2.Rongorongo 7:6 - Te B'aib'ara

⁶ Ao a bane n teirake aomata i nanon tain te botaki. Ao a bane ni mena taian ibonga n aia tabo ake a tia n anganaki, ni katangi taian buu. A kaaitaraaki irouia kanoan Rewi, ni katangi taian b'ai ni katangitang ake e a tia ni karaoi Tawita b'a a na kamanenaaki i bukin neboakin te UEA i bukin ana tangira ae akea tokina.

2.Rongorongo 7:6 Iomraidhean Croise

1.Rongorongo 13:8

Ngke a kabane korakoraia ni m'am'aie man aneenene Tawita ma aomata ni kamoamoaa te UEA. A katangitang n tain aabi ake a uarereke ao b'aai ni katangitang ake taiani karai ao taian raea, taian timbere, ao taiani timbara.

1.Rongorongo 15:24

Aikai araia: Berekia, Erekana, Obeta-Etom, ao Ieia. Ao n te kabanea, Tawita e rineaia ibonga ake a na nakonako i matan te Atiniberita b'a taani katang bu. Ao aikai araia: Teb'ania, Iotiab'ata, Netanera, Amatai, Tekaria, Benaia, ao Erietera.

1.Rongorongo 16:34

Neboa te UEA b'a e raoiroi nakoira, ao e aki konaa ni matebuaka ana tangira.

2.Rongorongo 23:18

Ao Ieoiata e anganiia ibonga tabeia n te Tembora, n aron are e karaoia naba ngkoa Tawita. Tabeia bon te anga taiani karea nakon te UEA n aron are n ana tua Moote, ao tabeia naba kairan te anene.

2.Rongorongo 29:25

I mwiina anne, e anganiia nneia kanoan Rewi Etekia i nanon te Tembora. E anganiia taian timbara, aabi, ao taiani b'ai ni katangtang ake taiani karai, ni kaineti ma taian kaetieti ake e a tia n anga te UEA nakon te uea are Tawita ao burabeti ake uoman, Kata ao Natan.

2.Rongorongo 29:27

Ao ngke e a tia n anga te kanikina Etekia b'a a nang kabuokaki taiani karea i aon te baonikarea, ao a waakina aia anene n nebo nakon te UEA taani katangtang ao a katangi aia b'ai ni katangitang,

2.Rongorongo 5:12

A kunnikainiia n te niiniira te rinen aika a tamaroa taani katangitang ake kanoan Rewi, n reitaki ma Ataba, Eman, Ierutun, ao natiia m'aane ao aia koraki. A tei i mainikun te baonikarea, ma ni katang taian timbara, aabi aika a uarereke, ao b'aai ni katangitang aika taiani karai.

2.Rongorongo 5:13

Tebubua uangaun te ibonga aika a raoniia taani katangitang aikai, ao a katangi taian buu. A neboa te UEA ni katangi b'aini katangitang ma n anene: “E raoiroi te UEA, ao akea tokin ana tangira.” Ao e a karina naba ni kaonaki nanon te Tembora n te nang ngke a kiitana te tabo are moan te tabu ibonga.

2.Rongorongo 7:3

Ao ngke a noora te ai ma mimitongin te UEA te koraki n aomata arei, ao a katorobubua ao n taromauriia te UEA. A tataro ni kaangai: “E raoiroi te UEA, ao akea tokin ana tangira.”

2.Rongorongo 7:5

aika 22,000 taiani kao ao 120,000 taian tiibu.

Etira 6:18

Ao i mwiina, a anganaki tabeia ibonga ma kanoan Rewi n ana Tembora te UEA i Ierutarem, ni kaineti ma taiani kaetieti ake e a tia ni koroi Moote.

Taian Areru 106:1

Kam na kamoamoa te UEA! Katituaraoa te UEA, b'a E raoiroi: akea tokin ana atataiaomata.

Taian Areru 107:1

Kam na katituaraoa te UEA, b'a E raoiroi; Akea tokin ana ataataiaomata.

Taian Areru 138:8

Ko na kakoroa bukin am kaantaninga i buku; te UEA, akea tokin am tangira. Ko na katia te m'akuri are Ko a tia ni moana karaoana.

Taian Areru 87:7

A anene ni b'ab'atere ao ana kaangai, “A nako mai Tion kab'aiara ni bane.”

Itaia 52:6

au Aomata, kam na ataia b'a antai Ngai ao antai ae E taetae i bukina ngkai I mena ikai.

Amota 6:5

Kam otoi kuuna ma n anenei ma te aabi n ai aron teuare Tawita.

Iotua 6:4

Itiman ibonga aika a na uouota kakateuana te buu i aoia, ao a na rimoan te Atiniberita. Ko na nakonako ni katobibia Ieriko itiua te tai n te kaitibong, ngkoe ma am tautia, ao ibonga, a na katang aia buu i nanon tain te nakonako.