2.Rongorongo 25:8 - Te B'aib'ara

⁸ b'a ane e na karaoia b'a kam na konaaki irouia ami kairiribai, e ngae ngkana kam kakorakoraingkami ni buaka. Boni Ngaia ae e kareerekea te tokanikai ao te konaaki.”

2.Rongorongo 25:8 Iomraidhean Croise

2.Rongorongo 1:12

Ma ngaia ae, N na kawanawanako man anganiko te ataib'ai. Ma N na bon karikiko naba b'a te aomata ae moan te kaub'ai mani kakannato riki nakoia uea ake mai m'aaim ao akana i mwiim.

2.Rongorongo 14:11

E tataro Ata ao e taku: Te UEA ae te Atua, bon ti ngkoe ae ko konaa ni buoka te taanga ni buaka ae akea korakorana ma ni katokanikaia i aon ae korakora. Ma ngaia ae, ti onimakinna b'a ko na buokiira. Ti na buakana te taanga ni buaka ae korakora aei i bukin neboan aram, ao ti ataia b'a ko bon aki konaa ni konaaki. Bon te UEA ae Atuara ngkoe.

2.Rongorongo 18:14

Ao e m'ananga Mikaia nakon Aaba, ao e titirakin Aaba ni kaangai, “Mikaia, ti na buakana Ramota ke ti na aki?” Ao e kaeka Mikaia, “Eng, E na buokiko te UEA n taua te kaawa ane e buubura anne.”

2.Rongorongo 20:6

ao e tataro: Ngkoe ae te UEA ae te Atua are a taataromauriia ara bakatibu, ao ko tautaekaniia botannaomata ni kabaneia aika i aonnaba mai karawa. Ko bon rangi ni m'aaka n te aro are bon akea ae e konaa ni kataenikaiko.

2.Rongorongo 26:7

E buokia te Atua ni kataenikaiia kaain Biritia, kaain Arabia ake a maeka i Kura-B'aara, ao kaain Meun.

Iobi 5:18

E bauti taian ikoaki te Atua ake bon mwiina; E kaikoakiko baina, ao E kamaiuko naba baina.

Iobi 9:13

E teimatoa unin te Atua, ao E kamanatuaia Ana kairiribai ake a buoka Raaba, are manin taari ae kakamaaku, are e aki toki ni kakaitaraa te Atua.

Taian Areru 20:7

Tem'angina a onimakin aia kaanibuaka, ao tem'angina aia aoti, ma ngaira, ti onimakina m'aakan te UEA ae Atuara.

Taian Areru 24:1

Bon ana b'ai te UEA aaba nako, ma kanoaia; te aonnaba ma ake a maeka iai.

Taian Areru 33:10

E uru aia iango botannaomata te UEA ake a tia ni bairei b'a a na karaoi, Ao E tukiia b'a a na aki kakoroi bukiia.

Taian Areru 33:16

E aki tokanikai te uea i bukina b'a e korakora ana taanga ni buaka; Ao e aki tokanikai te tautia i bukini korakorana.

Taian Areru 62:11

E raka i aon teuana au tai n ongo ana taeka te Atua, ngke E taetae ni kaangai, “I m'aaka,”

Taian Areru 89:43

Ko kakeai bonganan ana b'ai ni buaka, Ao Ko aki katokanikaia n te buaka.

Taeka n Rabakau 10:22

Ngkana e kakab'aiaingkami te UEA n taiani kaub'ai, ao bon akea te b'ai ae kam na raraomaeakinna.

Te Minita 11:9

Ko riai ni kukurei ma ni kim'areirei n te maiu aei ngkai ko rikirake! Karaoa ae ko tangiria, ao kakaaea te kukurei n te b'ai ae ko nooria. Ma ko na tai m'aninga ae E na motika taekam te Atua ni b'aai ni kabane aika ko karaoi.

Te Minita 9:11

Ao aikai b'aai riki tabeua aika I a tia n noori i aan taai: Aika birim'aaka ao aomata aika a ninikoria a aki tootokanikai n taai nako n te kabobirim'aka ao te buaka. Te wanawana, ni ikotaki ma te niniwana ao te ataib'ai a aki anganiko te marurung n taai nako, te kaub'ai, ke tanoatan taekam. Ti bane n toa n te tekebuaka.

Akai 2:8

Au b'ai taian tirewa ao taian koora,

Mataio 26:45

E okiria ngkanne ana reirei, ao E taku nako ia, “Ae kam boni matu naba ao kam motirawa? Noria, e a kaan te aoa are E na kam'aneaki iai Natin te Aomata nako nanoni baiia aomata aika buakaka.

Te Tua-Kaua 8:18

Ma, kam na uringa te UEA ae Atuami are anganingkami te marurung i bukin karekean maiumi. Ao anne arona ni kaawakin ana Berita nakoia ami bakatibu.

I-Biribi 4:19

Ao Atuau, E na anganingkami b'aai ni kabane aika a kai nanomi iai mani kaub'aina ae bati irouni Kristo Iesu.

Tani Motiki-taeka 7:7

Ao E taku te UEA, “Kiteon, ko na anaiia aomata ake a itiia te ran ni baiia ma n newenewe ni mooi mai iai. Ao kaokiia akana nikiraia nakoni mwengaia. N na buokiko ni kamaiuia Iteraera, ao ni buokiia naba te taanga ni buaka are 300 m'aitiia ni kataenikaiia kaain Miiria.”

1.Tamuera 14:6

Ao a tabe n taetae ni kawai Ionatan ma ana tautia ngke a m'ananga nakon aia kaemb'a kaain Biritia ao a taku, “Bon ti ngaira uoman ni kaaitaraia m'aane aika akea atuaia aikai,” Ao e taku Ionatan, “Ma E kona te UEA ni buokiia tautia aika ti tabeman n tokanikai n te buaka n aron naba ae bon akea kangaangan buokaia te taanga ni buaka ae b'anin i Rouna. E na mena ngkoa ao e na buokiira te UEA n te buaka aei.”