2.Rongorongo 24:18 - Te B'aib'ara

¹⁸ Ni bon te tai arei, ao a katoka taromauriia n ana Tembora te UEA ae te Atua kaain Iuta, ao a moana taromauriaia taian bouannanti ao bannan te anti are Nei Atera. Aikai m'akuri aika a buakaka aika e rangi n un iai te UEA ae te Atua irouia kaain Iuta ao Ierutarem,

2.Rongorongo 24:18 Iomraidhean Croise

2.Tamuera 24:1

Ao E un te UEA irouia Iteraera, ao e karekea ana iango Tawita b'a e raoiroi ngkana e wareki m'aitiia Iteraera ma Iuta.

1.Uea 14:23

A boni karaoi naba oin aia baangota, ma taamnein anti Ianena n taian atiibu, ao a katei bouannanti i bukin taromaurian te anti are Nei Aatera i aon taian tabuki ao i aan nuun kaai aika a korakora.

1.Uea 14:9

Ko a tia n rangi ni kamaraka nanou, ngke ko kaaki taekau; ao ko karaoi bouananti man te koora. Ieroboam. Ko a tia ni karaoa te m'akuri ae moan te buakaka riki nakon are a tia ni karaoia uea ni kabane ake mai i m'aaim.

2.Rongorongo 12:1

N te tai ae e aki maan ngke e a tia Reoboam n taua taekan abanueana, ao e a manga aki ongotaeka iroun te UEA ngaia ma kaain Iuta ni kabane.

2.Rongorongo 12:2

Ma ngaia are, n ana kanimaua n ririki n tautaeka Reoboam, ao e a katuaiia te UEA i bukin aia aki kakaonimaki ao e kariaia uean Aikubita are Titiaka b'a e na buakana Iuta.

2.Rongorongo 19:2

Ma e kaaitibo ma te burabeti are Ieu are natin Anani te m'aane i aon kawaina ao e taku Ieu nako ina: Ngkai ko buoka te aomata ae e buakaka are Aaba, ao ko a tia n iraorao ma te aomata ae e ririiba te UEA. Ao ngkai, e un te UEA iroum!

2.Rongorongo 21:13

Ma ko a tia ni karaoi aron are a karaoia uean Iteraera aika taani bure aikai ao ko a tia ni katokiia aomatan Iuta nakon taromaurian te UEA, n aron are a tia ni karaoia Aaba ma ana kariki. Ko bon tiringa naba oin tarim, aika a raoiroi riki nakoim.

2.Rongorongo 22:4

Bon i mwiin maten tamana, ao e bure Aatia nakon te UEA ngke e a manga rineia ana koraki Aaba tabeman b'a ana riki b'a ana taan iango. Bon aia taan iango ake a karekea te b'aka aei.

2.Rongorongo 24:17

I mwiin maten Ieoiata are te ibonga are rietaata, ao a m'ananga taani kairiiri mai Iuta nakon Ioati mani kairiia nakon karaoan are a tangiria.

2.Rongorongo 24:4

I mwiin tabeua te tai, ao e a iangoia Ioati b'a e nang onob'aia te Tembora.

2.Rongorongo 25:15

E rangi ni kauna te UEA te m'akuri aei, ao e kanakoa te burabeti b'a e na titirakina Amatia ni kaangai, “E aera ngkai kam taromaurii antiia ianena aikai aika a aki konaa ni kamaiuia ake bon oin aia aomata man buakanakiia?

2.Rongorongo 28:13

ao a taku: Ngkana kam uotiia taenikai aikai nako Tamaria, ao kam a bon kabatia riki iai ara bure iroun te UEA. Ao bon iai naba ara bure i rouna.

2.Rongorongo 29:8

E rikirake ni korakora unin te UEA irouia kaain Iuta ma Ierutarem, ao a bane ni mimi aomata ma ni maaku n te b'ai are e karaoia ni katuaaia iai.

2.Rongorongo 32:25

Ma e rangi ni kamoamoa Etekia ao e rawa ni kaaitaua te UEA i bukin b'aai ni kabane ake e a tia ni karaoia nako ina. Ao aio are e karika unin te UEA, ao e katuaaea Etekia ma kaain Iuta ma Ierutarem.

2.Rongorongo 34:25

A tia kaain Iuta ao Iteraera n aki kubarai. A tia n anga karea nakoia antiia ianena ao a tia naba n taromauriia aia bouannanti ake bon aia b'ai. I a bon aki konaa aroia aei. I a rangi n un irouia.

Te Otinako 34:12

Kam na aki karaoa te iraorao ma temanna mai buakoia aomata aikai. Ngkana kam karaoa anne, ao e na riki b'a te m'aruarua ni kam'ane.

Te Otinako 34:13

Kam na onea mwiin anne n urua aia baonikarea ma ni kamaeei taian boua ake a tabu

Ieremia 17:2

A a tia ni katei taian baonikarea ni beekan te roro teuana i mwiin te roro teuana ao a taromauriia te anti are Nei Atera n taabo nako i aon abami, i aon taian tabuki ao taiani maunga, ao i aan aroka aika a korakora.

Otea 5:14

Ma ngaia are, N na riki b'a te raian ae e tiritiri ni buakana Iteraera ao Iuta. N na buribaiia ma n uota nako te b'ai ae I tangiria, ao bon akea temanna ae e konaa ni katokai.

I-Ebeto 5:6

E na tai m'am'anaingkami temanna n taeka aika akea bonganaia: b'a e roko unin te Atua i bukini baikai i aoia aomata aika aki ongeaba nakoina.

Iotua 22:20

Kam aki uringa Akan are natin Tera ngke e aki ongotaeka naba nakon Ana mwioko te UEA are a na aki anaaki baikeke a riai ni kamaunaaki ao a bane ni katuaaeaki aomatan Iteraera i bukin anne, tiaki ti Akan ni mate i bukin ana bure.”

Tani Motiki-taeka 5:8

A taromauriia atua riki tabeman Iteraera, ao a rina ni buakanaki mataroan aia kaawa nako Ma bon akea aia otanga ke aia kainiwai ni buaka.

Tani Motiki-taeka 8:33

Ao i mwiin maten Kiteon, ao a manga tannako Iteraera mairoun te Atua. A katei bouanantin B'aara ao a taromauria B'aara Berita b'a atuaia.