2.Rongorongo 24:24 - Te B'aib'ara

²⁴ E rangi ni uarereke ana taanga ni buaka Aturia, ma e karaoia te UEA b'a e na konaaki ana taanga ni buaka Iuta ae moan te korakora irouia, i bukina ngke E katuaaea Ioati ao kaain Iuta ngke a tannako mai rouna.

2.Rongorongo 24:24 Iomraidhean Croise

2.Uea 12:17

Ni bon te tai naba arei, e buakana te kaawa are Kaata uean Turia are Ataera, ao e taua. I mwiina, e a manga iangoia b'a e na buakana Ierutarem.

2.Rongorongo 16:7

N te tai ae e aki maan i mwiin rikin anne, ao e nako te burabeti are Anani ni kawara Ata ao e taku: Ko mwiokoa uean Turia ao ko aki mwiokoa te UEA ae Atuam. Ma ngaia are, ko na bon aki konaa ni kataenikaia ana taanga ni buaka Turia.

2.Rongorongo 22:8

ao ngke e karaoa anne Ieu, ao e a manga nooriia tabeman taani kairiiri mai Iuta ao ai natin Aatia te m'aane ake a roko ma Aatia. E bon tiringiia naba Ieu n te tabo arei,

2.Rongorongo 24:20

E taetae te Atua nakon te burabeti are Tekaria are natin Ieoiata are te ibonga, ao e tuangiia aomata ni kabane Tekaria ana taeka te Atua ae e kaangai, “E aera ngkai kam aki ongotaeka irou ao nakon au tua nako? Kam a tia ni tannako mairou.” E na karekea te katuaaeaki te b'ai aei, ma ngaia ae ngkai N nang tinanikuingkami.”

2.Rongorongo 28:5

A bure ao a tannako mairoun te UEA ae te Atua are e taataromauriaki irouia aia bakatibu Aati ma kaain Iuta. Ma ngaia are, e katuuaia te UEA ni kataenikaiia irouia aia kairiribai.

Itaia 13:5

E waaki n nakomai te UEA ma te tiritiri ao te un ae moan te korakora man te aba ae e raroa e uota ana b'ainibuaka b'a e na kamaunaa te aonnaba.

Itaia 30:17

Ngkana ti tabeman b'a ti niiman ke ti temanna, e na bon tau i bukin kakioakiia teuana tengaa mai roumi. N tokina, ti nikiraia ake a reke maiuia bon ti tabeman aika a tiku n timoimoi kaanga kain te buraeki i aon te tabuki ae e rereua aona.

Ieremia 37:10

E ngae ngkana kam konaa ni kataenikaia aia taanga ni buaka ni kabane ma ane e na bon reke naba aia tai aika ikoaki aika nikira ni maiu ni kiitan aia autinrianna ma ni kaurarakea Ierutarem.

Nakoaia Ibonga 26:25

E na riki te buaka i bukina b'a kam urua ara boraraoi, ao ngkana kam biri nakon ami kaawa ake a oaki, ao N na katuaaingkami n te aoraki ae e korakora, ao kam na reke irouia ami kairiribai.

Nakoaia Ibonga 26:37

Ao ane kam na mamaara ma n tatatata ao ni b'aka temanna i aon temanna, e ngae ngkana akea ae e kakioingkami.

Nakoaia Ibonga 26:8

e aoria ngkana tii niiman ngkami ao tebubua ngaiia, ke tao tebubua ngkami ao ngaiia tebwina tengaa m'aitiia.

Ab'akuka 1:12

Te UEA, bon te Atua Ngkoe mangkoa. Bon te Atua Ngkoe ae ko tabu ae akea tokim te UEA, Atuau, ao otangau. Ko a tia n rinea B'aburon ma ni kakorakoraa b'a tabonibaim n oroira.

Teb'ania 1:2

E taku te UEA, “N nang kamaunai b'aai ni kabane aika i aon te aba,

Te Tua-Kaua 28:25

E na kakonaakingkami te UEA irouia ami kairiribai, ao kam na uamaae nakon taabo nako. Kam na riki b'a kamarakan mataia botannaomata tabeua ngkana a nooringkami,

Te Tua-Kaua 28:48

ao ane na kanakoia ami kairiribai b'a a na buakaningkami ma n anai ngkami b'a aia taenikai. Ao i mwiina, kam na maeka ni kainano b'a akea kanami ma nimami, ke kunnikaimi, ao a na kam'akuringkami ami toka n te m'akuri ae rawaawata ni karokoa matemi.

Te Tua-Kaua 32:30

E na kanga ti temanna aia tautia kairiribai ni kakioia teuana te nga tautian Iteraera? Ke a na kanga uoman mai buakoia ni kakioia tebwina tengaa aia taanga mai roura? E ti kona n riki aei ngkana E katoka Ana kakaawakin te UEA nakon Iteraera ma ni katokanikaia kairiribai.