2.Rongorongo 26:15 - Te B'aib'ara

¹⁵ Iai tabeman ana taani m'akuri aika rarabakau ake a kunei karaoan taian mitiin ake a konaa ni katebe n taian kanoanikatebe ao taian atiibu aika a buubura. E katei baikai Utia i Ierutarem n ana taua n totoko ao ni koonan naba oon te kaawa are e buubura. E buoka Utia te Atua b'a e na rikirake man rikirake ni korakora, ao e a rangi n tanoata taekana ni kabuta te aonnaba.

2.Rongorongo 26:15 Iomraidhean Croise

2.Rongorongo 2:14

Bon Iteraera tinana man te baronga are Taan, ao tamana bon kaain Turo. E aki ti rabakau ni m'akuri ma te koora, te tirewa, te buraati, te biti, te atiibu, ao taiani kai, ma e boni konaa naba ni karaoi taiani kunnikai aika tokatoka mataia ao taian rinen aika a raoiroi. E konaa naba ni katotongi taiani banna ni kabane akana ko anganna b'a e na katotongi. E konaa naba ni buokiia am taani m'akuri ao koraki akana e kam'akuriia ni kabooia ngkoa tamam are Tawita.

2.Rongorongo 2:7

Kanakomai nako iu taani m'akuri aika a aki ti konab'ai ni karaobanna, ma a konaa naba ni m'akuri ma taiani koora, tirewa, buraati, ao taiani biti, ao ai uana naba ma karaoan taiani kunnikai aika a tokatoka mataia. Aomata akana ko na kanakomaia, a na m'akuri ikai i Iuta ao i Ierutarem b'a a na raoniia taani m'akuri aika a rabakau ake e a kaman kabooia ni kam'akuriia ngkoa tamau.

2.Rongorongo 26:14

E katoaia ana taanga ni buaka Utia n taian otanga, kainiwai, b'araia, barengaru, kainikatebe, ao taian atiibu i bukin te bana.

2.Rongorongo 26:16

Ao e a rangi ni kamoamoa Utia i bukin m'aakana, ao aei ae e karekea b'akana. N te bong teuana, ao e a aki ongotaeka Utia nakon te UEA ae Atuana ngke e nako n rin te Tembora ao e kabuoka te b'ai ni kaboiarara b'a te angab'ai nako ina.

Te Otinako 31:4

ma I a tia naba n anganna te wanawana are na karikia b'a te tia karaob'ai ngaia,

Itaia 29:14

Ma ngaia are, N na manga karaoi b'aai ake a katiaokiia ma ni kamimiia, ao N na kamaunai wanawanaia akana a taku b'a a rabakau ma n ataib'ai.”

Ab'akuka 1:5

Ao E taku te UEA nakoia Aomata, “Tarataraia botannaomata akana i rarikimi, ao kam na mimi ni baika kam noori. N nang karaoa te b'ai teuana ae kam na bon aki kakoaua ngkana kam ongo taekana.

Mataio 4:24

E taona Turia ni kabuta rongorongon Iesu, ao a bane n uotaki nako Ina aomata aika aoraki n aekan aoraki nako ma maraki, ao akana taniaki irouia taimonio, ma akana iai aorakin aia iango, ma akana aki kona te nakonako; ao E kamaiuia.

Te Tua-Kaua 20:20

Kam na bae kainanoa te kai i bukin karaoan te kaintam'arake, ao taian taua i bukin buokami n tam'arakei taian o ngkana kam na taui taiani kaawa. Ma kam na ti kamanenai taian kai akana kam atai b'a tiaki taiani kainam'arake.