2.Rongorongo 26:6 - Te B'aib'ara

⁶ Ngke e uea Utia, ao e waakina te buaka ni kaitaraia kaain Biritia. E urui oon taiani kaawa aika a buubura ake Kata, Iabene, ao Atota, ao e a manga karaoi taiani kaawa ake i rarikin Atirota ao ni m'akoron Biritia ake tabeua.

2.Rongorongo 26:6 Iomraidhean Croise

2.Tamuera 8:1

Tabeua te tai i mwiina, e buakana Biritia Tawita ma ni kataenikaiia raoi. E a inaomata ngkai Iteraera man tautaekanakiia irouia.

1.Rongorongo 18:1

Tabeua te tai rimwi, ao Tawita e buakaniia kaain Biritia mani kataenikaiia. E taua aia kaawa are Kate ao kaawa ake a uarereke i rarikina nako.

2.Rongorongo 11:8

Kata, Maretia, Tiba,

2.Rongorongo 21:16

Rimwi riki, ao te UEA e karaoia kaain Biritia ma kaain Arabia ake a maeka i rarikiia kaain Itiobia b'a a na un iroun Ioram.

Itaia 14:29

Kam na aki kukurei kaain Biritia ti i bukina ngkai e a uruaki te kai are kam oreaki iai. E na manga riki te kai b'a te naeta ae moan te boitin, ao i mwiina, e a manga riki b'a te raakon ae te ai rab'atana ae e kibakiba.

Itaia 20:1

Ao e anga ana taeka Uean Aturia are Tarekon nakon ana mataniwi n taanga ni buaka b'a e na tauaki te kaawa ae e buubura are Atetota.

Amota 1:8

N na kam'aeia nako taan tautaeka n te kaawa ae Atitota ao Atikeron. N na orea te kaawa ae Ekeron, ao nikiraia I-Biritia ake a maiu ana bane ni mate.”

Amota 6:2

Noora te kaawa are Karene. Noora naba te kaawa ae ab'ab'aki are Amata, ao ruorikaaki n noora naba aia kaawa I-Biritia are Kate: a bon aki roota tamaroan aaba n uea aika Iuta ma Iteraera, a aki roota naba rababan tiaia.

Iotua 15:11

E a manga birinako te tia nakoni maunga ake i meangin Ekiron, ao e a manga b'aoua ni kaitaraa Tikeron, ri rarikin te maunga are B'aara, ni manga biri nako Timna ao e toki n taari are te Mereterenian,

Iotua 15:47

Ao taian kaawa naba ake Atitota ma Kata ma kaawaia nako aika a uarereke, ma taian maeka i rarikina nako ni karokoa te karaanga are tian Aikubita ao taian kaawa ake i mataniwiin taari are te Mereterenian.

1.Tamuera 5:1

Ao a anaa te Atiniberita kaain Biritia i rarikin Ebenetera nakon te kaawa are Atitota.

1.Tamuera 5:6

Ao E karaoi kangaanga aika m'aiti te UEA nakoia kaain Atitota ma kaain rarikiia. E kariki taian kinaka aika wawarebwe i aon rab'ataia, ao a bane ni maaku aomata.