2.Rongorongo 6:26 - Te B'aib'ara

²⁶ Ngkana tao arona b'a a bure am aomata nakoim, ao ko katuaaia n taua te karau b'a e na aki b'aka. Ao ngkana a manga katoka karaoan te bure ao a manga tanrikaaki nakon am Tembora man tataro n aram,

2.Rongorongo 6:26 Iomraidhean Croise

2.Rongorongo 6:25

ko na ongora man mwengam are i karawa. Kab'arai aia bure ao kaokiia nakon te aba are ko a tia n anganiia aia bakatibu.

2.Rongorongo 7:13

Ngkana tao arona b'a I taua te karau ke ni kanakoia taian rookati b'a a na kang arokami ke ni karawawataia au aomata n te aoraki ae moan te kamaamate.

Taeka n Rabakau 28:13

Ngkana ko aki raraoma n am bure, ao e na aki koro bukin am iango. Ma e na akoiko te Atua ngkana ko kab'araa am bure ma n aki manga okiri.

Itaia 5:6

E na onikaki nakon te rereua, e na aki kaitiakaki m'aanga ma aroka aika karib'aa; E na onrake ni kaai aika a kateketeke ao akanta. N na tuangiia taian nang b'a a na aki karokoa te karau.

Etekiera 14:13

Etekiera ae natin te aomata, ngkana tao e bure nako iu te botannaomata ae e b'anin, ao I katuaaia n urui arokaia ao ni kamateia kaaina b'a a na mate ni baki ma aia man.

Otea 5:15

Ao i mwiina, N na rairaki nakon Au tembora ni karokoa a kaota aia kaairua ma n taromauriai, ni karokoa a korakai nanoia ma ni buubuti buokaia.

Nakoaia Ibonga 26:19

ni karokoa e baabane raoi ami kamoamoa ni kamanatuaaki. N na aki kab'aka te karau, ao e na riki karawa i aomi b'a kaanga te biti, ao te tano ane i aani waemi b'a kaanga te buraonti.

Ruka 4:25

“Bon te koaua ae I tuangngkami, b'a a m'aiti aine ake a mate buia i aon Iteraera n ana tai Eria, ngke e aki b'aka te karau i nanon tenua te ririki ao onoua nam'akaina, ao e roko te rongo ae korakora i aon te aba ni kabutaa.

Te Tua-Kaua 11:17

ao ane na un te UEA, ao E na aki karokoa te karau. Ao ane a na akea te b'ai ae na riki n ami katawanang, ao kam na maunanako man te aba ae e raoiroi ae a tia n anganingkami te UEA.

Te Tua-Kaua 28:23

E na karika karawa are i etan atuura kaanga taraan taubuki ae te buraati are na totokoa b'akan te karau, ao e na kamatoa te tano are i aani waemi kaanga ai aron matoatoan te biti. Ao a na m'auteretere ma ni matoatoa taiani uita ma taiani b'aare n te angimainiku ae kabuebue ke a na mate n aorakin taian aroka.

Te Kaotioti 11:6

A kona taani kakoaua akekei ni bonota karawa, b'a e na aki b'aka te karau ni karokoa koron aia bong n taetae ni burabeti; ao iai m'aakaia i aon raan, ni kona n oniki b'a raraa; ao iai naba m'akaia ni karokoi b'aai ni kamamate ni kaokioki n ai aron takun nanoia.