2.Rongorongo 26:5 - Te B'aib'ara

⁵ Ana tia iango Utia bon Tekaria are e reireinna te ongotaeka iroun te Atua. Ai ngaia are, ngke e maiu Tekaria ao e kakaonimaki Utia nakon te Atua, ao e karaoia te Atua b'a e na tetekeraoi.

2.Rongorongo 26:5 Iomraidhean Croise

Karikani B'aai 41:15

Ao e taku te uea nako ina, “I a tia ni mii, ao bon akea temanna ae kona ni kab'ara nanona. Ao I kaongoaki b'a ko kona ni kab'ara nanon taiani mii.”

Karikani B'aai 41:38

ao e taku nakoia, “Bon akea riki te aomata ae e raoiroi ae ti kona ni kunea i rarikin Ioteb'a, te aomata ae e mena Tamnein te Atua i rouna.”

2.Uea 15:34

E katotoonga tamana te uea are Iotam b'a e ongotaeka iroun te UEA ni kakaraoa ae e raoiroi.

1.Rongorongo 22:11

Toromon, natiu te m'aane, I tataro ngkai b'a E na memena iroum n taai nako te UEA ae Atuam ma ni kaawakina ana berita ni buokiko ni katea te Tembora i bukina.

1.Rongorongo 22:13

Ngkana ko ira nanon Ana tua nako ma ana reirei ake E a tia te UEA n angan Moote, ao ko na bon tetekeraoi. Ko na korakora ao ko na ninikoria ao e na aki b'ab'ara nanom ke ni maaku ni b'aai nako.

2.Rongorongo 14:6

E kakab'aia Iuta te UEA n anga te rau ngke e uea Ata, ao n te tai anne, e nonoi kaawa aika a m'aiti Ata.

2.Rongorongo 15:2

Ao e nako Ataria n te tai ae e waekoa ni kawara Ata ao e taku: Ko na ongora irou, ngkoe te uea ae Ata ao ngkami aika kaain Iuta ao Beniamin. E na memena te UEA iroumi ma ni buokingkami, ngkana kam teimatoa n ongotaeka ma n taataromauriia. Ma ngkana kam aki ongotaeka i rouna, ao e na bon kiitaningkami.

2.Rongorongo 24:2

Ngke e bon maiu te ibonga are Ieoiata, ao e ongotaeka Ioati iroun te UEA ni karaoi baika a raoiroi.

2.Rongorongo 25:8

b'a ane e na karaoia b'a kam na konaaki irouia ami kairiribai, e ngae ngkana kam kakorakoraingkami ni buaka. Boni Ngaia ae e kareerekea te tokanikai ao te konaaki.”

2.Rongorongo 26:4

E ongotaeka iroun te UEA ni kaakaraoa ae e raoiroi, n aron are e a tia ni karaoia tamana are Amatia.

2.Rongorongo 27:6

E teimatoa ni kakaonimaki Iotam iroun te UEA are Atuana ao e tabe n rikirake b'a te uea ae korakora.

2.Rongorongo 29:1

Ai tib'a uabwi ma nimaua ana ririki ni maiu Etekia ngke e moana ueana i aon Iuta, ao e tautaeka i nanon uabwi ma ruaiwa te ririki mai Ierutarem. Aran tinana bon Nei Abiia are natin Tekaria te aine.

2.Rongorongo 32:30

Bon Etekia are e karaoa te kanare are e na konaa ni karokoa te ran nakon te kaawa ae buubura are Ierutarem man te koburake n ran are Kion. Ni koauana, ao b'aai ni kabane ake e karaoi a bane n nakoraoi!

Taian Areru 1:3

Ti te bo ma te kai are e tei i rarikin te tabo n ran: e maiureirei ao e kariki uaana n ana tai n uaa, ao e aki rai baana. A bane ni materaoi baike e karaoi.

Taniera 1:17

Ao te Atua E anganiia rorobuaka aika aman aikai te rabakau n atai nanon koroboki ma te wanawana. Ao n reitaki ma anne ao E angan Taniera te rabakau ni kab'ara nanon taiani kaotioti ma taiani mii.

Taniera 10:1

Te kaotioti nakon Taniera i rarikin te karaanga are Taikiriti i nanon ana katenua n ririki ni uea Tairati i aon Bootia, ao e roko te rongorongo iroun Taniera, are arana naba Beretetiata. E koaua te rongorongo ma boni moan te kangaanga ataakin nanona. Ao e kab'araaki nakoina n te kaotioti.

Taniera 2:19

Ao ni bon te tairiki naba arei, ao e a kaotaki nanon te mii arei nakon Taniera n te kaotioti, ao e neboa Atuani karawa ni kaangai,

Taniera 5:16

Ao ngkai, I a tia n ongo b'a ko kona ni kunei nanon baika a raba, ao ni kab'arai nanoia. Ngkana ko kona ni wareka te koroboki ma n tuangai nanona, ao e na katokaaki niiniiram are e uraro are b'ain te bareti, ma ni kabaeaki i roroam te m'ae ni karineaki are te tiein te koora, ao ko na riki b'a te kateniman ni m'aaka i nanon te abanuea.”

Otea 6:4

Kaain Iteraera ma Iuta, tera ae I konaa ni karaoia i bukimi? E a tia ni mauna nako tangirau iroumi e waekoa riki ni m'arua nakon te mabubu ke te aoi n otin taai.

M'akuri 20:30

ao ane a na kaoti aomata tem'angina mai buakomi ao a na atongi baika b'aoua, b'a a aonga ni katikiia ake a onimaki b'a raoia.

Iotua 1:7

Ko na korakora ma n ninikoria riki n toui mwiin tuua ni kabane ake e a tia n anganiko Au toro are Moote. Ngkana ko aki kaaki teuana mai i buakon tuua aikai ao e na bon iriiriko te tekeraoi n taabo nako ike ko nako iai.

Iotua 1:8

Ko na kakoaua raoi b'a e na riai ni wawarekaki bokin te tua n taai nako n tain te taromauri. Kamateb'aia te tua ni bong ao ni ngaina, ao kakaonimaki ni karaoi b'aai ni kabane akana a koreaki iai. Ao ko na bon kakab'aia ma n tekeraoi.