2.Rongorongo 25:5 - Te B'aib'ara

⁵ Ao e kanakoa ana rongorongo Amatia nakon taiani kaainga ake Iuta ma Beniamin ma ni bootia m'aane ni kabane man te ririki ae uabwi ni waerake. A m'ananga tenibubua te ngaa te m'aane nako Ierutarem, ao a bane n tauraoi ni kabane nakon te buaka ao a konab'ai ni buaka ma te kainiwai ao te otanga. E bwenauaia tautia Amatia aikai nakon aia kaainga nako ao e katannakoia i aan aia kairiiri aia aobitia.

2.Rongorongo 25:5 Iomraidhean Croise

1.Rongorongo 13:1

I mwiin tabeua te tai, ao e maroroo Tawita ma mataniwiin ana taanga ni buaka,

1.Rongorongo 27:1

Ni katoa teuana te nam'akaina, ao iai te koraki ni m'aane aika uabwi ma aua te ngaa m'aitiia ake a kam'akuraki b'a tautian ana taanga ni buaka Iteraera. Raoia m'aane aikai bon taani kairiiri man taiani utu, mataniwiin taian taanga ni buaka, ao ana mataniwi te uea. A baaireaki aroia i nanon teuana te nam'akaina:

2.Rongorongo 11:1

Ngke e a tia n okira Ierutarem Reoboam, ao e iangoia b'a e na buakana Iteraera b'a e aonga ni manga taua riki taekan te aba ni kabuta. Ma ngaia are, e bootia tebubua wanibwi te ngaa tautia man te baronga are Iuta ao Beniamin.

2.Rongorongo 14:7

E taku nakoia aomata, “Ti na karaoi taian oo ao taian taua n totoko i bukin ara kaawa nako, ao ti na karaoi taian mataroa aika a konaa n rokanaki n taiani biti aika a buubura. E na riki te aba aei b'a ara b'ai, i bukina b'a ti a tia n ongotaeka iroun te UEA ae Atuara. E a tia n anganiira te rau mairouia ara kairiribai.” Ao a bane ni karaoi b'aai ni kabane aomata ake e iangoi Ata.

2.Rongorongo 14:8

Bon iai ana taanga ni buaka Ata e korakora aika a ninikoria: Tenibubua te ngaa mai buakoia bon man te baronga are Iuta ao iai otangaia ao aia kainiwai n tatabemaniia nako; uabubua wanibwi te ngaa man te baronga are Beniamin ao iai aia kainikatebe ao aia kanoanikatebe.

2.Rongorongo 25:6

E kabooi naba e kaaniia aua te tan taian tirewa i bukin kaboaia tebubua te ngaa tautian Iteraera.

2.Rongorongo 26:13

Aio te taanga ni buaka ae korakora are e tararua te uea mairouia ana kairiribai.

Te Otinako 18:25

ao e rineia mm'aane aika konab'ai mai buakoia Iteraera. E rineia tabeman b'a taani kairiiri i bukiia tengaa, ao tabeman i bukiia tebubua, ao tabeman i bukiia nimangaun, ao tabeman i bukiia tengaun.

Warekaia Iteraera 1:3

Ao ma n taui araia mm'aane ni kabane aika uabwi ni waerake aia ririki ni maiu, aika kona ni buaka.

1.Tamuera 8:12

Ane a na riki tabeman b'a mataniwiia 1,000 te tautia, ao tabeman b'a mataniwiia 50 tautia. Ao tabeman naba a na unika aon aban te uea ma n taia uaana, ke ni karaoi taiani b'ainibuaka, ao b'ain nako te kanibuaka are katikitikaki irouia aoti.