2.Rongorongo 24:20 - Te B'aib'ara

²⁰ E taetae te Atua nakon te burabeti are Tekaria are natin Ieoiata are te ibonga, ao e tuangiia aomata ni kabane Tekaria ana taeka te Atua ae e kaangai, “E aera ngkai kam aki ongotaeka irou ao nakon au tua nako? Kam a tia ni tannako mairou.” E na karekea te katuaaeaki te b'ai aei, ma ngaia ae ngkai N nang tinanikuingkami.”

2.Rongorongo 24:20 Iomraidhean Croise

1.Rongorongo 12:18

Ao Amatai are temanna mai buakoia m'aane akekei are e a manga riki b'a te tia kairiiri irouia Taani Buaka ake Teningaun, e kawara Tawita. E niniaki n Tamnein te Atua, ao e taku, “Ti na raoningkami, Tawita ae natin Iete! Ko na tetekeraoi ngkoe ma raom, b'a E buaka te UEA man ami itera.” Ma ngaia are, e kariaia Tawita b'a a na tiku i rarikiia, ao e anganiia tib'angaia b'a taan tararuaia tautia ake a na niniia aia kaawa irouia aia kairiribai.

1.Rongorongo 28:9

Toromon ae natiu te m'aane, kona riai n taromauria te Atua ao ongotaeka i rouna ma nanom ni kabane ma am iango, n aron are I a tia ni karaoia. E atai am iango ni kabane ao bukin karaoan b'aai iroum, ao ngkana ko tang nakoina, ao E na ongo am tataro nako. Ma ngkana ko aki kubariia, ao e na bon aki tabeakiniko n aki toki.

2.Rongorongo 12:5

A tia ni m'ananga Reoboam ma ana taani kairiiri i Iuta nako Ierutarem b'a a biri nako man ana buaka Titiaka. Ao ngke a mena ikekei, ao e taku Temaia are te burabeti nakoia, “E taku te UEA b'a i bukina ngkai kam aki ongotaeka i rouna, ao E a tia ngkai ni kiitaningkami. E na bon aki buokingkami te UEA ni kamaiungkami man ana buaka Titiaka!”

2.Rongorongo 20:14

Ao e karina n taetae Tamnein te UEA nakon Iaatiera, are kanoan Rewi man te kaainga are Ataba.

2.Rongorongo 23:11

Ao Ieoiata ma natina m'aane a kaira Ioati nako tinaniku, ao a katoka te baunuea i aon atuuna ao a anganna katotoon taian tua i bukin tautaekanakiia te botannaomata. E kab'aroaki b'aan te oriwa i aon atuuna ni kaotaki b'a ai te uea ngkai ngaia, ao a bane ni kukurei aomata ma n takaarua, “E na anaanau maiun te uea!”

2.Rongorongo 24:24

E rangi ni uarereke ana taanga ni buaka Aturia, ma e karaoia te UEA b'a e na konaaki ana taanga ni buaka Iuta ae moan te korakora irouia, i bukina ngke E katuaaea Ioati ao kaain Iuta ngke a tannako mai rouna.

2.Rongorongo 25:16

Ma I m'aain banen ana taeka te burabeti, ao e a kamangaoa naba Amatia man taku, “Bon tiaki ngkoe ara tia iango temanna! Ko na aki manga taetae, b'a I kaawa n tiringko.” E toki ana taeka te burabeti. Ao e a manga taku, “Ko karaoa te bure, ao ngkai ko a manga aki kan ongo n au kauring, E bon rangi n teretere raoi b'a e nang katuaaeko te Atua!”

2.Rongorongo 29:8

E rikirake ni korakora unin te UEA irouia kaain Iuta ma Ierutarem, ao a bane ni mimi aomata ma ni maaku n te b'ai are e karaoia ni katuaaia iai.

Ieremia 2:19

Ane a na katuaeko am bure, b'a bon te bure ae moan te buakaka b'a kam kiitanai ao kam aki roko n te maaka te rekenikai. Bon aei Au taeka Ngai ae te UEA ae Moan te M'aaka.

Ieremia 26:2

Ieremia, iai Au rongorongo nako ia aomata nako aika a roko mai Iuta b'a a na taromauri n au Tembora. Ko na nako nakon katawanangin te Tembora ao taekin b'aai ni kabane ake I taekin nakoim.

Ieremia 4:18

“Kaain Iuta, ane a na rootaki nanomi n te maraki, ma bon ami kaairua ae e kam na katuaaeaki iai.”

Ieremia 5:19

Ao ane a na titiraki akana a riki b'a nikira ni maiu ni kaangai, “E aera ngkai E karaoa te b'ai ae e kakamaaku aei te UEA ae te Atua nakoira?” Ao kam na tuangiia ni kaangai: Bon te UEA Ngai, ma kam a tia ni kiitanai n taromaurii anti tabem'aang ni bon oin abami. Ao ngkai kam na riki b'a tooro i abaia ianena.

Ieremia 5:25

Ao bon anne bukina ngkai I aki konaa ni kakab'aiaingkami!

Amota 5:10

Ngkami aika aomata kam ribaia ake a karaoa te motikitaeka ae riai ao n taekini taeka aika koaua n te bowi.

Warekaia Iteraera 14:41

Ma e kaeka Moote ni kaangai, “Kam a tia n aki ongeaba nakon te UEA, e na bon aki koro bukin ami iango,

Mataio 23:35

Anne bukin ae kam na bukinaki iai i bukini mateia aomata ake a raoiroi i aon te aba, mairoun Abera ni karokoa natini Barakia are Tekaria, are tiringaki i roumi i marenan te um'antabu ma te baonikarea.

Ruka 11:51

Man te tai are e b'aka iai raraan Abera nakoni b'akan raraan Takaaria, are mate i marenan te baonikarea ma te um'antabu. Eng, I tuangngkami, b'a ane na tangiraki boona mairouia kaain te roro aei.

Te Tua-Kaua 31:17

ao ane N na rangi n un, ao N na kiitaniia ma n aki kan ongo aia tataro. N na karokoa te kabuanib'ai ma te maraki irouia, ao ane a na kuri ni bane ni mate. Ao ni bon tokina, ane a na uringaaba, ao a na ataia b'a e roko te kabuanib'ai i bukina ngke I kitaniia.

Tani Motiki-taeka 6:34

Ao E ninia Kiteon tamnein te UEA, ao e katanga te kanikina Kiteon n te bu n tuangiia kaain te kaainga are Abietera b'a a na iria.