2.Rongorongo 7:14 - Te B'aib'ara

¹⁴ Ngkana a tataro ma te nanorinano au aomata man tanrikaaki nako iu mani katoka aia m'akuri aika a bure, ao N na kaekai aia tataro mai karawa. N na kab'arai aia bure mani manga kamaiureireia abaia.

2.Rongorongo 7:14 Iomraidhean Croise

2.Rongorongo 20:3

Ao e maaku Ieotiab'ata, ao e titirakina te UEA te b'ai ae e na karaoia. Ao i mwiina, e a tuangiia kaain Iuta b'a a na aki am'am'arake ni kaota rawaawatan nanoia.

2.Rongorongo 20:4

Ao a kawaekoaia ni kiitana ikekei nako Ierutarem i bukin buubutian te UEA buokaia.

2.Rongorongo 6:27

ko na ongora mani mwengam are i karawa ao kab'arai aia bure. Bon am toro Iteraera, ma ngaia ae ko na reireiia aroia ni maiuakina te raoiroi. Ao kab'aka te karau i aon te aba n aron am berita nakoia are akea tokina.

2.Rongorongo 6:30

Ko bon atai b'aai ni kabane ake inanoia aomata nako. Ma ngaia are, ko na kaekai aia tataro mani mwengam ane i karawa, n aron te b'ai are a karaoia ke te b'ai are i nanoia.

2.Rongorongo 6:33

ao ongora mani mwengam ane i karawa ao kaekai aia tataro. Ao ane a na bane kaain aonnaba n taromauriiko, n ai aron are a karaoia ake bon am aomata aika Iteraera, ao ane a na ataia iai b'a I karaoa te Tembora aei i bukin neboakim.

Taian Areru 27:8

E tuangai nanou b'a N na tataro. E ingainga nanou ni kan nora matam,

Taian Areru 60:2

Ko a tia ni kam'aeieia aon te aba, ao Ko a tia naba ni bwenauaia ni kaukia; katoka ikoakina ngkai, b'a ae e nang aki reke arona.

Taeka n Rabakau 28:13

Ngkana ko aki raraoma n am bure, ao e na aki koro bukin am iango. Ma e na akoiko te Atua ngkana ko kab'araa am bure ma n aki manga okiri.

Itaia 45:19

E aki taetae te UEA n taabo aika a roo aika a raba ke n tangiria kanoan Iakob'a b'a a na kua ni kakaaea. E na taekina te koaua te UEA ao aei te b'ai ae e taekinna

Itaia 59:20

Boni Ngai ae te UEA ae I a tia ni berita b'a N na kamaiua te kaawa are Tion ao ana kariki Iakob'a ake a rairaki man aia bure.

Itaia 63:19

Ti karaoa aron ae kaanga ko aki tautaekaniira ke ti tuai aranaki b'a am Aomata.

Ieremia 14:9

E koaua b'a e kakubanako te kabuanib'ai aei? Te tia buaka Ngkoe ae e kabaeaki baim? Ko rineira, ao e mena ikai am Tembora. Ko na aki kiitaniira!

Ieremia 33:6

A na roko boong are N na kamaiua iai te tabo aei ma kaaina, ao a na kukurei n te rau ae akea tokina.

Ieremia 50:4

E taku te UEA: Kaain Iteraera ma Iuta, Ngkana a riki baikai ao kam na tang, ao kam na kaai n okira abami n taromauriai, Ngai ae te UEA ae Atuami.

Ieremia 51:9

Ao a kaeka ianena ni kaangai, “Ti a tia ni kataia ni b'ainaorakiia ikoakin nako B'aburon, ma a bon aki buokaki. Nako mai, ti a okiri mwengara n oin abara nako. Bon akea te b'ai ae e tiku i B'aburon; a bane n uruaki b'aai nako.”

Ieremia 8:22

E aera ngkai a tuai man kamaiuaki au aomata ngkana iai taiani b'ainaoraki ma taokita i Kireata?

Etekiera 33:11

Ko na tuangiia b'a ngkai I bon maiu Ngai ae te UEA ae Atuam ao I bon aki kariaia b'a N tarataraia aomata aika a buakaka ngkana a mate. I tangiria b'a a na rairaki man aia bure ma ni maiu. Ma ngaia ae ngkana a tangiria ni maiu Iteraera, ao a riai ni katoka karaoan te bure ma n rairaki nako iu.

Etekiera 33:12

Ko na tuangiia b'a ngkana kam a manga moana karaoan te bure ngkami aika kam raoiroi, ao a na bon aki konaa ni kamaiuaki man aia raoiroi ake a tia ni karaoi n taai ake ngkoa ngkana a katuaaeaki. Ko na kauringiia b'a ngkana a katoka karaoan te bure aomata aika a buakaka, ao e na kab'araaki aia bure ake ngkoa, ao a na aki katuaaeaki.

Warekaia Iteraera 6:27

Ao E taku te UEA, “Ngkana a butiai Aaron ma natina mm'aane i bukin kakab'aiakiia Iteraera, ao N na anganiia Au kakab'aia.”

M'akuri 9:11

Ao E taku te UEA nakoina, “Tei rake, ao naako n te kawai are aranaki b'a Eti, ao ukoukora iai te aomata ae arana Tauro ae te I-Tareto, n ana auti Iuta: b'a noria, e tataro,

Te Tua-Kaua 28:10

Ao ane a na ataia aomata ni kabane n te aonnaba b'a ana Aomata te UEA ngkami, ao ane a na maakuingkami.