2.Rongorongo 36:5 - Te B'aib'ara

⁵ Ai uabwi ma nimaua ana ririki ni maiu Ieoiakim ngke e rineaki b'a te uea, ao e tautaeka i nanon tebwi ma teuana te ririki mai Ierutarem. E aki ongotaeka Ieoiakim iroun te UEA ae Atuana ngke e karaoi m'akuri aika a buakaka.

2.Rongorongo 36:5 Iomraidhean Croise

Ieremia 26:1

N te tai ae e aki maan, i mwiin rikin Ieoiakim b'a uean Iuta, ao e taku te UEA:

Ieremia 36:1

I nanon ana kaua n ririki Ieoiakim are natin Iotia te mm'aane ni uea i aon Iuta, ao E taetae te UEA nako iu ni kaangai, “Ieremia,

Ieremia 35:1

Ngke e uea Ieoiakim i aon Iuta, E taetae te UEA ni kaangai,

Ieremia 1:3

ao E teimatoa n taetae nako iu i nanon ana tai n tautaeka natin Iotia are Ieoiakim te mm'aane. Ana kabanea n taetae te UEA nako iu bon n te kanimaua n nam'akaina n ana katebwi ma teuana n ririki Tetekia are natin Iotia te mm'aane n uea. Bon anne naba te tai are a uotaki nako iai kaain Ierutarem b'a taenikai.

Ieremia 45:1

N ana kaaua n ririki Ieoiakim i aon Iuta, ao e koroi b'aai ni kabane B'aruka ake I tuangnga.

Taniera 1:1

I nanon ana katenua n ririki ni uea teuare Ieoiakim i aon Iuta, ao e m'aati uean B'aburon are Nebukaneta ma ana taanga ni buaka b'a e na taua Ierutarem. Ma ngaia are, a katobibia te kaawa b'a a na taua.

Taniera 1:2

Ao te UEA e kariaia Nebukaneta b'a e na kataenikaia te uea are Ieoiakim ma n anai kaub'ain te Tembora. E uotiia rikaaki tabeman taenikai nakon temboran antina i B'aburon, ao e karin taiani kaub'ai akekei i nanon te ru ni b'ai are i nanon ana tembora antina.