2.Rongorongo 32:8 - Te B'aib'ara

⁸ b'a e buaka n ara itera te UEA ae Atuara. A ti onimakina korakoran te aomata kaain Aturia. Ao a kakorakoraaki ana taanga ni buaka Iuta n taeka aikai.

2.Rongorongo 32:8 Iomraidhean Croise

2.Uea 18:5

E onimakina te UEA ae Atuan Iteraera Etekia. Bon akea uean Iuta ae ai arona ma i m'aaina, ao i mwiina naba.

2.Uea 6:16

Ao e taku Eritai, “Tai maaku. A m'aiti riki taanga ni buaka aika iroura ni kabotauaki ma ake irouia.”

1.Rongorongo 5:22

A m'aiti kaain Akera ake a mate i nanon tain te buaka, i bukina ngke E buaka te Atua ni kaaitaraia. A maeka kaain te baronga are Reuben, Kata, ao Manate i Mainiku n te aba arei ni karokoa te tai are a manga uotakinako iai b'a taenikai nako Aturia.

2.Rongorongo 13:12

Ao bon anne bukina ngkai E mena te Atua n ara itera ao e na kairiira nakon te buaka ngkana a katanga te kanikina ibonga n taiani buu. Kam kabane buakaa ami tai Iteraera, kam bon riai ni kab'araa nanomi. Bon akea manenan ae kam karaoia Iteraera, kam riai ni kab'ara nanomi. Bon akea ami anga ae kam na konaa iai te UEA ae te Atua are a taataromauriia ami bakatibu.

2.Rongorongo 14:10

E kaaitibo ma Ata ikekei, ao a katauraoi nakon te buaka taanga ni buaka aika uoua aikai n te M'arua are Tebata.

2.Rongorongo 14:11

E tataro Ata ao e taku: Te UEA ae te Atua, bon ti ngkoe ae ko konaa ni buoka te taanga ni buaka ae akea korakorana ma ni katokanikaia i aon ae korakora. Ma ngaia ae, ti onimakinna b'a ko na buokiira. Ti na buakana te taanga ni buaka ae korakora aei i bukin neboan aram, ao ti ataia b'a ko bon aki konaa ni konaaki. Bon te UEA ae Atuara ngkoe.

2.Rongorongo 16:7

N te tai ae e aki maan i mwiin rikin anne, ao e nako te burabeti are Anani ni kawara Ata ao e taku: Ko mwiokoa uean Turia ao ko aki mwiokoa te UEA ae Atuam. Ma ngaia are, ko na bon aki konaa ni kataenikaia ana taanga ni buaka Turia.

2.Rongorongo 20:15

Ao e taku Iaatiera: Teuae ko karineaki, ao kaain Iuta ma Ierutarem ni kabane, e taku te UEA b'a kam na aki riai ni maaku, ke ni b'arannano n te taanga ni buaka ane e korakora anne. E na buaka te UEA man ami itera!

2.Rongorongo 20:17

Kam na aki buaka. Kam na ti tei ni nnemi ma ni mataku ngkana E kamaiungkami te UEA mairouia ami kairiribai. Kam na aki maaku. Kam na ti karaoa ae kam tuangaki. Ao ngkana kam m'aati n ingabong, ao e na raoni ngkami te UEA ikekei.

2.Rongorongo 20:20

N te moan ingabong are i mwiina, ngke a katauraoi aomata nako b'a a na nakon te rereua are i rarikin Tekoa, ao e teirake Ieotiab'ata ao e taku, “Kam na ongora raoraou nako, ngkana ti kakoauaa te UEA ae te Atua ma n onimakinna ni b'aai ni kabane aika a taekin taian burabeti aikai nakoira, ao E na buokira te UEA, ao ti na bon tokanikai.”

2.Rongorongo 32:15

Kam na aki kananobabaaki iroun Etekia! Bon akea antiia botannaomata aika a konaa ni kaaitaraa Aturia. Kam na kakoauaai, e bon aki konaa naba Atuami ni kamaiungkami!

Iobi 40:9

E boraoi korakoram ma Ngai? Ko kona ni karebwea b'anaam n ai aron rebwen te baa, kaanga b'anaau?

Taian Areru 118:8

E raoiroi riki te onimakina te UEA i bukin kawakinara nakon onimakinaia riki tabeman,

Taian Areru 20:7

Tem'angina a onimakin aia kaanibuaka, ao tem'angina aia aoti, ma ngaira, ti onimakina m'aakan te UEA ae Atuara.

Taian Areru 46:11

Bon raora te Atua ae Moan te M'aaka, Bon otangara Atuan Iakob'a.

