2.Rongorongo 30:5 - Te B'aib'ara

⁵ A bane ni kaoaki aomata nako ni moa mai Beera Teba i maiaki nako Taan i meang. Ai tib'a aio te kabanea ni korakora iai m'aitiia aomata aika a bukamarua te Toa are te Riao, n aron are e tauaki mwiina n te rongorongo ae e eti.

2.Rongorongo 30:5 Iomraidhean Croise

Karikani B'aai 21:14

Ao n te moaningabong are n te bong are i mwiina, ao Aberaam e angan Nei Aka tabeua te am'arake, ao te kun ni man ae on n te ran. Ao Aberaam e katokaa te ataei i nukan neierei, ao e a kanakoia. Ao e m'ananga nako neierei n tiotio nako i nanon te Rereua are Beerateb'a.

2.Rongorongo 24:9

Ao i mwiina, e kanakoa ana reta ni kabuta aon Iuta ma Ierutarem, ni buubutiia aomata ni kabane b'a a na uoti aia ronrab'ata nakon te Tembora, n aron are e tangiria naba ngkoa Moote b'a a na karaoia aia bakatibu.

2.Rongorongo 30:4

Ao e kanakoa ana rongorongo Etekia nakoia aomata ni kabane i aon Iteraera ao Iuta, n reitaki naba ma ake a mena n te aba are Eberaim ao Manate Maeao ni kaoiia nakon te Tembora i Ierutarem i bukin bukamaruan te Toa are te Riao i bukin karinean te UEA ae Atuan Iteraera.

2.Rongorongo 35:18

A bane n roko ikekei aomata mai Ierutarem ao mani kaawan nako Iuta ao Iteraera. E tuai man karaoaki te Toa are te Riao ae ai aron aei mangkoa man ana tai Tamuera are te burabeti. Ni koauana, ao bon aei te kabanea ni buubura ni bootaki i bukin te Toa are te Riao n rongorongon Iteraera!

2.Rongorongo 36:22

N ana moan ririki Tairati ni uea i aon Botia, ao te UEA e karaoa Tairati b'a e na kanakoa ana rongorongo nakon m'akoron abanueana ni kabane. E riki aei n aron are e a tia ni berita iai Ieremia are ana burabeti te UEA.

Taniera 6:8

Ma ngaia ae ko na karaoa te tua aei te uea, ao ko na tiainaia, ao e na kamatoaki ni kaangai, aia tua kaain Miria ma kaain Bootia ae e aki kona ni bitaki.”

Nakoaia Ibonga 23:2

b'a e na tuangiia Iteraera ni kaangai: I a tia n rinei taai i bukimi b'a kam na bootaki n taromauriai.

Nakoaia Ibonga 23:4

Tataekin tooa aikai n taia.

1.I-Korinto 11:2

I kamoamoaingkami, ngkai kam ururing baike I karaoi ao I reireiningkami iai, ao ngkai kam iri nanon taeka n reirei ake I a tia n anganingkami.

Te Tua-Kaua 12:32

Ongotaeka nakon taian tua ma reirei aika I anganingkami. Tai manga karakai riki tabeua nakon aikai, ao tai kaaki naba tabeua man aikai.

Tani Motiki-taeka 20:1

Ao a tewea boowin aia botannaomata Iteraera. Ao a karaoa aia kabowi n te tabo n taromauri are i Mitib'a i bukina ngke bon ana Aomata te Atua ngaiia. Ao a bane n roko m'aane aika a tau nakon te nakoa n tautia mai aon Iteraera ni kabane--mai Taan i meang, Beerateb'a i maiaki, ao Kireata i mainikun te Ioretan. 400,000 taiani m'aane ake a roko i Mitib'a, ao a bane n ti te bo aia namakin n aia m'akuri kaain te baronga are Beniamin. Ao e roko rongorongon te kabowi arei irouia kaain te baronga are Beniamin. Ao n te tai are a roko iai n aia tabo taani kairiiri man taiani baronga nako, ao a taku Iteraera, E kanga n riki te aro aei?