2.Rongorongo 8:14 - Te B'aib'ara

¹⁴ Ao e anganiia tib'angaia ibonga ao Kanoan Rewi Toromon n te Tembora, ao e ira te kaetieti are e a tia tamana are Tawita n anganna. Ao tabeman kanoan Rewi a na kaira te katangitang ma ni buokiia ibonga n aia m'akuri, ao tabeman a na teiakina mataroan nako oon te Tembora

2.Rongorongo 8:14 Iomraidhean Croise

2.Tamuera 23:2

E a tia Tamnein te UEA n tuangai te b'ai ae N na taekinna.

1.Uea 13:1

N te bongi teuana, ao e teitei Ieroboam i rarikin te baonikarea are i Betaera, b'a e nang tauraoi n angakarea. Ao e karina n roko Ana burabeti te Atua mai Iuta ao e takaarua ni kaangai:

1.Rongorongo 16:37

Ao Tawita e rinea Ataba ao kanoan Rewi man ana kaainga b'a a na tararua te taromauri n te bong koraki n te tabo are e kaawakinaki iai te Atiniberita.

1.Rongorongo 16:42

Bon tabeia naba Eman ma Ierutun te katang taiani buu, ao katangakin taian timbara ao b'aai ni katangitang ake tabeua i nanon tain te taromauri n te Um'antabunrianna. Ao kanoan Rewi ake n te kaainga are Ierutun boni ngaiia ake taan tei i Kibeon.

1.Rongorongo 23:1

E a bon kara Tawita ngke e rinea natina te m'aane are Toromon b'a e na uea i aon Iteraera.

1.Rongorongo 24:1

A manga bwenauaaki ana kariki Aaron nakon taiani m'akoro ni m'akuri. Bon aman natin Aaron m'aane: Nataba, Abiu, Ereata, ao Itama.

1.Rongorongo 24:3

Ao Tawita e bwenauaia ana kariki Aaron nakon taiani m'akoro, ni kaineti ma tib'angaia. Ao a buoka Tawita Tatoka, are ana kariki Ereata temanna, ao Aimereka are ana kariki Itama temanna.

1.Rongorongo 25:1

Ao Tawita ma mataniwin te Tembora a rineia ana kariki Ataba, Eman, ao Ierutun b'a taan tararua te katangitang. A na neboa te UEA ni katangi taian timbara, aabi ao b'aai ni katangitang ake taiani karai. Aikai araia taani katangitang ma tabeia:

1.Rongorongo 26:1

A bwenauaaki naba taan tantani n te Tembora nakon taiani m'akoro ni kaineti ma aia kaainga nako. Meteremia are natin Kore te m'aane man te kaainga are Kora bon ana kariki Ataba.

1.Rongorongo 28:19

Ao e taku Tawita nakon Toromon: E kaota nako iu te UEA aron karaoan te Tembora.

1.Rongorongo 9:17

Aikai taan tantani ni mataroan nako te Tembora: Tiarum, Akuba, Taremon, Aiman, ma aia koraki. Tiarum bon te tia kairiiri man te kaainga aei,

1.Rongorongo 9:24

Kaka temanna aika a rineaki b'a taan tei i bukin koonan te Tembora ake aua, aika a b'anin raoi aia tai n tei.

2.Rongorongo 23:19

E tuangiia taan teiakina mataroan te rin nakon te Tembora b'a a na aki kariniia aomata aika a aki itiaki n aron ana tua Moote.

2.Rongorongo 23:4

Aio te b'ai ae ti na karaoia. A na uatei tenikoraki ibonga ao tenikoraki kanoan Rewi n te Taabati-tekorakina a na teiakin mataroan nako te Tembora,

2.Rongorongo 29:25

I mwiina anne, e anganiia nneia kanoan Rewi Etekia i nanon te Tembora. E anganiia taian timbara, aabi, ao taiani b'ai ni katangtang ake taiani karai, ni kaineti ma taian kaetieti ake e a tia n anga te UEA nakon te uea are Tawita ao burabeti ake uoman, Kata ao Natan.

