2.Rongorongo 23:11 - Te B'aib'ara

¹¹ Ao Ieoiata ma natina m'aane a kaira Ioati nako tinaniku, ao a katoka te baunuea i aon atuuna ao a anganna katotoon taian tua i bukin tautaekanakiia te botannaomata. E kab'aroaki b'aan te oriwa i aon atuuna ni kaotaki b'a ai te uea ngkai ngaia, ao a bane ni kukurei aomata ma n takaarua, “E na anaanau maiun te uea!”

2.Rongorongo 23:11 Iomraidhean Croise

2.Tamuera 1:10

Ma ngaia are, I a tiringnga. I ataia b'a e a bon rangi n ikoaki n te aro are e na bon aki reke maiuna. Ao I anaa ana baunuea ma ana burenibai, ao I a uoti nakoim, Teuae ko karineaki. Aikai baikai.

2.Tamuera 16:16

Ao e roko raoraon Tawita are Utiai iroun Abetarom ao e taku, “E na teimaan maiun te uea! E na teimaan maiun te uea!”

2.Tamuera 5:3

Ao e karaoa ana boraraoi ma taani kairiiri Tawita i nanon tain te boowi, ao e butiia te UEA b'a e na riki b'a aia tia kakoaua. Ao i mwiina, a kab'aroa b'aan te oriwa taani kairiiri i aon atuun Tawita ni kaotia b'a e a uea man te tai aei i aon Iteraera.

1.Uea 1:25

Ngke e ingabong riki ao e tiringi taiani kao ma kao ataei ao taian tiibu aika a m'aiti. E kaoiia taiani mataniwi n te taanga ni buaka, Abiata, ao natim m'aane ni kabane nako ikekei. Ao a am'arake ni kukurei ma ni mooi ni karokoa te tai aei ma n tatakarua ni kaangai, ‘E na teimatoa maiun te uea ae Atoniia!’

1.Uea 1:34

Ngkana kam roko ikekei, ao a na karaoa kaueaan Toromon b'a uean Iteraera ae boou Tatoka ma Natan. Ao i mwiin te kauea, ngkana e a b'ara ao kam na karekea temanna ae e na katanga te bu ma n tuangiia aomata b'a a na takaarua ni kaangai, ‘E na teimatoa maiun te uea ae Toromon.!’

1.Uea 1:39

E uota b'aan te oriwa Tatoka are te ibonga man te Um'antabunrianna, ao e kab'aroa i aon atuun Toromon ni kaotia b'a e a uea ngkai. E tangi te bu, ao a bane n takaarua aomata ni kaangai, “E na teimatoa maiun te uea ae Toromon.”

2.Uea 11:12

E kairaki Ioati iroun Ieoiata nako tinaniku, ike e a katokaa te baunuea i aon atuuna, ao e anganna katotongan te kaetieti i bukin kairan te botannaomata. E kab'aroaki b'aan te oriwa i aon atuuna ni kaotia b'a ngaia ngkai te uea, ao a uboubo aomata ma n takaarua ni kaangai, “E na teimatoa maiun te uea.”

2.Rongorongo 22:11

e anaa Ioati are natin Aatia te m'aane Nei Ieotiab'ata are e nang tiringaki naba n aroia ake te korakina. Nei Ieotiab'ata are natin Ioram te aine ao ai m'anen Aatia, e mareaki ma Ieoiata are te ibonga. Ma ngaia are, e konaa iai ni karaba ai natina te m'aane are Ioati ma ana toro temanna i nanon te ru ni matu n te Tembora ike e raba raoi iai mairoun Nei Ataria.

2.Rongorongo 23:10

A anga taiani b'ai ni buaka nakoia taani tei, ao Ieoiata e taraia b'a a na roko raoi taan tei ni nneia ni katobibia te Tembora ao te baonikarea i bukin kaawakinan te uea man taabo nako.

2.Rongorongo 23:12

Ao ngke e ongo takaaruaia aomata ni kukurei te ueanaine are Nei Ataria i bukin Ioati, ao e nako n rin n te Tembora.

Taian Areru 132:18

E na kab'ainrangiia ana kairiribai, ma e na kakab'aia ma n tekeraoi ueana.

Taian Areru 21:3

Ko butim'aia ma kakab'aiana aika baika raraoi, Ao Ko katokaa ana baunuea ae te koora i aon atuna.

