2.Rongorongo 32:4 - Te B'aib'ara

⁴ Ao a botiia taani m'akuri aika moan te bati taiani mataniwi aika a na katoka te koburake n ran arei ao taian raanga n ran ake i rarikin Ierutarem.

2.Rongorongo 32:4 Iomraidhean Croise

1.Uea 19:21

Ao e nako Eritai ao e kairiia ana kaom'aane ake uoman. E tiringiia, ao e kaburoia i aon te ai ae e aianna ni kain ana b'arau. E anga irikon ana man akekei nakoia aomata ake a mena i rarikina, ao a bane n am'arake. Ao i mwiina, e ri mwiin Eria ao e riki ngaia b'a te tia buobuokia.

1.Uea 3:9

I butiiko, kawanawanaai ao reireiai b'a N na ataa te kaokoro i marenan te raoiroi ma te buakaka, b'a I aonga n ataa arou n tautaekaniia am Aomata ae e korakora aei.

2.Uea 18:13

N ana katebwi ma aua n ririki n tautaeka Etekia, ao e roko Tennakeriba are uean Aturia ni buakana te aba, ao e taui kaawa ni kabane ake a buubura ake a nonoaki, ma ti Ierutarem ae e aki reke.

2.Uea 18:9

I nanon ana kaaua n ririki n tautaeka Etekia, are bon ana kaitiua n ririki Otea n tautaeka i aon Iteraera, ao e a kam'anangaa ana taanga ni buaka Tiaremanetera are uean Aturia nako Taamaria, are kaawan te tautaeka i Iteraera. A buakanna

2.Uea 19:17

E boni koaua ara UEA b'a a tia uean Aturia n karikii taian botannaomata b'a taian rereua.

2.Uea 20:20

A tauaki rongorongon b'aai ni kabane ake e karaoi Etekia i nanon ana tai n uea n ikotaki ma arona ni karaoa te nei are i eta ao kawain te ran n rin nako Ierutarem, n te boki are Rongorongoia Uean Iuta.

2.Rongorongo 30:14

A anai aia baonikarea ianena ni kabane ao baonikarean te b'ai ni kaboiarara are aia b'ai naba ianena i Ierutarem ao a tewenakoi ni M'aruan Kiteron.

2.Rongorongo 32:1

I mwiin ana kakaonimaki Etekia n ongotaeka nakon ana tua te UEA ni karaoan baikai, ao e a buakana Iuta uean Aturia are Tennakeriba. E buakan kaawa aika a nonoaki aika a buubura ao e iangoia b'a a na reke i rouna ni kabane.

2.Rongorongo 32:3

ao a karaoa aia babaaire ana mataniwi b'a a na kaina mwiin te ran nako tinanikun te kaawa are e buubura arei, b'a a aonga n akea nimaia te ran ngkana a roko ni buaka.

2.Rongorongo 32:30

Bon Etekia are e karaoa te kanare are e na konaa ni karokoa te ran nakon te kaawa ae buubura are Ierutarem man te koburake n ran are Kion. Ni koauana, ao b'aai ni kabane ake e karaoi a bane n nakoraoi!

Itaia 10:8

E taku Uean Aturia: Bon taiani uea au mataniwi n te taanga ni buaka!

Itaia 22:11

Ao i mwiina, kam karaoa te tangke ae e buubura i marenan taiani oo i bukin nnen te ran. Ma kam rawa n onimakina te Atua are e baairei b'aai aikai n taai aika a b'aka nako ao e a kakoroi bukiia ngkai.

Itaia 22:9

Kam noori taiani kiri b'angab'anga n oon Ierutarem are mai tinaniku, ao kam karokoa te ran man nnen te ran are inano.

Naum 3:14

Itii raan ni katauraoi i m'ain katobibiam ni buakanaki, kamatoatoai nonom nako. Kaboboa bokabokan te buriki, ao b'ain te oroburiki!