2.Rongorongo 31:2

Ao Etekia e bwenauaia ibonga ma kanoan Rewi nakon taiani m'akoro, ni kaineti ma aia m'akuri. Ao i mwiina, e anganiia tib'angaia te anga taiani karea ake kakukureian te UEA ao taiani karea i bukin te UEA ake buubutian te UEA ana kakab'aia. E rineia naba aomata ake a na m'akuri n te Tembora ao a na anene n nebo ni mataroan nako te rin nakon te Tembora.

2.Rongorongo 35:10

Ao ngke a bane n tauraoi b'aai ni kabane i bukin te Toa are te Riao, ao a tei taian ibonga ma kanoan Rewi n te tabo are e tuangiia Iotia.

2.Rongorongo 35:15

I nanon tain te bootaki ao iai tabeman kanoan Rewi ake a katauraoia maan i bukin te Toa are te Riao i bukiia taan katangitang ao taan tei, b'a a aonga n aki kitana aia tabo taani katangitang ake kanoan Rewi, ake a tia n anganaki tib'angaia ni kaineti ma ana kaetieti Tawita, Ataba, Eman, ao Ierutun are ana burabeti te uea. Ao a bon aki kiitani aia boua taan tei ake ni mataroan te Tembora.

2.Rongorongo 35:4

Katauraoingkami nakon karaoan ami m'akuri ake e a tia Tawita ma Toromon n anganingkami, ni kaineti ma ami kaainga nako.

2.Rongorongo 5:11

Ao a bane n tia n nako ibonga mani m'akoro nako i bukin kaitiakaia i bon irouia b'a a aonga n itiaki ma ni butim'aeaki iroun te UEA.

2.Rongorongo 8:15

ao taian ruu ni b'ai. A iiri raoi taian kaetieti aikai ibonga ma kanoan Rewi.

Etira 6:18

Ao i mwiina, a anganaki tabeia ibonga ma kanoan Rewi n ana Tembora te UEA i Ierutarem, ni kaineti ma taiani kaetieti ake e a tia ni koroi Moote.

Neemia 12:24

A tararuai kuaaea ake uoua, Atiabia, Terebia, Ietua are natin Katemiera te m'aane, n reitaki ma aia taani buokiia. Kuaaea aika uoua aikai ake a kaainaki irouia kanoan Rewi ake a anene n neboa te Atua, n aron are e a tia ni baaireia ngkoa ana aomata te Atua are te uea are Tawita.

Neemia 12:25

Taan tararuai taian ruunib'ai ake i rarikin mataroan te kaawa bon Matania, Bakebukia, Obaria, Meturam, Taremon, ao Akuba.

Neemia 12:36

ngaia ma ana koraki aika Temaia, Atarera, Mirarai, Kirarai, Maai, Netanera, Iuta, ao Anani. A katangi taian b'ai ni katangitang aika taiani karai n ai aron ake a tia ni katangaki iroun Tawita are ana aomata te Atua. Ao a m'aati mai akuun Etira, are te tia reirei n te Tua.

Ruka 1:5

I nanon ana tai n uea Erote, are ueani Iutaia, ao iai te ibonga temanna ae arana Takaaria, ae kaain te utu n ibonga are Abiia; ao buuna e riki man ana utu Aaron mairouia natina ake aine, ao arana Nei Eritabeta.

Ruka 1:8

Ngke e tabe Takaaria ni karaoa nakoana n ibonga i matan te Atua ni bongin aia tai n tei ana koraki n ibonga,

M'akuri 13:22

Ao ngke E a tia ni kam'awa, ao E kateirakea Tawita b'a aia uea; ao aikai ana taeka te Atua i bukina: “E a reke irou Tawita are natin Iete; boni ngaia te aomata ae I tangiria, ae na karaoi b'aai ni kabane aika I tangiri.”

M'akuri 13:36

B'a ngke e a tia Tawita n tou mwin nako ana taeka te Atua n ana roro, ao e mate, ao e kaweneaki rab'atana i rarikiia ana bakatibu, ao e mka rab'atana.

Te Tua-Kaua 33:1

Bon te burabeti Moote, ao e kakab'aiaia barongan Iteraera i m'aain matena ao e kaangai: