2.Rongorongo 28:5 - Te B'aib'ara

⁵ A bure ao a tannako mairoun te UEA ae te Atua are e taataromauriaki irouia aia bakatibu Aati ma kaain Iuta. Ma ngaia are, e katuuaia te UEA ni kataenikaiia irouia aia kairiribai.

2.Rongorongo 28:5 Iomraidhean Croise

2.Rongorongo 24:24

E rangi ni uarereke ana taanga ni buaka Aturia, ma e karaoia te UEA b'a e na konaaki ana taanga ni buaka Iuta ae moan te korakora irouia, i bukina ngke E katuaaea Ioati ao kaain Iuta ngke a tannako mai rouna.

2.Rongorongo 29:9

A aki ti tiringaki ara bakatibu n taian buaka, ma a bon uotaki nako naba ara ataei ma buura b'a taian taenikai.

2.Rongorongo 33:11

Ma ngaia are, e kanakoa ana taanga ni buaka Aturia ni buakana Iuta ma n taua Manate. A kanim'a te matau i b'airina, ao a kabaea n taian taurekereke, ao a uotia nako B'aburon.

2.Rongorongo 36:17

Ao e kanakoa uean B'aburon are Nebukaneta te UEA b'a e na buakana Ierutarem. Ao Nebukaneta, e tiringiia rorobuaka n ataei ake n te Tembora, ao bon akea nanoangaan temanna i rouna, e ngae ngke te m'aane ke aine, te ataei ke te kara. E karaoia te Atua b'a e na tiringiia aomata ni kabane n te kaawa are e buubura arei.

2.Rongorongo 36:5

Ai uabwi ma nimaua ana ririki ni maiu Ieoiakim ngke e rineaki b'a te uea, ao e tautaeka i nanon tebwi ma teuana te ririki mai Ierutarem. E aki ongotaeka Ieoiakim iroun te UEA ae Atuana ngke e karaoi m'akuri aika a buakaka.

Itaia 7:1

Aati bon natin Iotam ao tibun Utia te m'aane, bon te uea i aon Iuta ngke a m'ananga uean Turia are Retin ao Bika are natin Remaria te m'aane are Uean Iteraera b'a a na buakana Ierutarem. Ma e aki koro bukin aia iango.

Itaia 7:6

ngkai a na eekaanako man taua Iuta ao Ierutarem b'a a na karika natin Tabeera b'a e na manga uea i mwiina.

Etekiera 16:57

B'a a bane ngkai aomata n ataa arom ae e buakaka. A ribaiko aaba aika Turia ao Biritia, ao ai uana naba ma kaain rarikim ake tekorakina, ao a karaoi taekam aika a kamamaa.

Tani Motiki-taeka 2:14

irouia Iteraera n te aro are E a kanakoia botannaomata tabeua ni buakaniia ma ni kimoai arokaia ma aia b'ai riki tabeua. A mena kairiribai n taabo ni kabane, ao E bon kairiia te UEA b'a a na kataenikaia Iteraera n te buaka. E a kaman kauringiia Iteraera b'a E na boni karaoa te aro aei, ao ngkai a taonaki n te kaangaanga Iteraera.