2.Rongorongo 9:26 - Te B'aib'ara

²⁶ E tautaekaniia botannaomata nako man te Karaanga are Iuberetiti i meang nakon abaia kaain Biritia i maiaki, ni karokoa tian aban Aikubita.

2.Rongorongo 9:26 Iomraidhean Croise

Karikani B'aai 15:18

Ao E a karaoa ana berita te UEA n te tabo aei ma Aberam, ao E taku, “I berita b'a N na anganiia kanoam te aba aei ni kabane ni moa man tian Aikubita nakon te karaanga are Iuberetiti,

1.Uea 4:21

E bane n tautaekan aaba nako Toromon ake a mena i marenan te karaanga are Iuberetiti ao abaia kaain Biritia rikaaki ni karokoa Aikubita. A bane abanuea aikai ni kaakab'aka te taekiti ni kabane i nanon ana bongi ni maiu Toromon.

1.Uea 4:24

E tautaekana te aono are i maeaon te karaanga are te Iuberetiti te uea are Toromon, ni moa mai Tibeta nako Kaata, ao e raoi ma aaba ni kabane.

1.Uea 5:1

A iraorao ngkoa uean Turo ma taman Toromon are Tawita. Ao ngke e a ataia Iram b'a e a uea Toromon, ao e a kanakoia tabeman ana aobitia ni kawara Toromon.

Te Otinako 23:31

N na nooria raoi b'a e roko tian abami n Taari are Uraura nakon te Karaanga are Iuberetiti nakon Taari are te Mereterenian n toki n te rereua. N na karaoiko b'a ko na konaiia aomata ake a maekana ikekei, ao ko na kakioia nako.

Taniera 7:14

E anganaki te kariaia, te karineaki, ao te m'aaka, b'a a na bane aomatan te botannaomata, reeti, ao taetae nako n toro i rouna. E na teimatoa m'aakana n aki toki, ao akea tokin ueana, ao e na bon aki kona n uruaki.

Te Kaotioti 19:16

Ao iai arana ae koreaki i aon ana kunnikai ao i aon rangana, ae kaangai, “AIA KING KING AO AIA UEA UEA”.