2.Rongorongo 34:3 - Te B'aib'ara

³ Ngke ai tib'a tebwi ma onoua ana ririki ni maiu Iotia ao e a moana taromaurian te Atua, n aron are e a tia ni karaoia ana bakatibu are Tawita. Aua te ririki i mwiina, e a baaireia b'a e na urui baangotan te aba i Iuta ao i Ierutarem, ao ai uana naba ma taian boua aika a tabu i bukin taromaurian te anti te aine are Nei Atera ao bouanantin antiia ianena.

2.Rongorongo 34:3 Iomraidhean Croise

1.Uea 13:2

E kanakoai te UEA ma taekan te baonikarea aei. E na bungiaki te tei ae arana Iotia man ana utu Tawita. E na kareana te ibonga are e kakaraoa ana angakarea ikai, ao a na kabuokaki riia aomata i aona.

2.Uea 10:27

ao a kamaerikirikia, ao i mwiina, a urubekea temboran B'aara n akea naba nikirana teutana. Ao man te tai arei, e a riki b'a te b'ai ae akea bonganana b'a e a riki b'a aia kainakotaari aomata.

2.Uea 18:4

E urui taiani baangota, ao i mwiina, e kamaaei bannaia anti ianena, ao e korouaa te boua ae tabu are b'ain taromaurian Nei Aatera. E urubekea naba te naeta te buraati are e karaoia ngkoa Moote. A aranna aomata b'a Neutitan ao a tia n angaanga karea nako ina.

2.Uea 20:5

ao E kaokia te UEA nakon Etekia ma te rongorongo ae kaangai: Etekia, bon Au tia tautaeka ngkoe i aoia au Aomata, ao boni Ngai te UEA ae te Atua, are E taromauriaki iroun am bakatibu are Tawita. I ongo am tataro, ao I nooriko ngke ko tang. N na boni kamarurungko, b'a ko aonga ni konaa ni manga taromauriai n au Tembora i mwiin tenibong mangkai.

2.Uea 23:14

E urui bannaia antiia Ianena aika atiibu ao e korouaa te boua are e tabu i bukin taromaurian Nei Aatera. Ao e kaona te tabo arei n riia aomata.

2.Uea 23:4

Ao Iotia e tuangiia Irekia are te ibonga ma taiani kauoman ni ibonga, ao taan tei ni mataroan te Tembora b'a a na rin i nanon te Tembora ma ni kaotinakoi b'aai ake a kabonganaaki i bukin taromaurian B'aara, ma Nei Aatera, ao taiani itoi. E kabuoki b'aai aikai Iotia ni M'aruan Kiteron n are i tinanikun Ierutarem, ao e anai mannangiia ni uoti nakon te kaawa are Betaera.

1.Rongorongo 22:5

Ao e taku, “E na riai ni kakannato ana Tembora te UEA, b'a a aonga ni bane n ataia aomata nako n te aonnaba. Ma ngkai e rangi ni uarereke natiu te m'aane ae Toromon ao e tuai wanawana, ao n na riai moa ni katauraoi b'ain katean te Tembora ni kabane.” Ao bon anne bukina are e karaoi b'aai ni kabane iai aikai Tawita i m'aain matena.”

1.Rongorongo 28:9

Toromon ae natiu te m'aane, kona riai n taromauria te Atua ao ongotaeka i rouna ma nanom ni kabane ma am iango, n aron are I a tia ni karaoia. E atai am iango ni kabane ao bukin karaoan b'aai iroum, ao ngkana ko tang nakoina, ao E na ongo am tataro nako. Ma ngkana ko aki kubariia, ao e na bon aki tabeakiniko n aki toki.

1.Rongorongo 29:1

E taku Tawita nako ia aomata: E rinea natiu te m'aane are Toromon te Atua b'a e na katea te Tembora, ma e uarereke Toromon ao e tuai rabakau ni kateitei. Tiaki te auti n aki akaaka te auti aei b'a bon ana Tembora te UEA ae te Atua!

2.Rongorongo 14:6

E kakab'aia Iuta te UEA n anga te rau ngke e uea Ata, ao n te tai anne, e nonoi kaawa aika a m'aiti Ata.

