2.Rongorongo 8:13 - Te B'aib'ara

¹³ E iri taian babaaire i aon te angakarea are e anga Moote i bukin taiani karea n te Taabati, te Toa ae Moan Otin Nam'akaina, ma Toan te Kariki ae Aki Karikaki, ao te Toa ae M'anganikaai.

2.Rongorongo 8:13 Iomraidhean Croise

1.Uea 9:25

Ao e katoa tenua te tai n te ririki Toromon ni kakabuoki ana karea are te boiarara nakon te UEA i aon te baonikarea are e karaoia. E a bane raoi ngkai karaoan Ana Tembora te UEA iroun Toromon.

2.Rongorongo 2:3

Ao e kanakoa ana rongorongo Toromon nakon uean Turo are Iram: N taai ake ngkoa ngke e karaoa ana bareti tamau are Tawita ao ko katauraoi taiani kai aika tiira nako ina. Ao ngkai ko konaa ni karekei naba nako iu au b'ai ni m'akuri?

Neemia 8:17

A bane ni karaoi katanaia aomata ni kabane ake a oki mai B'aburon. A maeka iai ma ni kukurei ni kauringa aia moan tai ni karaoa te Toa ae M'anganikaai mai i mwiin ana bong Iotua are natin Nun te m'aane.

Te Otinako 34:22

Kam na bukamarua te Toa ae M'anganikaai ni karokoa tokin te aumeaang ngkana kam taiia uaan te uita, ao ni bukamarua te Toa ae M'anganikaai ni katoa tokin te aumaiaki ngkana kam kiniki uaa.

Te Otinako 34:23

A na riai n roko ami mm'aane n taromauriai tenua te tai n te ririki, i bukina b'a bon te UEA Ngai ae Atuan Iteraera.

Etekiera 45:17

Ma kam na katauraoi maan ake taiani karea ngkami aika taan kairiiri i bukin te Toa ae Moan Otin Nam'akaina, taian Bootaki i bukin te Taabati, ao bootakin te aro ake tabeua, ao ai uana naba ma te uita ma te wain. A na bane ni kabonganaaki baikai i bukin taiani karea i bukin bure, te karea te uita, te karea are kakukureiau, ao nakoia akana a buubutiai Au kakab'aia. N na bon kukurei ao N na kab'araa aia bure Au aomata.

Te Tua-Kaua 16:16

Iai tenua taian Toa i nanon teuana te ririki ike a na bane ni m'ananga iai m'anen Iteraera nakon te tabo are a tia n rineia te UEA b'a E na taromauriaki iai. Taian Toa aikai bon: Te Toa are te Kariki ae e aki karikaki, te Toa ae M'angani Kaai, ao te Toa ae M'anganikaai. Ao tai m'am'aninga ni uota te b'aintangira nakon te UEA.