2.Rongorongo 30:6 - Te B'aib'ara

⁶ E m'ananga ni kabutai taabo nako ana tia ua rongorongo Etekia i aon Iteraera ao Iuta ma taian reta aika a kaangai kanoaia: Kaain Iteraera, ngkai e reke maiumi man aia buaka uean Aturia, e a roko te tai ae kam a riai n tanrikaaki iai nakon te UEA ae te Atua are e taataromauriaki irouia ara bakatibu ake Aberaam, Itaaka, ao Iakob'a. E na toki unna ngkana kam karaoa aei.

2.Rongorongo 30:6 Iomraidhean Croise

1.Uea 18:36

Ao ngke e a bo tain te angakarea n te tairiki, ao e tataro Eria ni kaangai: Ara UEA, Boni ngkoe Atuan Aberaam, Itaaka, ao Iteraera. Ko na kaotia raoi b'a boni ngkoe Atuan te botannaomata aei, ao ngai ae am toro I boni karaoa aei n am babaaire.

2.Uea 15:19

Inanon ana tai ni uea Menaem, ao e buakana Iteraera uean Aturia are Tikerata Biretia. E kariaia buokakin Menaem ni kabutaa abanueana, ngkana e na kab'aka Menaem nako ina e raka i aon 30 te tan te tirewa.

2.Uea 15:29

E m'ananga uean Aturia are Tikeraka Biretia ni buakana Iteraera i nanon ana tai n tautaeka Bika. E taui aaba ake i Kireata ao Kariraia, n ikotaki ma te kaawa are Iion are Abera Betamaaka, Ianoa, Kateti, ao Atora, ao ai uana naba ma te aba are Nabetari. I mwiina, e anaiia Iteraera man taabo aikai ao e uotiia nako Aturia b'a taenikai.

1.Rongorongo 29:18

Karaoira b'a ti na kan angaanga, ao buokiira b'a ti na kakaonimaki nakoim, n ai aroia ara bakatibu ake Aberaam, Itaaka, ao Iakob'a ake a kakaonimaki n taromauriiko.

1.Rongorongo 5:26

Ma ngaia are, E kanakoa uean Aturia are Tikeraka Birenetera te Atua b'a e na buakaniia barongan Iteraera aikai. E kairiia nako te uea b'a taenikai nako Aturia, ao man n te tai anne are e a kairoroia iai b'a a na maeka i Aba, Abora, Ara, ao i rarikin te Karaanga are Kotan.

2.Rongorongo 28:20

Ma ngaia are, e a roko Tikerata Biretera nako Iuta, ma e aki buokia b'a e a karawaawataa riki.

Etita 3:13

A anaa te reta arei taan uarongorongo, ao a biri nako n nikiri n aban nako te tautaeka arei. Kanoan te reta arei bon taekaia taian I-Iutaia ni kabane; aika a uarereke ma kaara, aine ma ataei b'a a na bane n tiringaki n te bong ae ti te bongina ae te katebwi ma tenua ni bongin te nam'akaina are Ata. A na bane n tiringaki n aki manga nanoangaaki teutana, ao a na anaaki aia b'ai ni kabane.

Etita 8:14

Ao e tuangiia taan uarongorongo te uea b'a a na tokari ana aoti te uea ma ni kabane biriia. E katanoataaki naba te moti arei i Tutian, are atuun kaawan te tautaeka.

Iobi 9:25

A waekoa ni birinako au bong, ao bon akea teuana mai buakoia ae raoiroi.

Itaia 1:9

E na riai n tia ni mauna nako Tion kaanga Tootom ma Komora,

Itaia 6:13

E ngae ngkana ti teuana te katebwina aomata n tiku, N na bon tiringiia naba. A na riki b'a kaanga boton kaai aika a tia ni koreaki ni kab'akaaki, A na tiku tabeman au aomata aika a rineaki.

Ieremia 29:1

Ao I korea te reta nako ia ibonga, burabeti, taani kairiiri irouia aomata, ao nako ia ni kabane ake a uotaki nako b'a taenikai i roun Nebukaneta mai Ierutarem nako B'aburon.

Ieremia 3:14

Bon ataei ngkami aika kam aki kakaonimaki, ma bon au b'ai ngkami. Okira mwengami! N na anaa temanna ke uoman man ami kaawa n tatabeua nako ao ami kaainga ao N na uotiia nako Tion.

Ieremia 4:1

E taku te UEA: Ngkana kam bon tangiria n oki nako iu, ao iangoi aroia taian bouananti aika a ribaaki aikai.

Ieremia 51:31

A roko taan uarongorongo temanna i mwiin temanna ni katanoataa nakon te uea ae e kaangai, “E a tia n tauaki B'aburon!

B'aeb'aeti 3:40

Ti bon riai ni taratarai maiura, ao n okira te UEA.

B'aeb'aeti 5:21

Ko na kaokiira nakoim te UEA! Ko na kaokiira! Manga kaoki kakannatora ake ngkoa.

Etekiera 33:11

Ko na tuangiia b'a ngkai I bon maiu Ngai ae te UEA ae Atuam ao I bon aki kariaia b'a N tarataraia aomata aika a buakaka ngkana a mate. I tangiria b'a a na rairaki man aia bure ma ni maiu. Ma ngaia ae ngkana a tangiria ni maiu Iteraera, ao a riai ni katoka karaoan te bure ma n rairaki nako iu.

Otea 14:1

Iteraera, rairaki! Oki rikaaki nakon te UEA, ae Atuam. E a tia ni kab'akako te bure.

Otea 6:1

Ti a okira te UEA. E a tia n raeraeira ni kauarerekeira, ma E na kabaei ikoakira ao E na manga kamarurungiira.

Tekaria 1:3

Ma ngkana kam okirai, ao N na rairaki ni buokingkami.

Tekaria 1:4

Kam na aki taningabono n aroia ami bakatibu. A kauringaki irouia burabeti ake mai m'aaina b'a a na kaaki aia m'akuri aika a buakaka ma n okirai, ma a bon aki kan tabe.

Iakobo 4:8

Kam na kaania te Atua, ao ane E na kaaningkami. Kam na kaitiaki baimi, ngkami aika taani bure; ao kam na kaitiaki nanomi, ngkami akana kam nanououa.