2.Rongorongo 7:17 - Te B'aib'ara

¹⁷ E ongotaeka tamam are Tawita irou, ao ngkai, ngkoe Toromon, ko na katotoongnga naba. Ko na iri nanon au tua ma au reirei nako,

2.Rongorongo 7:17 Iomraidhean Croise

1.Uea 11:38

N na buokiko ngkana ko ongotaeka irou, ao ngkana ko karaoa naba te b'ai ae I tuangko n aron are e karaoia Au tia m'akuri are Tawita. N na teimatoa ni kakauea temanna ma am utu b'a e na uea i aon Ierutarem. E na riki te botannaomata ae Iteraera b'a am b'ai.

1.Uea 2:3

Karaoi b'aai ni kabane akana E tuangko te UEA, ao tou mwiin Ana reirei. Ongotaeka ni b'aai ni kabane akana a koreaki n Ana tua Moote. Ane ko na tetekeraoi e aoria ngkana tao tera ae ko karaoia, ke tao ko nakon te tabo teuana.

1.Uea 3:14

Ngkana ko ongotaeka Irou ma ni iriiri nanon au Kaetieti n aron are e karaoia tamam are Tawita, ao N na boni kaananaua maium.

1.Uea 8:25

Te UEA ae Atuan Iteraera, Ko berita nakon tamau i aon Iteraera b'a e na uea n taai nako temanna man ana kariki tamau i aon Iteraera ngkana a teimatoa n ongotaeka nakoim n aron are e karaoia tamau.

1.Rongorongo 28:9

Toromon ae natiu te m'aane, kona riai n taromauria te Atua ao ongotaeka i rouna ma nanom ni kabane ma am iango, n aron are I a tia ni karaoia. E atai am iango ni kabane ao bukin karaoan b'aai iroum, ao ngkana ko tang nakoina, ao E na ongo am tataro nako. Ma ngkana ko aki kubariia, ao e na bon aki tabeakiniko n aki toki.

2.Rongorongo 6:16

Ko berita ngkoa b'a e na riki ni uea n taai nako temanna mai buakoia ana utu i aon Iteraera, ngkana a karaoa aia kabanea n tamaroa nakoim, n aron are e a tia ni karaoia.

2.Rongorongo 7:16

i bukina b'a bon au b'ai, ao bon aei naba te tabo ae n na taromauriaki iai n aki toki. N na bon aki konaa n tannako ma iai.

2.Rongorongo 7:18

ao n na kaawakina au berita ae e matoa nako ina b'a e na uea n taai nako temanna man am utu i aon Iteraera.

Taian Areru 105:45

B'a a aonga n ongeaba nakon ana taeka, ma ni kawakin ana tua. Kam na kamoamoa te UEA!

Taian Areru 119:5

Bon au kaantaninga b'a N na kakaonimaki n tauu am Tua!

Etekiera 36:27

i bukina b'a N na karina Tamneiu i nanomi ao ni karikingkami b'a kam na rangi ni kan ongotaeka nakon au Tua ma au Reirei nako.

Tekaria 3:7

N na karikiko b'a te tia tararuaa te tembora, n reitaki ma katawanangin te tembora are e katobibia ngkana ko ongotaeka raoi irou, ao ko na kariaiakaki n taetae n taai n aki akaaka ma te anera ae e tei i rarikiu.

Ioane 14:21

“Ane iai i rouna au tua nako, ao e tou mwiia, ao e kaotia iai b'a e tangirai; ao ane tangirai ao e na tangiraki iroun Tamau, ao e na tangiraki naba irou, ao N na kaotai nakoina.”

Ioane 15:10

Ngkana kam ongeaba nakon au tua nako, ao e na bon aki bua mairou tangirami; n ai arou ngkai I ongeaba nakon ana tua nako Tamau, ao e aki bua tangirau i rouna.

Te Tua-Kaua 4:40

I kab'arab'arai ana Tua ma ana Reirei. Ao ngkana kam ongotaeka nako iai, ao a na ab'ab'aki maiuia kanoami, ao a na teimatoa ni maekana te aba are anganingkami te UEA.