2.Rongorongo 9:23 - Te B'aib'ara

²³ I nanon te ririki teuana ma teuana, ao a roko uea tabem'aang n ongora wanawanana are e a tia n anganna te Atua.

2.Rongorongo 9:23 Iomraidhean Croise

1.Uea 3:28

Ao a bane ni mimi Iteraera n aron Toromon ni motikitaeka. Ao a uringa are E a tia te Atua n anganna te wanawana ni motikitaeka n ae eti raoi.

1.Uea 4:34

A ongo taekan rabakaun Toromon taiani uea n te aonnaba ao a kanakoi aia aomata b'a a na ongora n ana taeka n reirei.

2.Rongorongo 9:22

Bon te kabanea ni kaub'ai ma ni wanawana Toromon n te aonnaba.

2.Rongorongo 9:24

Ao a uoti taiani b'aintangira aika tirewa ma koora, ao ai uana naba ma taiani kunnikai, b'aai ni buaka, b'ai ni kaboiarara, taian aoti, ao ai taiani miure.

Taeka n Rabakau 2:6

A bane n roko taian wanawana mairoun te UEA ao ai uana naba ma te iangoraoi ao te ataib'ai.

Itaia 11:10

E na roko te tai are e na anga iai te kanikina nakoia aomatan te botannaomata b'a a na ikotaki. A na iri ana kaetieti, ao a na tanoata taekaia ake bon oin ana botannaomata.

Itaia 11:2

E na meemena taamnein te UEA i rouna n anganna te ataib'ai, te rabakau, ao te wanawana. E na korakora, ao e na ataa te UEA ma ni karinea.

Taniera 1:17

Ao te Atua E anganiia rorobuaka aika aman aikai te rabakau n atai nanon koroboki ma te wanawana. Ao n reitaki ma anne ao E angan Taniera te rabakau ni kab'ara nanon taiani kaotioti ma taiani mii.

Taniera 5:11

Boni iai te m'aane temanna n abanueam ae iai ana konab'ai ae e raka, e wanawana, e m'aatai n te kab'ara mii, e rabakau ni kaiwa, ao e atai nanoni baika a raba;

Ruka 21:15

B'a Ngai ae N na anganingkami te wii ae ribinewe ma te rabakau, b'a a aonga n aki kona aiami n tuuki ao ni kakewei ami taeka.

1.I-Korinto 1:30

Ma E a tia te Atua n reitingkami ma Kristo Iesu, ao E a tia naba ni karika Iesu b'a rabakaura. A reke reitaki ma te Atua i Rouna; ti a riki b'a ana aomata te Atua ngaira, ao ti a kainaomataki i Rouna;

1.I-Korinto 12:8

B'a e anganaki temanna ana m'akuri iroun te Tamnei are Raoiroi b'a te tia taekina te rabakau, ao temanna b'a te tia taekina te atatai, iroun naba te Tamnei are Raoiroi aei.

I-Ebeto 1:17

b'a te Tama ae mimitong, are Atuan ara UEA are Iesu Kristo, E na anganingkami te Tamnei are E na kawanawanaingkami, ma ni kaota te Atua nakoimi b'a kam aonga n ataia;

Iakobo 1:5

Ngkana akea ana rabakau temanna i buakomi, ao e na butiia te Atua ae tituaraoi, ae kukurei n anganganiia aomata ni kabaneia, ao e na bon anganaki.

Iakobo 3:17

Ma te rabakau are mai eta e kairiia aomata nakon te maiu moa ae itiaki, ao ae rau ma n nimamannei, ae b'aina te iraorao; e on n te nanoanga, ao e karaoi m'akuri nako aika raraoi; e aki nanonano ao e aki m'am'anaa te aba.