2.Rongorongo 26:7 - Te B'aib'ara

⁷ E buokia te Atua ni kataenikaiia kaain Biritia, kaain Arabia ake a maeka i Kura-B'aara, ao kaain Meun.

2.Rongorongo 26:7 Iomraidhean Croise

1.Rongorongo 12:18

Ao Amatai are temanna mai buakoia m'aane akekei are e a manga riki b'a te tia kairiiri irouia Taani Buaka ake Teningaun, e kawara Tawita. E niniaki n Tamnein te Atua, ao e taku, “Ti na raoningkami, Tawita ae natin Iete! Ko na tetekeraoi ngkoe ma raom, b'a E buaka te UEA man ami itera.” Ma ngaia are, e kariaia Tawita b'a a na tiku i rarikiia, ao e anganiia tib'angaia b'a taan tararuaia tautia ake a na niniia aia kaawa irouia aia kairiribai.

1.Rongorongo 4:41

ma ngke e uea ngkoa Etekia i aon Iuta, ao a buakanaki kaain Am ma kaain Meun ma ni kanakoaki irouia kaain te baronga are Timeon man te aba, ao a tekateka ikekei.

1.Rongorongo 5:20

Ni katoa nako ia tautia aikai ni buakaniia aia kairiribai, ao a aki toki n taatataro nakon te Atua ma n onimakinna b'a E na buokiia. Ao bon anne bukin totokanikaia baronga aika Reuben, Kata, ao Manate Mainiku i aoia kaain Akera ma taani buokiia.

1.Rongorongo 5:22

A m'aiti kaain Akera ake a mate i nanon tain te buaka, i bukina ngke E buaka te Atua ni kaaitaraia. A maeka kaain te baronga are Reuben, Kata, ao Manate i Mainiku n te aba arei ni karokoa te tai are a manga uotakinako iai b'a taenikai nako Aturia.

2.Rongorongo 14:10

E kaaitibo ma Ata ikekei, ao a katauraoi nakon te buaka taanga ni buaka aika uoua aikai n te M'arua are Tebata.

2.Rongorongo 14:11

E tataro Ata ao e taku: Te UEA ae te Atua, bon ti ngkoe ae ko konaa ni buoka te taanga ni buaka ae akea korakorana ma ni katokanikaia i aon ae korakora. Ma ngaia ae, ti onimakinna b'a ko na buokiira. Ti na buakana te taanga ni buaka ae korakora aei i bukin neboan aram, ao ti ataia b'a ko bon aki konaa ni konaaki. Bon te UEA ae Atuara ngkoe.

2.Rongorongo 17:11

Ao kaain Biritia, a uoti taian tirewa ao b'aintangira riki tabeua i bukin karekean te raoi. Tabeman kaain Arabia, a uoti itiua te ngaa itibubua taian tiibu m'aane ao taian kooti naba aika ti te bo m'aitiia.

2.Rongorongo 20:1

Tabeua te tai i mwiina, ao a bootaki taian taanga ni buaka mai Moaba, Ammon, n reitaki ma kaain Meun, ao a nako ni buakana Ieotiab'ata.

2.Rongorongo 21:16

Rimwi riki, ao te UEA e karaoia kaain Biritia ma kaain Arabia ake a maeka i rarikiia kaain Itiobia b'a a na un iroun Ioram.

2.Rongorongo 25:8

b'a ane e na karaoia b'a kam na konaaki irouia ami kairiribai, e ngae ngkana kam kakorakoraingkami ni buaka. Boni Ngaia ae e kareerekea te tokanikai ao te konaaki.”

Taian Areru 18:29

Ko anganai te korakora ni buakaniia aiau, ao te kona n tam'arakea nonon aia kaawa.

Itaia 14:29

Kam na aki kukurei kaain Biritia ti i bukina ngkai e a uruaki te kai are kam oreaki iai. E na manga riki te kai b'a te naeta ae moan te boitin, ao i mwiina, e a manga riki b'a te raakon ae te ai rab'atana ae e kibakiba.

M'akuri 26:22

Ma E a tia te Atua ni buobuokai ni karokoa te bong aei, ao ngaia ae I a tei iai ngkai n taetae nakoia akana mangori ma akana kakannato, n akea te bae I karakaa n taekinna i rarikin ti aia taeka burabeti ma Mote i bukini baika na roko: