2.Rongorongo 32:25 - Te B'aib'ara

²⁵ Ma e rangi ni kamoamoa Etekia ao e rawa ni kaaitaua te UEA i bukin b'aai ni kabane ake e a tia ni karaoia nako ina. Ao aio are e karika unin te UEA, ao e katuaaea Etekia ma kaain Iuta ma Ierutarem.

2.Rongorongo 32:25 Iomraidhean Croise

2.Tamuera 24:1

Ao E un te UEA irouia Iteraera, ao e karekea ana iango Tawita b'a e raoiroi ngkana e wareki m'aitiia Iteraera ma Iuta.

2.Uea 14:10

Tao ko taku Amatia b'a ko a rangi ni korakora i bukina ngke ko a tia ni kataenikaia Etom. Waaki nako, karaoa ami bootaki ni kukurei. Ma ko na aki tiku n am auti. Ngkana iai te kakiriwe ae ko karaoia ao ko na kaai ni kamaunaaki ma abanueam are Iuta.

2.Uea 20:12

E a uea ngkai i aon B'aburon Merotaake Baratan, are natin Baratan te m'aane. Ao ngke e a ataia ae e a aoraki Etekia, ao e a kanakoa te tia uarongorongo ma te reta ao te b'aintangira nako ina.

2.Uea 20:13

E butim'aaia taan uarongorongo Etekia ao e kaoti nakoia taian tirewa ni kabane, ma koora ni kabane, boiarara ni kabane, ao taian b'a ake a mena n ana autinib'ai. Ao e boni kaota naba nakoia te tabo are e kaawakin iai ana b'ai ni buaka. Bon akea te b'ai teuana n ana bareti ao n abanueana ae e karabaa nakoia.

1.Rongorongo 21:1

Ao e iangoia Taatan b'a e na karekea te kangaanga nako ia Iteraera ngke e karika Tawita b'a e na iangoia b'a te iango ae e raoiroi kakaean m'aitiia aomatan Iteraera ma Iuta.

2.Rongorongo 19:2

Ma e kaaitibo ma te burabeti are Ieu are natin Anani te m'aane i aon kawaina ao e taku Ieu nako ina: Ngkai ko buoka te aomata ae e buakaka are Aaba, ao ko a tia n iraorao ma te aomata ae e ririiba te UEA. Ao ngkai, e un te UEA iroum!

2.Rongorongo 24:18

Ni bon te tai arei, ao a katoka taromauriia n ana Tembora te UEA ae te Atua kaain Iuta, ao a moana taromauriaia taian bouannanti ao bannan te anti are Nei Atera. Aikai m'akuri aika a buakaka aika e rangi n un iai te UEA ae te Atua irouia kaain Iuta ao Ierutarem,

2.Rongorongo 25:19

Amatia, tao ko taku ngkai b'a ko a rangi ni korakora i bukina ngke ko kataenikaiia Etom. Ma ko riai ni karauko ni mwengam ni booa am baka ni kukurei. Ngkana ko karaoa te kamwebuaka, ao ko na kaai ni kamaunaaki ngkoe ma abanueam ane Iuta.

2.Rongorongo 26:16

Ao e a rangi ni kamoamoa Utia i bukin m'aakana, ao aei ae e karekea b'akana. N te bong teuana, ao e a aki ongotaeka Utia nakon te UEA ae Atuana ngke e nako n rin te Tembora ao e kabuoka te b'ai ni kaboiarara b'a te angab'ai nako ina.

2.Rongorongo 32:31

E ngae ngke a kanakoia aia taan uarongorongo taan kairiiri mai B'aburon b'a a na titirakina Etekia ana kanikina te UEA are e anganna, ao te Atua, e kariaia Etekia b'a e na anga are bon ana reke b'a e na tuoa ao n noora ana kakaonimaki.

Itaia 39:1

E a uea ngkai te m'aane ae Merotaake Baratan i aoni B'aburon. Ao ngke e ataia ae e a marurung Etekia, ao e a kanakoa ana tia uarongorongo ma taian reta ao taiani b'aintangira nakoina.