Taian Areru 46:7

Bon raora te UEA ae Moan te M'aaka; Bon otangara Atuan Iakob'a.

Te Otinako 4:31

ao a bane aomata ni kakoaua. Ao a bobaraaki ao a taromauria te UEA b'a ataia b'a E a tia n noora rawawataia ao E nang buokiia.

Taeka n Rabakau 12:25

Te raraoma bon te uota ae e rawaawata, ma e uota te kukurei n taai nako te taeka ae e akoi.

Itaia 30:32

E na buakaniia n te buaka, ao ni katoa oreakiia i rouna, ao e na riki b'a tangin taian timbere ao taian aabi.

Itaia 31:3

Bon taian aomata naba kaain Aikubita. Bon tiaki Atua ngaiia. A bon karaoaki naba aia aoti man te iriko; a aki konaa ni maiu n aki toki. Ngkana e kaota m'aakana te UEA, ao ane e na tiringiia kaain Aikubita ao koraki ni kabane ake a mwiokoia. A na bane ni kaai ni b'aka.

Itaia 36:18

E taku Etekia b'a E na kamaiuko te UEA. Ma kam na aki kaburababaaki i rouna. Bon iai taian anti tabem'aang aika a konaa ni kamaiua abaia mairouia ana taanga ni buaka Aturia?

Itaia 41:10

Ko na aki maaku. Bon raou ngkoe. Ko na aki ruru ni maaku. Bon Atuam Ngai. N na kakorakorako, ngkana I kamanoko ni baiu ma n anganiko taian tokanikai.

Itaia 8:10

Ikotingkami ao karaoi ami babaaire nako, ane kam na konaaki b'a e mena iroura te Atua.

Ieremia 17:5

I a tia Ngai ae te UEA ni kamaraiia koraki ake a tannako ma i Rou ma n onimakina korakoran te aomata.

Ieremia 42:11

Kam na aki maaka Uean B'aburon. N na kamanoingkami mai rouna,

Tekaria 4:6

Ma ngaia are, e kab'arab'araa te anera b'a bon reitan taian rongorongo mairoun te UEA nakon Terub'abera. Bon te UEA Ngai ae Moan te M'aaka. Ma ngaia are, kam na aki onimakina korakorami ma marurungimi, ma kam na onimakina Tamneiu.

M'akuri 18:10

B'a I memena i roum, ao akea te aomata temanna ae na ekiko nako ni kaikoakiko: b'a a bati au aomata n te kaawa aei.”

Te Tua-Kaua 20:1

Ngkana kam nang nakon te buaka, ao kam nooria b'a e korakora riki aia taanga ni buaka ami kairiribai nakoimi, ao a m'aiti riki naba aia aoti, ma aia kaa ni buaka, ma kam na aki maaku. E a tia te UEA ae Atuami ni kamaiungkami mai Aikubita, ao E na boni buokingkami ni buaka.

Te Tua-Kaua 20:3

ao e na kaangai, Tautian Iteraera, Ongora irou. Ngkana kam nako ni buaka n te bong aei, ao kam na aki maakuia ami kairiribai, ao kam na aki takakaa ngkana kam nooriia.

Te Tua-Kaua 20:4

E na buaka te UEA ae Atuami i rarikimi, ao E na buokingkami ni katokanikaingkami n te buaka.

2.Timoteo 4:17

Ma E tei te Uea i rarikiu ao E kakorakoraai b'a N na taekina te euangkerio ae b'anin b'a a na ongo aomata aika tiaki I-Iutaia; ao I kamaiuaki man te mate.

2.Timoteo 4:22

E na mena te Uea iroun tamneim. E na mena te akoaki iroumi ni kabaneingkami.

Iotua 10:42

E buakan ma n taui kaawa aikai Iotua ni m'anangana ae ti teuana, kioina ngke E raonna te UEA ae Atuaia Iteraera ni buaka i bukiia.

1.Ioane 4:4

Ataei aika uarereke, boni mairoun te Atua ngkami, ao kam a tia ni katae aia kai burabeti ni kewe: b'a E m'aaka riki Teuare mena i nanomi nakon teuare mena i nanoia kaain aon te aba.

1.Tamuera 17:45

Ao e taku Tawita: Ao ngkoe, ko nakomai b'a ko na un ma ngai n te kabaang ma te kainiwai ma te biti ae uaitera wiina. Ma ngai, I nako im b'a n na un ma ngkoe n aran te UEA ae Moan te M'aaka. Bon Atuan aia taanga ni buaka Iteraera, ae ko a tia ni b'ainingareia naba!