2.Rongorongo 24:17 - Te B'aib'ara

¹⁷ I mwiin maten Ieoiata are te ibonga are rietaata, ao a m'ananga taani kairiiri mai Iuta nakon Ioati mani kairiia nakon karaoan are a tangiria.

2.Rongorongo 24:17 Iomraidhean Croise

2.Uea 12:18

Ma ngaia are, e rikoi b'aai ni kabane Ioati ake a tia ni katabuaki i rouna ma ana bakatibu are Ieotiab'ata, Ieoram, ao Aatia, ni ikotaki naba ma koora ake n taian ruunib'ai ake n te Tembora ma te bareti. E kanakoi ni kabane nakon Ataera b'a te b'aintangira. Ao ngke a reke iroun Ataera, e a tuangiia naba ana taanga ni buaka b'a a na kiitana Ierutarem.

2.Rongorongo 24:16

ao e taunaki n ruanimateia uea i Ierutarem, i bukina ngke a rangi m'aiti baika e karaoi nakoia Iteraera, nakon te Atua, ao nakon te Tembora.

2.Rongorongo 24:18

Ni bon te tai arei, ao a katoka taromauriia n ana Tembora te UEA ae te Atua kaain Iuta, ao a moana taromauriaia taian bouannanti ao bannan te anti are Nei Atera. Aikai m'akuri aika a buakaka aika e rangi n un iai te UEA ae te Atua irouia kaain Iuta ao Ierutarem,

Taeka n Rabakau 20:19

Kararoako man taiani winanti— a tuangko b'aai ni kabane.

Taeka n Rabakau 26:28

Tarataraia raoi akana a tataekina te kewe ma te karang a otinako b'a a na raweiko.

Taeka n Rabakau 26:8

Ko nang karinea te nanobaba? E aera ngkai ko aki kabaea ni kakooa am kanoa ao ko a bana?

Taeka n Rabakau 29:12

E a tia ni uruia aroia ana mataniwi te tia tautaeka ae e ongongo n taiani kewe.

Taeka n Rabakau 29:5

Bon akea manenan kamoamoaan temanna b'a kaanga ai aron kawenean te b'ainikam'ane.

Etekiera 18:24

Ma ngkana a moana karaoan te bure aomata ma ni karaoi m'akuri aika a rangi n ribaaki, a na kamaiuaki? A na aki! E na m'aninga te aba taekan aia m'akuri aika a raoiroi aika a tia ni karaoi, ao a na tiringaki i bukin aia bure nako.

Taniera 11:32

Ao e na anai nanoia koraki ake a tia ni kitana te aro ni Iutaia, ma a na kaaitaraaki ni buakanaki irouia ake a teimatoa n aki kitana te Atua.

Ruka 11:25

Ngke e roko iai ao ni kunea b'a e a tia ni kaitiakaki ao ni baireaki raoi b'ain nanona,

Te Tua-Kaua 31:27

Ao I bon atai taningabonomi ma ami kamangao ma Iteraera ni kabane. Kam a tia n kakaitaraa te UEA ngkai I boni maiu i rarikimi, ao ane kam na rangi ni buakaka riki ngkana I a kiitaningkami.

2.Betero 1:15

Ao N na kataa au kabanea ni kona ni karekea te anga are kam na kona iai n ururing baikai n taai nako i mwini mateu.

Tani Motiki-taeka 8:33

Ao i mwiin maten Kiteon, ao a manga tannako Iteraera mairoun te Atua. A katei bouanantin B'aara ao a taromauria B'aara Berita b'a atuaia.