2.Rongorongo 15:2

Ao e nako Ataria n te tai ae e waekoa ni kawara Ata ao e taku: Ko na ongora irou, ngkoe te uea ae Ata ao ngkami aika kaain Iuta ao Beniamin. E na memena te UEA iroumi ma ni buokingkami, ngkana kam teimatoa n ongotaeka ma n taataromauriia. Ma ngkana kam aki ongotaeka i rouna, ao e na bon kiitaningkami.

2.Rongorongo 30:14

A anai aia baonikarea ianena ni kabane ao baonikarean te b'ai ni kaboiarara are aia b'ai naba ianena i Ierutarem ao a tewenakoi ni M'aruan Kiteron.

2.Rongorongo 33:15

E bon kanakoi naba taian bouannanti Manate ao taian atiibu ake bannan antiia ianena mai nanon te Tembora, ao e booti taian baonikarea ake e katei ngkoa i rarikin te Tembora ao ake ni m'akoron Ierutarem ake tabeua. E karenakoi baikai ni kabane i tinanikun te kaawa are e buubura.

2.Rongorongo 33:17

A ongotaeka aomata iroun Manate, ma a taromauriia te UEA ni bon oin aia baangota nako.

2.Rongorongo 33:22

E aki ongotaeka Amon iroun te UEA, n aron are e karaoia naba tamana are Manate, ao e taromauriia man angaanga karea nakon taian bouannanti ake e karaoi ngkoa tamana.

2.Rongorongo 34:33

E kamaunai taian bouannanti ni kabane Iotia n te aba are Iteraera, ao e tuangiia aomata ni kabane i Iteraera b'a a na taromauriia te UEA ae te Atua n ti ngaia. Ao a aki manga tannako aomata mairoun te UEA ae Atuaia aia bakatibu ni kabane n ana tai n tautaeka Iotia ngke e uea.

Taian Areru 119:9

E kanga n reke te maiu ae itiaki iroun te aomata ae e a ikawai? Tii ngkana e ongeaba nakon am Taeka.

Taian Areru 71:5

Te UEA ae ko tautaeka, e tiku au kaantaninga iroum; I mwioko iroum ma ngke te kairake ngai.

Te Otinako 34:13

Kam na onea mwiin anne n urua aia baonikarea ma ni kamaeei taian boua ake a tabu

Taeka n Rabakau 20:11

A kaotaki aroia naati ni b'aai aika a raoiroi ke aika a buakaka ake a karaoi.

Taeka n Rabakau 8:17

I tangiriia aomata ni kabane aika a tangirai, ao n na boni kuneaki irouia ni kabane akana ukoukorai ma te nano ni koaua.

Te Minita 12:1

Ururinga am Tia Karikib'ai mangkai ko uarereke! Ane ko na kaangai n ririki aika a na roko ngkana ko taonaki n te kaangaanga, “Bon akea kukureiu n te maiu aei.”

Nakoaia Ibonga 26:30

N na urui ami auti n taromauri nako, N na urui ni kab'akai ami bao n angakarea i bukin te boiarara, ao N na katokai rab'atami ngkae a mate i aon nako ami bouannanti. Ao kam na riribaaki i Rou.

Mika 1:5

A riki baikai i bukina ngkai a tia ni bure, ao n aki ongotaeka Iteraera nakon te Atua. Tiaki bon Tamaria ae e riai ni bukinaki i bukin ana aki ongeaba Iteraera, ngkai boni ngaia te kaawa ae atuun Iteraera? Antai ae e na bukinaki n ana bure Ierutarem ngkai boni ngaia te kaawa ae atuun Iuta?

Mataio 6:33

Ma kam na ukoukora moa Uean te Atua ma ana raoiroi, ao E na karekei baikai ni kabane te Atua nako imi.

2.Timoteo 3:15

ao ko ataia b'a ma ngke te merimeri ngkoe ao ko a kaman ata te B'aib'ara ae tabu, b'a e kona ni kawanawanako ma ni kairiko nakon te kamaiuaki are reke n onimakinani Kristo Iesu.