2.Rongorongo 4:6 - Te B'aib'ara

⁶ E karaoi naba tebwina boora aika a uarereke ao e katikui nimaua n iteran te Tembora are maiaki ao nimaua n iteran te Tembora are meang. A kabonganaaki taiani boora ake a uarereke i bukin kaitiakan taiani man ake a kabuokaki b'a taiani karea i aon te baonikarea, ao e kabonganaa te ran te ibonga man te boora are e buubura i bukin kaitiakan baina.

2.Rongorongo 4:6 Iomraidhean Croise

1.Uea 7:38

Ao e karaoi naba tebwina boora aika a uarereke riki nakon are e buubura Iram, teuana i bukin teuana te nangoa. Bon uoua te miita buburan boora akekei n tatabeua nako, ao a konaa ni kanoaaki n te m'aiti ae 100 te riita.

1.Uea 7:40

Ao e karaoi naba taian baan Iram i bukin mannang aika a kabuebue, ao e karaoa naba te tiabora ao taiani boora ni katimtim. Aikai b'aai aika buraonti ake e karaoi Iram i bukin Ana Tembora te UEA:

2.Rongorongo 4:2

E anga naba ana taeka b'a e na karaoaki te boora ae e buubura ae te buraati ae aranaki b'a Taari. Bon 4 ao te iterana te miita buuburana, ao 2 te miita rietan nanona, ao tebwi ma teniua te iterana te miita mronronna.

Taian Areru 51:2

Tebokai raoi b'a I aonga n itiaki man au bure, ao kaitiakai man arou aika buakaka!

Te Otinako 29:4

Kairiia Aaron ma natina mm'aane nako mataroan te Um'antabunrianna b'a a na tebotebo.

Te Otinako 30:17

E taku te UEA nakon Moote:

Etekiera 40:38

Iai te auti ae e uarereke ae e nim ma te mataroa are mai meaang. E uki nakon ruun te kawai n rin are e kaaitaraa katawanangin oon te Tembora, ao a kaitiaki iai maan ake a tiringaki b'a a na kabuokaki b'a te karea are kakukureian te UEA.

Nakoaia Ibonga 1:13

E na bon kaitiaka kanoannanon ma waen ana karea te aomata, ao te ibonga, e na uota te karea nakon te UEA, ao e na kabuoki ni kabane i aon te baonikarea. E na rangi ni kakukureia te UEA boiararan te karea aei.

Nakoaia Ibonga 1:9

E na bon kaitiaka kanoannanon, ma waen ana man te aomata, ao te ibonga e na kabuoka te karea ni kabane rab'atana i aon te baonikarea. E na rangi ni kakukureia te UEA te angakarea anne.

1.I-Korinto 6:11

Ao akanne anuani maiuia ngkoa tem'angina i buakomi. Ma kam a tia n tebokaki; kam a katabuaki b'a ana b'ai te Atua, ao a tia ni kaetaki aromi n reitaki ma te Atua n aran ara UEA are Iesu, ao iroun naba Tamnein Atuara.

Ebera 9:14

ao ai bati ra riki kaitiakani mataniwin nanora mani m'akuri aika akea uaaia n raraani Kristo are anga Ngaia iroun te Tamnei are Raoiroi n aki totoki b'a te karea ae akea buakakana nakon te Atua, b'a kam aonga n toro iroun te Atua ae maiu!

Ebera 9:23

Ma ngaia ae e riai b'a a na kaitiakaki baike katotoon oi ni b'ai ake i karawa n te aro anne. Ma b'aini karawa a tangiri aaro n angakarea aika raraoi riki nakon aikai.

1.Ioane 1:7

ma ngkana ti nakonako n te oota n ai arona ngkae E mena n te oota, ao ti i raorao i roura, ao e kaitiakiira raraan Iesu are Natina man te buakaka ni kabane.

Te Kaotioti 7:14

Ao I taku nakoina, “Teuae ko karineaki i rou, ko bon ataiia.” Ao e kaangai nako iu, “Aomata aikai ake a butaki nako mai aan te rawawata are korakora, ao a teboki aia kunnikai ake a m'am'arai ao a kamainainai n raraan te Tiibuteteei.