Itaia 39:2

Ao e butim'aea te tia uarongorongo Etekia, ao e kaoti nako ina ni kabane taian tirewa, koora, taiani b'ai ni kaboiarara, ao taiani b'aa ake i nanon ana auti. E bon kaoti naba nako ina taabo ike e kaawakin iai taiani b'ai ni buaka. Bon akea te tabo teuana n ana bareti ke i nanon abanueana ae e karabaa mairouia.

Etekiera 28:17

Kainikatonga n raoiroin taraam, ao e tanoata taekam b'a ko a moanna n tei ni baba. Ao bon anne bukina ngkai I kab'akako nako aon te tano ma ni kariaia uea tabem'aang b'a a na kakanikoko.

Etekiera 28:2

Etekiera ae natin te aomata, ko na tuanga uean Turo au taeka ae e kaangai: Ko rangi ni kainikatonga b'a ko iangoia b'a te atua ngkoe ao am kaintokanuea te kaawa ae Turo. Ane ko na taekinna b'a te atua ngkoe, ngke bon te aomata ngkoe.

Etekiera 28:5

Bon te tia karikirake ngkoe ae e rabakau ao te kabanea ni kaub'ai ngkoe, ma a tia ni kairiko kaub'aim nakon te kainikatonga!

Etekiera 31:10

Uean Aikubita, kakauongo ngkai nakon te b'ai ae I taekinna Ngai ae te UEA ae te Atua, i bukin te aroka anne: E rikirake n rietaata te kai anne n roota karawa ao e rikirake ni kamoamoa ma ni kainikatonga.

Taniera 11:12

E na rangi ni kamoamoa i bukin ana tokanikai, ao i bukiia tautia aika a m'aiti ake e a tia naba n tiringaki i rouna, ma e na bon aki teimatoa ana tokanikai

Taniera 5:20

Ma i bukina ngke e a manga kainikatonga ma n taningabono, ao n tiritiri, ao e a kam'awaki man ana kaintokanuea ao e bua nnena ni karineaki.

Taniera 5:23

Ko kakaitaraa UEAN karawa ngke ko uoti m'angko, ma taiani boora ake a anaaki man ana Tembora. Ao ko mooi mai iai ngkoe ma am taani iango, ma buum, ao buum ni kewe, ao kam kamoamoaia anti ake a karaoaki man taiani koora, tirewa, buraati, biiti, taiani kai, ao atiibu, anti aika a aki noraaba ao a aki konaa naba ni kakauongo, ao a bon aki ataa te b'ai teuana. Ao kam aki karinea te Atua ae e mena maiumi i nanoni baina, ao E bairei b'aai ni kabane aika kam karaoi.

Otea 14:2

Rairaki nakon te UEA ao kaangai, “Taiaoka ni kab'arai ara bure. Butim'aai ara karea aika a raoiroi i bukin ara nebo n onea mwiin taian kaom'aane.

Ab'akuka 2:4

Ao aio te rongorongo, “Ana bon aki tiku ni maiu aika a buakaka, ma aika a raoiroi ana bon maiu i bukin aia kakaonimaki nakon te Atua.”

2.I-Korinto 12:7

Ao i bukini kaotioti aika kamimii aroia ake I nori. Ma ngaia aei, i bukina b'a I kawa n rangi ni kamoamoaai, ao I a anganaki te bae e maraki iai rab'atau, are e m'akuri b'a ana anera Tatan i bukin oreau ao tukau b'a N na aki rangi ni kamoamoa.

Te Tua-Kaua 32:6

Bon te UEA tamami, Iteraera, are E boni karikingkami, ma kam kabooa mwiin karikami ni m'akuri ni baba.

Te Tua-Kaua 8:17

Ngkana kam tetekeraoi, ao kam na aki kaangai, I a kaub'ai, I boni karekei ni korakorau.

1.Timoteo 3:6

E riai n ikawai i nanon te onimaki, b'a e kaawa ni kaonaki nanona n te kainikatonga ao e motikaki taekana ni karawaawataaki, n aron te riaboro.