2.Tamuera 1:2 - Te B'aib'ara

² Tenua te bong i mwiina, ao e roko te tautia man ana taanga ni buaka Tauro. A mangaingai kunnikaina, ao iai taian tano i aon taubukin atuuna. E nakon Tawita ao e katorobubua i matana.

2.Tamuera 1:2 Iomraidhean Croise

Karikani B'aai 22:4

Ao n aia katenibong ni m'ananga, ao e a ria te tabo arei.

Karikani B'aai 37:29

Ao ngke e a oki Reuben nakon te m'anib'a, ao e nooria b'a akea Ioteb'a ikekei, ao e raeuai ana kunnikai i bukin rawawatan nanona.

Karikani B'aai 37:34

Ao e raeuai kunnikaina Iakob'a, ao e karin kunnikai aika a raeraeaki. Ao e tanginiwenei i bukin natina arei i nanon te tai ae maan.

Karikani B'aai 43:28

Ao a taku, “Eng, e boni maiu ma ni marurung naba am toro are tamara.” Ao a katorobubua ma ni bobaraaki i matana.

2.Tamuera 1:3

Ao e titirakinna Tawita ni kaangai, “Ko nako mai ia?” Ao e kaangai te m'aane arei, “I nako man ana taanga ni buaka Iteraera. I kataia ni karekea birinakou n rawea maiu.”

2.Tamuera 13:19

Ao e raeuaa niiniirana Nei Tam'aa ao e kaaki te mannang i aon atuuna. Ao e karaba matana ni baina ao e tang n takaarua ngke e tabe n nakonako.

2.Tamuera 14:4

Ao e m'ananga ainen Tekoa arei nakon Tawita. E bobaraaki ni karinanoa ao e taku, “Te uea ae ko karineaki, taiaoka b'a ko na buokai!”

2.Tamuera 15:32

Ao ngke e roko Tawita i taubukin te maunga are Oriweta, ao e kaaitibo ma Tutiai are kaain Areka n te tabo n taromauri, E raeuaaki niiniiran Tutiai, ao e toka te baareka i aon atuuna.

2.Tamuera 24:20

Ao e taratara nako Arauna ao e nooria Tawita ma ana tautia aika a tabe n nakoina. E nako ni kawara Tawita ao e bobaraaki ni karinanoa,

2.Tamuera 4:10

Ngke e roko ngkoa te m'aane i Tikeraka n tuangai maten Tauro, ao e taku n ana iango b'a e na reke nakoina te kaniwanga i bukin karokoan te rongorongo ae e raoiroi. Ma I taua ao I tiringnga.

Etita 4:16

Naako botiia I-Iutaia ni kabane i Tutian, ao karaoa te aki mamatam, ao te tataro i buku. Kam na aki kana te b'ai teuana ma ni mooi teutana i nanon tenibong. Ao ti na karaoa naba ae ai aron anne ma au toro aine. Ao i mwiin anne, ao N na nako ni kawara te uea, e ngae ngkana e tabuaki n te tua. Ngkana arona b'a N na mate ni karaoan aei, ao N na boni mate.

Etita 5:1

Ao n ana katenua ni bong n aki mamatam Nei Etita, ao e a karina niiniirana ao e nako n tei i nanon m'aneaban te bareti, ni kaaitaraa te ru are e mena iai te kaintokanuea. Ao e boni mena ikekei te uea i aon ana kaintokanuea ni kaaitaraa te mataroa.

Taian Areru 66:3

Kam na kaangai nakon te Atua, “Ai kamimiira am M'akuri aika Ko karaoi! E korakora M'aakam, ma ngaia ae a bobaraaki aiam i m'aim b'a a makuko.

Etekiera 27:30

ma n tang n nanoangaiko. A na kaoti nanokawaakiia n taun atuiia n te baareka ao n rabinobino i nanon taiani mannang;

Otea 6:2

Ai ti uabong ke tenibong riki ao e a kamaiura ma ni kaoki korakorara b'a ti aonga ni manga maiu ma Ngaia.

Ioera 2:13

Kam na aki raeraei kunnikaimi i bukin kaotan nanokawakimi. Ma kam na okirai ma nanomi aika a uruaki. I nanoanga, I akoi, ao I areare. I aki kakai un, ao I aki tangira te karekekai.

Mataio 12:40

B'a aron Iona ngke e mena i nanoni biroton te ika ae rangi ni buubura tenibong te ngaina ao tenibong te bong, ao ai aron naba Natin te Aomata: b'a e na mena i aantano tenibong te ngaina ao tenibong te bong.

Mataio 16:21

Man te tai arei, ao E moa ni kaotia Iesu nakoia ana reirei, “B'a e riai nakona nako Ierutarem ao b'a E na bati kamarakana irouia unimm'aane ma ibonga ake mataniwi ma taani koroboki, ao b'a E na kamateaki, ao E na manga kamaiuaki n te katenibong.”

Iotua 7:6

Ao a raeuai kunnikaia Iotua ma ana mataniwi, ao a iakiaki i aontano i matan Ana Ati ni Berita te UEA ni kabongnga, ao a tauni atuia n te baareka ni kaota rawawataia.

Te Kaotioti 3:9

Noria, N na kanakoia tem'angina man ana botannaomata Tatan b'a a na bobaraaki i rarikini waem, te koraki aika taani kewe, aika taku b'a I-Iutaia ngaiia, ma bon tiaki, ao a na ataia b'a I tangiriko.

1.Tamuera 20:41

Ao ngke e a nako te ataeinim'aane arei, e a kaotia Tawita mai akuun taian b'ariko n atiibu, ao e b'aka i aon bubuaniwaena ao e bobaraaki ni kabooa matana ma aontano tenua te tai. Ao a kaai n tang ma ni kiiti i bon irouia; e korakora riki nanokaawakin Tawita nakon Ionatan.

1.Tamuera 25:23

Ao ngke e noora Tawita Nei Abikaira, e kawaekoa n ruo ma ni b'aka i aontano

1.Tamuera 4:12

Ao e biririkaaki man te bonibuaka nako Tiro temanna te tautia man te baronga are Beniamin. E a tia n raeuaka ana kunnikai ao e tauna atuuna n te tano ni kaota rawawatan nanona.

1.Tamuera 4:16

“I birinako man te buaka n te bong aei ni birimai.” Ao e taku Eri, “Nao, ao tera ae riki?”