2.Rongorongo 32:1 - Te B'aib'ara

¹ I mwiin ana kakaonimaki Etekia n ongotaeka nakon ana tua te UEA ni karaoan baikai, ao e a buakana Iuta uean Aturia are Tennakeriba. E buakan kaawa aika a nonoaki aika a buubura ao e iangoia b'a a na reke i rouna ni kabane.

2.Rongorongo 32:1 Iomraidhean Croise

2.Uea 15:19

Inanon ana tai ni uea Menaem, ao e buakana Iteraera uean Aturia are Tikerata Biretia. E kariaia buokakin Menaem ni kabutaa abanueana, ngkana e na kab'aka Menaem nako ina e raka i aon 30 te tan te tirewa.

2.Uea 17:6

i m'aain are e a reke i rouna n ana karuaiwa n ririki ni uea Otea. E uotiia nako Iteraera uean Aturia b'a buure. E kairoroia tabeman mai buakoia b'a a na maeka n te kaawa are Ara, ao tabeman b'a a na maeka i rarikin Karaangan Abora n te aba are Kotan, ao ake tabeman b'a a na maeka ni kaawa ake a maeka naba iai kaain Miria.

2.Uea 18:11

E kairiia Iteraera uean Aturia b'a taenikai, ao e kairoroia tabeman mai buakoia b'a a na maeka n te kaawa are Ara, ao tabeman b'a a na maeka i rarikin te Karaanga are Tabora n te aba are Kotan, ao ake tabeman naba b'a a na maeka ni kaawa ike a maeka iai kaain Miria.

2.Uea 19:19

Ma boni ngkoe ara UEA ao Atuara. Ti bubutiiko b'a ko na kamaiura mairoun uean Aturia. Ao ane a na ataiko iai aomata n taian abanuea ni kabane n te aonnaba ae bon ti ngkoe te Atua.

2.Rongorongo 32:2

Ao ngke e ataia Etekia ae e baaireia Tennakeriba b'a e na buakana Ierutarem,

2.Rongorongo 35:20

Tabeua te tai i mwiina, ao e a kairiia ana taanga ni buaka uean Aikubita are Neko nakon te kaawa ae e buubura are Karekemiti n te karaanga are Iuberetiti. Ao e kairiia ana taanga ni buaka Iotia nakoiang ni kawara ana taanga ni buaka Aikubita.

Itaia 10:32

A na kaemb'a n te bong aei kairiribai i Nobi ao a ioioi aia timoi n oro nakon te Maunga are Tion i nanon Ierutarem.

Itaia 36:1

E a tia ni uea Tetekia i aon Iuta i nanon tebwi ma aua te ririki ngke e buakana te aba ma kaawana aika a nonoaki uean Aturia are Tennakeriba

Itaia 37:37

Ao i mwiin anne, ao e a oki te uea are Tennakeriba nako Aturia ao e maeka n te kaawa are e buubura are Ninewe.

Otea 11:5

Ma a onimakina Aikubita ao a aki kan okirai; ao ngkai a na tautaekanaki iroun Aturia.

Mika 2:13

E na kauka te kawai nakoia te UEA, ao E na kaotinakoia man te kataenikaiaki. A na otinako man mataroan te kaawa, ao a na kainaomataaki. E na kairiia ni kaotinakoia aia King ae bon te UEA n ti ngaia.