2.Rongorongo 5:12 - Te B'aib'ara

¹² A kunnikainiia n te niiniira te rinen aika a tamaroa taani katangitang ake kanoan Rewi, n reitaki ma Ataba, Eman, Ierutun, ao natiia m'aane ao aia koraki. A tei i mainikun te baonikarea, ma ni katang taian timbara, aabi aika a uarereke, ao b'aai ni katangitang aika taiani karai.

2.Rongorongo 5:12 Iomraidhean Croise

1.Rongorongo 13:8

Ngke a kabane korakoraia ni m'am'aie man aneenene Tawita ma aomata ni kamoamoaa te UEA. A katangitang n tain aabi ake a uarereke ao b'aai ni katangitang ake taiani karai ao taian raea, taian timbere, ao taiani timbara.

1.Rongorongo 15:24

Aikai araia: Berekia, Erekana, Obeta-Etom, ao Ieia. Ao n te kabanea, Tawita e rineaia ibonga ake a na nakonako i matan te Atiniberita b'a taani katang bu. Ao aikai araia: Teb'ania, Iotiab'ata, Netanera, Amatai, Tekaria, Benaia, ao Erietera.

1.Rongorongo 15:27

Ao a b'ainiia n te niiniira ae te rinen Tawita, ma kanoan Rewi, Kenania are te tia kaira te katangitang, ao taani katangitang ni kabane, ao e kunnikaia naba Tawita n te kunnikai ae te ebota ae te rinen.

1.Rongorongo 23:30

A na katoa ingabong ao tairiki kanoan Rewi n anganga aia kaaitau nakon te UEA ao n anene nebonebo nakoina.

1.Rongorongo 23:5

akana 4,000 a na riki b'a taan tei n te Tembora, ao 4,000 a na neboa te UEA ni katang taiani b'ai ni katangitang ake I a tia n anganiia.”

1.Rongorongo 6:33

Aikai araia taani katangitang aikanne ma aia utu: Eman are kaain te kaainga are Koa are boni ngaiia mataniwi. E okirikaaki ana bakatibu nakon Iakob'a n reitaki ma Ioera, Tamuera,

1.Rongorongo 6:39

Ataba bon ana koraki Enam ao e riki ngaia b'a te tia buobuoki. Ana bakatibu Ataba bon Berekia, Timea,

2.Rongorongo 29:25

I mwiina anne, e anganiia nneia kanoan Rewi Etekia i nanon te Tembora. E anganiia taian timbara, aabi, ao taiani b'ai ni katangtang ake taiani karai, ni kaineti ma taian kaetieti ake e a tia n anga te UEA nakon te uea are Tawita ao burabeti ake uoman, Kata ao Natan.

2.Rongorongo 29:26

A tauraoi kanoan Rewi ni katang taian b'ai ni katangitang ake ana b'ai ngkoa Tawita; ao a tauraoi naba ibonga ni katang taian bu.

2.Rongorongo 7:6

Ao a bane n teirake aomata i nanon tain te botaki. Ao a bane ni mena taian ibonga n aia tabo ake a tia n anganaki, ni katangi taian buu. A kaaitaraaki irouia kanoan Rewi, ni katangi taian b'ai ni katangitang ake e a tia ni karaoi Tawita b'a a na kamanenaaki i bukin neboakin te UEA i bukin ana tangira ae akea tokina.

Taian Areru 149:3

Kam na kamoamoa arana n te b'ab'atere; katangi b'aai ni katangitang n neboia iai.

Taian Areru 50:1

E taetae Teuare M'aaka, ae te Atua ae te UEA; E weteia aomata nako i aonnaba mai tabona nako tabona.

Taian Areru 62:1

I taotaona nanou ni kaantaninga te Atua b'a E na kamaiuai; Ti Ngaia mwiokoni maiu.

Taian Areru 68:25

A ri moa taan anene, ao a rimwiaki irouia ateiaine ake a ororei ni katang aia b'ai ni katangitang, ao taani katangitang mai buki.

Taian Areru 88:1

Te UEA ae te Atua, ae au tia kamaiu, I tang nakoim ni ngaina ao ni bong.

Taian Areru 92:3

Ai raoiroira n aneneaki ma tangin taiani b'ai ni katangitang aika tangi raoi.

Te Kaotioti 15:6

ao a oti nako man te Tembora anera aika itiman, ake iai i rouia b'aai ni kamamate ake itiua, ao a kunnikaiaki n te kunnikai ae itiaki ae raneanea, ao a kabaeaki b'ab'aaia ni kabae aika koora.

Te Kaotioti 19:8

E a tia n anganaki neierei kunnikaina ae te rinen ae e raoiroi ae raneanea ae itiaki b'a e na b'ainna. (Te rinen ae e raoiroi, bon aroia ake a itiaki ni kakaraoa nanon te Atua ni maiuia).