2.Rongorongo 32:31 - Te B'aib'ara

³¹ E ngae ngke a kanakoia aia taan uarongorongo taan kairiiri mai B'aburon b'a a na titirakina Etekia ana kanikina te UEA are e anganna, ao te Atua, e kariaia Etekia b'a e na anga are bon ana reke b'a e na tuoa ao n noora ana kakaonimaki.

2.Rongorongo 32:31 Iomraidhean Croise

Karikani B'aai 22:1

Ao i mwiin te tai ae aki maan, ao E a kataa Aberaam te Atua; ao E weteia ni kaangai, “Aberaam!” Ao e kaeka Aberaam, “Aio ngai!”

2.Rongorongo 32:24

Ni bon aekakin naba te tai aei, ao e a aoraki Etekia ao e a kuri ni mate. E tataro, ao te UEA e anganna te kanikina ae e na manga marurung.

2.Rongorongo 32:25

Ma e rangi ni kamoamoa Etekia ao e rawa ni kaaitaua te UEA i bukin b'aai ni kabane ake e a tia ni karaoia nako ina. Ao aio are e karika unin te UEA, ao e katuaaea Etekia ma kaain Iuta ma Ierutarem.

2.Rongorongo 32:32

A koreaki mwiin b'aai ni kabane ake e karaoi Etekia i nanon ana tai ni uea, n reitaki ma ana kakaonimaki nakon te UEA, n reitaki naba ma taian rongorongo ake e kaawakin Itaia are te burabeti. A koreaki b'aai aikai i nanon Rongorongoia Uean Iuta ao Iteraera.

Taian Areru 27:9

Ma ngaia ae tai karabako mairou. Ngai ae am Toro, te UEA Ko a tia ni buokai; Tai kitanai, tai taeanibai nako mai rou, Ngkoe ae te Atua, ae au Tia Kamaiu.

Taeka n Rabakau 17:3

E tuoaki te koora ma te tirewa n te ai ao a tuoaki nanora iroun te UEA.

Tekaria 13:9

Ao i mwiina, N na kaitiakia ma ni karaoia b'a a na kataaki, kaanga te koora ma te tirewa ngkana a kaitiakaki ma n tuoaki. Ane a na tataro n arau, ao N na kaekaia. N na kaangai, “Au aomata ngkami,” ao a na kaeka ni kaangai, “Bon te UEA Ngkoe ae Atuara!”

Ioane 15:5

“Ngai te kai ae te kureebe, ao ngkami m'aangana. Ane nim ma Ngai, ao I nim ma ngaia, ao e na kariki uaa aika bati; b'a akea te b'ai ae kam kona ni karaoia ngkana akea Ngai.

Te Tua-Kaua 13:3

Kam na aki ongo iroun te burabeti ngkana e taekini taeka aikai. B'a E na taratara te UEA ae Atuami n nooringkami b'a kam tangiria ma nanomi ao tamneimi ni kabane ke kam aki.

Te Tua-Kaua 8:16

Ao E anganingkami naba te maana, te aekaki n am'arake ae a tuai ma ongongo taekana ami bakatibu. E kataingkami te UEA b'a kam aonga n onimakinna, b'a E aonga ni karaoa ae raoiroi nakoimi rimwi.

Te Tua-Kaua 8:2

Kam na aki m'aninga aron te UEA ngke E kairingkami i nanon te rereua i nanon 40 te ririki aika a tia n nako. E tangiria ni kakoauaa b'a kam bon tangiria n ongotaeka nakoina ma ni mwiokoia,

Iakobo 1:13

Ngkana e kaririaki temanna, ao ke e tai kaangai, “I kaririaki mairoun te Atua.” B'a E aki konaaki te Atua ni kaririaki ni baika bubuaka, ao akea ae E kaririaki i rouna;

1.Betero 1:7

b'a e aonga n riki kataan ami onimaki, ae kakawaki riki nakon te koora ae kai mauna are e boni kataaki naba n te ai b'a ua ra, b'a kamoamoami ma neboami ma karineami ngkana E a manga oki Iesu Kristo,

Tani Motiki-taeka 16:20

ao e takaarua, Tamton a buakaniko kaain Biritia. Ao e uti Tamton ao e taku n ana iango, N na manga bon b'aranako ma ni birinako n aron are I bon kakaraoia. E aki ataia b'a e a toki buokana iroun te UEA.