2.Rongorongo 32:30 - Te B'aib'ara

³⁰ Bon Etekia are e karaoa te kanare are e na konaa ni karokoa te ran nakon te kaawa ae buubura are Ierutarem man te koburake n ran are Kion. Ni koauana, ao b'aai ni kabane ake e karaoi a bane n nakoraoi!

2.Rongorongo 32:30 Iomraidhean Croise

1.Uea 1:33

ao e taetae nakoia ni kaangai: “Kairiia tabeman au aobitia b'a kam na katokaa Toromon i aon au miure ao kairiia nakon Koburaken ranin Kion.

1.Uea 1:38

Ao a nako Tatoka ma Natan ao Benaia ao a kairiia uakoraki ana taani kaawakina Tawita aika a bane aroia. Ao e toka Toromon i aon ana miure Tawita ngke a m'ananga nakon Koburaken ranin Kion.

1.Uea 1:45

Ao ngke a roko ikekei, ao e a karaoaki kaueaan Toromon iroun Tatoka, Natan ao Benaia. Ao a bane ni kukurei aomata i aon kawaia n okira Ierutarem. Bon anne bukin te karongoa are kam ongo are e nako man te kaawa.

2.Uea 20:20

A tauaki rongorongon b'aai ni kabane ake e karaoi Etekia i nanon ana tai n uea n ikotaki ma arona ni karaoa te nei are i eta ao kawain te ran n rin nako Ierutarem, n te boki are Rongorongoia Uean Iuta.

2.Rongorongo 26:5

Ana tia iango Utia bon Tekaria are e reireinna te ongotaeka iroun te Atua. Ai ngaia are, ngke e maiu Tekaria ao e kakaonimaki Utia nakon te Atua, ao e karaoia te Atua b'a e na tetekeraoi.

2.Rongorongo 32:3

ao a karaoa aia babaaire ana mataniwi b'a a na kaina mwiin te ran nako tinanikun te kaawa are e buubura arei, b'a a aonga n akea nimaia te ran ngkana a roko ni buaka.

2.Rongorongo 32:4

Ao a botiia taani m'akuri aika moan te bati taiani mataniwi aika a na katoka te koburake n ran arei ao taian raanga n ran ake i rarikin Ierutarem.

2.Rongorongo 33:14

Rimwi, e a manga katea oon tinanikun m'akoron Ierutarem are i mainiku Manate ao e a manga karietaa riki. E waaki te oo aei man te M'arua are Kion i meang nakon te Mataroa are Ika ao ni katobibia m'akoron te kaawa are e buubura arei are e aranaki b'a te Maunga are Obera. Ao e anganiia naba taian aobitia n te taanga ni buaka tib'angaia n tatabemaniia nako b'a tararuakin taian kaawa aika a buubura ake a nonoaki i Iuta n tatabeua nako.