2.Rongorongo 9:29 - Te B'aib'ara

²⁹ Ao b'aai ni kabane ake e karaoi Toromon i nanon ana tai ni uea a bane ni koreaki n ana Rongorongo Natan are te burabeti, Aiia are te burabeti mai Tiro, ao Ito are te burabeti are e korea rongorongon Ieroboam are natin Netaba te m'aane.

2.Rongorongo 9:29 Iomraidhean Croise

2.Tamuera 12:1

Ao e kanakoa Natan are te burabeti b'a e na karakina te karaki teuana nakon Tawita ae e kaangai: Te aomata ae e kaub'ai ao te aomata ae e maiu ni kainano aika a maeka n te kaawa ae ti teuana.

2.Tamuera 12:25

ao E kanakoa Natan b'a e na tuanga Tawita ni kaangai, “E na aranna te UEA b'a Ieriria.”

1.Uea 1:8

Ma a rawa Tatoka are te ibonga ma teuare Benaia are natin Ieoiata, ma Naatan are te burabeti, ma Timei, ma Rei, ao taani kawakina Tawita, n tei i bukina.

1.Uea 11:26

Boni kaain te kaawa ae Tereta i Eberaim teuae Ieroboam. E a tia ni mate tamana are Nebata, ma e boni maiu tinana are Nei Terua. Bon temanna naba ngaia ana aobitia Toromon, e ngae ngke e aki toki ni kakaitaraa Toromon.

1.Uea 11:29

Ao n te tai teuana ngke e kitana Ierutarem Ieroboam, ao e kaitibo ma Aiia, are te burabeti mai Tiiro.

1.Uea 14:2

Ao e taku Ieroboam nakon buuna. Bita teim b'a a aonga n ae akea ae ataiko b'a buu ngkoe. Ao i mwiina ko na nako Tiro, are e maeka iai te burabeti are Aiia, uoti nakoina tebwina kariki, tabeua keeke aika a uarereke, ana karewe te manibeeru, ao bubutiia b'a e na tuangko te b'ai ae e na riki nakon natira te m'aane. E konaa n tuangko b'a boni ngaia are e tuangai b'a N na riki b'a te uea.

1.Rongorongo 29:29

A koreaki naba mwiin b'aai ni kabane ake e karaoi Tawita i nanon ana tai ni uea n te rongorongo are a koreia burabeti ake Tamuera, Natan, ao Kata.

2.Rongorongo 10:2

Ao e ongo taekan te b'ai arei Ieroboam are natin Nebata te m'aane, ao e a manga oki nako Aikubita, ike e nako iai ni karabaa ngkoa mairoun Toromon.

2.Rongorongo 12:15

A bane n tauaki rongorongon b'aai ni kabane ake e karaoi Reoboam i nanon ana tai ni uea, n reitaki ma rongorongon ana utu i nanon aia rongorongo burabeti aika uoman ake Temaia ao Ito. I nanon ana tai n tautaeka Reoboam, ao a uaia ni ibubuaka i marenaia ngaia ma uean Iteraera are Ieroboam.

2.Rongorongo 13:22

A bane ni koreaki taekan b'aai ni kabane ake e taekin ma ni karaoi Abiia i nanon ana tai ni uea i nanon ana rongorongon te burabeti are Ito.