Taian Areru 78:5

E anga taian tua nakon te botannaomata are Iteraera ake kanoan Iakob'a. E anga ana taeka nakoia ara bakatibu b'a a na reireiniia natiia taekan ana tua,

Taian Areru 89:20

I a tia ni kauea au toro are Tawita ngke I kabiria n te b'aa are tabu.

Taian Areru 89:39

Ko a tia n urua am Boraraoi ma am Toro ao Ko anaa nakoana n uea mai rouna.

Te Otinako 25:16

Kam na karin Tuua ake Tebwiina ake a koreaki i aon taian atiibu i nanon te Atiniberita.

Te Otinako 25:21

Kaaki taian atiibu ake uoua i nanona ake a m'akoro i aon Tuua ake tebwina ao kaaki matana are te koora i aon te ati.

Te Otinako 31:18

Ngke bane ana taeka te Atua nakon Moote i aon te Maunga are Tinai, ao E anganna taian atiibu aika uoua aika raababa aika E a tia ni korei i aoia ana tua ni kabane, n oin tabonibaina.

Itaia 49:23

A na roko ni boobaraaki ueanim'aane ma ueanainen taiani botannaomata aikai ake a kaikawaia. A na kaawakiningkami kaanga te toro ae e kaawakina te ataei. Ao ane ko na ataia iai b'a bon am UEA Ngai. E na aki b'ara nanom ngkana ko onimakinai.”

Itaia 8:16

A na riai ni kanikinaeaki au rongorongo man anganaki au reirei.

Itaia 8:20

b'a tera ae e na karaoia.” Bon akea mai buakoia aika a konaa n taetae n aron anne ae e na maiu ma n noora ootan te bong!

Mataio 21:9

Ao a takarua aomata ake a ri moana ao ake a ri mwina, ni kangai, E na neboaki Natin Tawita! E na kakab'aiaki Teuae nako mai n aran te Atua. E na neboaki te Atua!

Ebera 2:9

Ma ti nora Iesu, are karaoaki ni karinanoaki riki nakoia anera i nanon te tai ae aki maan, b'a E aonga ni mate i bukiia aomata ni kabaneia; ao e riki aei man nanon te Atua n akoi. Ti noria ngkai b'a E a baunaki n te neboaki ma te karineaki i bukin arona ni maraki ma ni mate.

Iakobo 1:12

E a kab'aia te aomata ae teimatoa i buakon te kaririaki; b'a ngkana e a tia ni kataaki, ao e na reke i rouna te bau are te maiu, are E atongnga te Uea b'a aia b'ai akana tangiria.

Iakobo 2:5

Tariu aika kam tangiraki, kam na ongora: tiaki E rineia akana aki kaub'ai ni b'ain aon te aba te Atua b'a a na kau-onimaki, ao a na riki b'a taan abaaba n ueana are E atongnga n te taeka n akoi nakoia ake a tangiria?

Te Kaotioti 19:12

Ai aron uran te ai matana, ao a bati baunuea i aon atuna; ao iai te ara ae koreaki i aon rab'atana, ae akea temanna ae ataia b'a ti Ngaia.

Te Kaotioti 4:10

ao unimm'aane ake angauni ma aman a katorobubua ni bobaraaki i matan Teuare tekateka i aon te kaintokanuea, ma n taromauria Teuare maiu n aki totoki, ma ni kaaki aia baunuea i nanoaan te kaintokanuea, ao a kaangai,

Te Kaotioti 4:4

Ao e katobibiaki te kaintokanuea arei ni kaintokanuea aika uabwi ma aua; ao I nooriia unimm'aane aika uangauni ma aman b'a a tekateka i aoni kaintokanuea ake uabwi ma aua ao a kunnikainiia ni kunnikai aika mainaina, ma baunuea aika koora i aon atuia.

Te Kaotioti 5:10

ao Ko karaoia b'a ana ibonga te Atua n ueana; ao a na uea i aonnaba.”

1.Tamuera 10:1

Ao e anaa te tiaeki ni b'a n oriwa ae uarereke Tamuera ao e kab'aroa i aon atuun Tauro. Ao i mwiina, e kiitina Tauro ao e taku nako ina: E a tia n rineiko te UEA b'a te tia kairiiri ao te tia tautaeka i aoia Ana aomata.

1.Tamuera 10:24

Ao e taku Tamuera nakoia aomata, “Karaua n tara te aomata ae a tia n rineia te UEA! Bon akea te aomata ae ai arona!” Ao a takaarua aomata, “E na anaanau maiun te uea!”