongo 12:23

E a tia n uotaki nako abanuean Iteraera mairoun Tauro, ao e a b'ainna Tawita.

1.Tamuera 16:13

Ao e atoa te b'a Tamuera i aon atuun Tawita ngke a bon tabe ni mataku tarina nako. Ao n te tai anne, E niniia Tawita Tamnein te UEA ao E moana tikuna i rouna man te tai anne. Ao e oki Tamuera nakon ana auti i Ram'a.