2.Rongorongo 9:7 - Te B'aib'ara

⁷ A rangi n tekeraoi am mataniwi ma am aomata ngkai a mena ikai i rarikim b'a a konaa n reke aia tai n ongongora n am taeka n rabakau.

2.Rongorongo 9:7 Iomraidhean Croise

1.Uea 10:8

A rangi ni kab'aia buum nako ao am aobitia ngkai a memena i rarikim n ongongora n am taeka n rabakau aika ko tataekin.

2.Rongorongo 9:6

Ma I bon aki kakoauai ni karokoa I a bon noria raoi ni matau! Ao ngaia a m'aiti riki aika I tuai n ongo taekaia. E korakora riki taekam nakon ae I a tia ni kaongoaki.

2.Rongorongo 9:8

I neboa te UEA ae Atuam. E tangiriko ao E karaoiko b'a uean Iteraera. E tangiriia kaain te aba aei te Atua ao e aki konaa n tannako mairouia, ai ngaia are, e a tia n anganiia aia uea ae e na tautaekaniia n te eti ao te raoiroi.

Taian Areru 27:4

Teuana te b'ai ae I butia iai te UEA, ae te b'ai ae I tangiria: b'a N na maeka n ana auti ni kabanea bongini maiu, ni mamatakuakina kamimiin raoiroina, Ao ni bubutiia ana kairiiri.

Taeka n Rabakau 10:21

A m'aiti aika a buokaki n taian taeka n reirei aika a manena, ma a tiringaki taian nanobaba ni bon oin nanobabaia.

Taeka n Rabakau 13:20

Kam na wanawana irouia raoraomi aika a wanawana, ma kam na bon kaikoakaki ngkana kam iririia aika a nanobaba.

Taeka n Rabakau 3:14

E kakaawaki riki te wanawana nakon te tirewa; e na kakorakoraa kaub'aim riki nakon te koora.

Taeka n Rabakau 3:3

Ke e nooraki iroum n taai nako te tangira ma te kakaonimaki kaanga te m'ae n roroa, ao koroi inanom.

Taeka n Rabakau 8:34

Nakomai nakon au auti ni katoa bong ao ongora irou. Ao ane kam na kunea te kukurei.

Ruka 11:28

Ao Ngaia E kangai, “Te koaua, ma a kab'aia riki akana ongo ana taeka te Atua ao a kawakinna!”

Te Tua-Kaua 33:9

E rangi ni kakannato riki iroumi b'a kaawakinan ana boraraoi Iteraera ma te UEA nakon maiuia tamami ke tinami, ke tarimi ke m'anemi. ke oin natimi.