2.Rongorongo 6:31 - Te B'aib'ara

³¹ Ao ane a na taromauriiko iai am aomata ao a na ongotaeka iroum ni kabane aia tai ni maeka n te aba are ko anganiia aia bakatibu.

2.Rongorongo 6:31 Iomraidhean Croise

2.Rongorongo 6:30

Ko bon atai b'aai ni kabane ake inanoia aomata nako. Ma ngaia are, ko na kaekai aia tataro mani mwengam ane i karawa, n aron te b'ai are a karaoia ke te b'ai are i nanoia.

2.Rongorongo 6:32

Ane a na ongo rongorongom iruwa ma taekan m'aakam, ao ane a na roko tabeman ni maeka i buakoia am aomata aika Iteraera. Ngkana iai i buakoia aika a tataro nakon te Tembora aei,

Iobi 28:28

E taku te Atua nakon te aomata, “Ngkana ko tangiria ni wanawana, ao ko riai n anga te karinerine nakon te UEA. Ngkana ko kan atatai, ao ko na rairaki nako man te buakaka.”

Taian Areru 128:1

A kab'aia akana karinea te UEA, akana karaoa nanona ni maiuia.

Taian Areru 130:4

Ma Ko kab'ara ara bure, ma ngaia ae ti na taromauriko.

Te Otinako 20:20

Ao e taku Moote, “Kam na aki maaku, E bon ti roko te Atua ni kan kataingkami ma ni karaoingkami b'a kam na teimatoa n ongotaeka i Rouna, b'a kam aonga n aki bure.”

M'akuri 9:31

E wene n rau ngkanne te ekaretia i aon Iutaia ni kabuta, ma Kariraia, ma Taamaria, ao e kateimatoaki; a kaotia ni maiuia kaaina b'a iai karinean te Atua i rouia, ao e rikirake m'aitini kaaina n ana buobuoki te Tamnei are Raoiroi.

1.Tamuera 12:24

Kam na riai n ongotaeka iroun te UEA Kam na riai n taromauriia ma nanomi ni kabane, ao uringi b'aai ni kabane aika ab'ab'aki ake E a tia ni karaoi i bukimi.